निसर्गामध्ये एकमेकांची नक्कल करणे ही काही नवीन बाब नाही. मात्र, ही नक्कल काही माकडाप्रमाणे दरवेळी टर उडविण्यासाठीच केली जाते असेही नाही. ऑर्किडची गॅस्ट्रोडिया प्युबिलाबायोटा (Gastrodia pubilabiata) ही प्रजाती चक्क अळिंबा किंवा खराब झालेल्या फळाची नक्कल करत असल्याचे दिसून आले आहे. ऑर्किडच्या गॅस्ट्रोडिया प्युबिलाबायोटा या प्रजातीचा गंध ही नासलेल्या फळांसारखी किंवा अळिंबीसारखा असतो. त्यामुळे फळमाश्या फसगतीने या वनस्पतींच्या फुलामध्ये आपली अंडी घालतात. त्याचा फायदा वनस्पतीला परागीकरणासाठी होतो. जर या वनस्पतीच्या अवतीभवती खराब होत असलेल्या अळिंबी असल्यास परागीकरणाच्या दरामध्ये वाढ होत असल्याचे आढळले आहे. त्याचप्रमाणे ही वनस्पती अळिंबीने जमवलेल्या पोषक घटकांचाही तग धरण्यासाठी वापर करते. ही ऑर्किड प्रजाती प्रकाश संश्लेषणाद्वारे अन्न तयार करत नाही. ज्या ठिकाणी प्रकाश पोचत नाही, अशा अंधाऱ्या स्थितीमध्येही ही वनस्पती अळिंबीच्या साह्याने चांगल्याप्रकारे जगू शकते. कोणतीही वनस्पती जमिनीवर परागीकरणासाठी किंवा जमिनीखाली पोषक घटकांसाठी अळिंबीवर अवलंबून असल्याचे हे पहिलेच उदाहरण असल्याचा दावा जपान येथील कोबे विद्यापीठातील सहयोगी प्रा. सुत्सुगू केन्जी यांनी केला आहे. त्यांचे संशोधन इकॉलॉजी या संशोधनपत्रिकेमध्ये प्रकाशित झाले आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.