लक्षणे दिसण्यापूर्वीच वराहाद्वारे लाळ्या खुरकूत रोगाचा प्रसार

लाळ्या खुरकूत रोगाचा विषाणू वराहांमध्ये अधिक आक्रमकतेने पसरत असल्याचे अमेरिकी कृषी संशोधन सेवेच्या शास्त्रज्ञांच्या लक्षात आले आहे. पूर्वी वराहामुळे लाळ्या खुरकूत रोगांचा प्रसार होत असल्याचे ज्ञात असले तरी त्यांच्या प्रसाराचा वेग अपेक्षेपेक्षा अधिक आहे. वराहामध्ये पूर्ववैद्यकीय लक्षणांपूर्वी अंदाजे २४ तास संसर्गजन्यता येत असल्याचे नव्या संशोधनात आढळले आहे. हे संशोधन ‘सायन्टिफिक रिपोर्टस्’मध्ये प्रकाशित करण्यात आले आहे. जागतिक पातळीवरील पशुपालनासाठी लाळ्या खुरकूत रोग हा त्याच्या संसर्गजन्यतेमुळे अत्यंत महत्त्वाचा ठरतो. १९२९ पर्यंत अमेरिकेमध्ये या विषाणूजन्य रोगाचा उद्रेक कधीही आढळला नव्हता. हा संसर्गजन्य रोग असून काही वेळा प्राण्यांच्या जिवावर बेतू शकतो. त्याच प्रमाणे प्राणीज उत्पादनामध्ये प्रचंड घट होते. त्यामुळे अमेरिकेतील पशुपालनासाठी मोठा धोका ठरू शकते. आजवर लाळ्या खुरकूतमुक्त मानल्या जाणाऱ्या अमेरिका आणि युरोपमधील देशामध्ये या रोगाचा शिरकाव झाल्यास व्यापारावरील बंदी आणि रोगग्रस्त प्राण्यांच्या कत्तली यामुळे अर्थव्यवस्थेला अब्जावधी डॉलर्सचा फटका बसू शकतो. त्यामुळे रोग येणारच नाही, प्रसार रोखता येईल, या अनुषंगाने अधिक प्रयत्न करण्याची आवश्यकता अमेरिकी कृषी संशोधन सेवेचे पशुवैद्यकीय अधिकारी जोनाथन अर्झ्ट यांनी व्यक्त केली. मात्र, वराहासारख्या प्राण्यांमध्ये लसीकरण हे आव्हानात्मक मानले जाते. लसीकरण झालेल्या वराहांनाही विषाणूंचा प्रादुर्भाव होण्याचा आणि रोगाच्या संभाव्य प्रसाराचा धोका असतो. या पूर्वी झालेल्या संशोधनामध्ये लाळ्या खुरकूत रोगाचा प्रसार पूर्ववैद्यकीय स्थितीमध्ये म्हणजेच आजारपणांची लक्षणे दिसण्यापूर्वी होत नसल्याचे मानले जात होते.

असा झाला अभ्यास