शिकारीमुळे स्थानिक अन्नसुरक्षेवर होतोय परिणाम

शिकारीमुळे स्थानिक अन्नसुरक्षेवर होतोय परिणाम
शिकारीमुळे स्थानिक अन्नसुरक्षेवर होतोय परिणाम

वर्षावनातील जंगलांमध्ये मोठ्या प्रमाणात होत असलेल्या शिकारीमुळे स्थानिक अन्नसुरक्षिततेवर परिणाम होत असल्याचे मत युनिव्हर्सिदाद सॅन फ्रान्सिस्को डी क्विटो आणि ‘डब्ल्यूसीएस इक्वेडोर प्रोग्रॅम’मधील संशोधकांनी व्यक्त केले आहे. या शिकारी प्रामुख्याने आहारातील प्रथिनांच्या पूर्ततेसाठी केल्या जात असून, त्याचे पर्यावरणावर विपरीत परिणाम होण्याचा इशारा देण्यात आला. हे संशोधन ‘जर्नल बायोट्रॉपिका’मध्ये प्रकाशित केले आहे. पूर्वी निबीड अशा वर्षावनांमध्ये केवळ लहान गटाद्वारे पारंपरिक हत्यारांनी केवळ उपजीविकेसाठी शिकारी केल्या जात. मात्र, अलीकडे शिकारीच्या पद्धती आधुनिक झाल्या असून, शिकाऱ्यांचे प्रमाणही वाढले आहे. आधीच खाण उद्योग, तेलाचा शोध आणि पर्यटन यामुळे वनांमध्ये आतपर्यंत मानवाचा वावर वाढला आहे. त्यामुळे जंगलाची आणि जंगली श्वापदांची भीती कमी झाली असून, वन्यप्राणी व त्यांच्या शरीरातील अवयवांची निर्यात वाढत चालली आहे. याचा फटका अनेक वन्यप्रजातींना बसत असून, त्याचा जंगलाच्या जैवविविधतेवर विपरीत परिणाम होत आहे. ही जैवविविधता एकूणच जंगलांच्या पर्यावरणासाठी अत्यावश्यक असून, त्याचा अंतिम परिणाम मानवाच्या अन्नसुरक्षिततेवरही होणार असल्याचा इशारा संशोधकांनी दिला आहे. शिकारीसाठी विविध आधुनिक साधनांचा एकत्रित वापर होत अाहे. त्यातून शिकार यशस्वी होण्याचे प्रमाण वाढत असल्याने अनेक प्रजातींची संख्या वेगाने कमी होत आहे. अनेक प्रजातींच्या शिकारीवर बंदी आली असली तरी शिकारीचे सर्व लक्ष अन्य लहान प्रजातींकडे वळले आहे. या लहान प्रजातींचा जन्मदर अधिक असल्याचे सांगितले जाते. मात्र, ज्या वेगाने शिकारीचे प्रमाण वाढत आहे, त्या तुलनेमध्ये जन्मदरही कमी राहू शकतो. त्याचा फटका या प्रजातींनाही बसणार आहे. उपाययोजना या समस्येवर उपाय शोधण्यासाठी सहभागींचे वेगवेगळे विभाग करण्याची कल्पना मांडली जाते. उदा. रहिवासी, शेती विभाग, लाकडाशिवाय अन्य वनोपजे गोळा करण्याचे विभाग, वनविभाग, शिकार विभाग. या विभागांतील स्थानिक लोकांसाठी उपीजविकेचे अन्य मार्ग उपलब्ध करून देणे. उदा. पर्यावरण पर्यटन, अन्नासाठी पाळीव प्राण्यांचे संगोपन, विविध पाळीव प्राण्यांची पैदास करणे.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com