शेतीमालाच्या स्वच्छतेसाठी पाणीविरहित प्रक्रिया विकसित

पाण्याच्या वापराशिवाय शेतीमालाची स्वच्छता करणारी प्रक्रिया कॅनडा येथील क्लोन वर्क्स या कंपनीने विकसित केली आहे. या प्रक्रियेमध्ये त्यांनी अतिनील प्रकाश आणि वायूरूपातील हायड्रोजन पेरॉक्साईडचा वापर केला आहे. ही प्रक्रिया केवळ ३० सेकंदामध्ये पूर्ण होत असून, ९९ टक्क्यांपर्यंत हानिकारक सूक्ष्मजिवांना नष्ट करत असल्याचा दावा कंपनीने केला आहे. या प्रक्रियेमुळे शेतीमालाचा साठवण कालावधी २५ टक्क्यांपर्यंत वाढत असल्याचेही सांगितले आहे.   बहुतांश शेतीमालाचा संपर्क हा मातीबरोबर येतो. मातीद्वारे विविध सूक्ष्मजीव फळे व भाज्यांमध्ये येतात. अशा हानिकारक सूक्ष्मजिवामुळे विषबाधा होण्याचे अनेक प्रकार सातत्याने पुढे येतात. २०१४ मध्ये कॅरामल सफरचंदाद्वारे उद्भवलेल्या लिस्टेरियाच्या प्रादुर्भावामुळे नायगारा प्रांतातील बिम्सव्हिले (ओंतुरियो) येथील सफरचंद उत्पादक असलेल्या मोयेर यांना प्रत्यक्ष फटका बसला नसला तरी विक्रीवर काही प्रमाणात परिणाम नक्कीच झाला होता. त्याविषयी माहिती देताना मोयेर म्हणाले, की २०१४ मधील लिस्टेरियाच्या प्रादुर्भावामुळे आमचे डोळे उघडले. असे प्रादुर्भाव टाळण्यासाठी व अन्न सुरक्षिततेच्या दृष्टीने आमचा अधिक विचार सुरू झाला. आमच्या ग्राहकांना उत्तम अन्न आणि सुरक्षित अन्न देण्यासाठी प्रयत्न सुरू झाले. मोयेर यांची अॅपल प्रोडक्ट्स ही कंपनी आहे. त्यांच्या कंपनीला २०१७ मध्ये ओन्तुरियो सरकारचा नावीन्यपूर्ण कृषी अन्न सर्वोत्कृष्ठता पुरस्कार मिळाला आहे. त्यांनी शेतीमालाच्या सुरक्षिततेसाठी कोर्ट होल्डिंग्ज लि. यांच्यासोबत क्लोन वर्क्स ही कंपनी स्थापन केली. त्यांच्यासह विकसित केलेल्या या प्रक्रियेला कंपनीने क्लोन व्हेरिफिकेशन असे नाव दिले. अशी आहे ही प्रक्रिया