वाहतुकीच्या दरम्यान मधमाश्यांच्या वसाहतींना सामोरे जावे लागणाऱ्या ताणांचा अभ्यास अमेरिकी कृषी संशोधन सेवेतील संशोधकांनी केला आहे. या प्रवासादरम्यान आणि त्यानंतरच्या काळात सलग थंड तापमान राहिल्यास मधमाश्यांच्या वसाहतीचे नुकसान होण्याचे प्रमाण वाढत असल्याचे प्राथमिक संशोधनात आढळले आहे. दरवर्षी सुमारे २० लाख मधमाशी वसाहती या सेमी ट्रेलर आणि जहाजाद्वारे वेगवेगळ्या ठिकाणी नेल्या व वाढवल्या जातात. एकूण मधमाशी वसाहतीच्या तुलनेमध्ये हे प्रमाण दोन तृतीयांश इतके मोठे आहे. अनेक वेळा बाह्य देशामध्येही पाठवले जातात. कॅलिफोर्नियामध्ये सुमारे १३ लाख एकर क्षेत्रावर बदाम बागा आहेत. या झाडांच्या परागीकरणासाठी अनेक वेळा मधमाश्यांच्या वसाहती नेल्या जातात. मात्र, त्या ठिकाणी पोचल्यानंतर काही काळ स्थिरस्थावर झाल्यानंतर बदाम बागेमध्ये ठेवल्या जातात. फार्गो (उत्तर डाकोटा) येथील अमेरिकी कृषी संशोधन सेवेतील बायोसायन्स रिसर्च लॅबोरेटरी येथील संशोधक डॅकोटह मेलिचेर यांनी सांगितले, की आम्हाला लहान आकाराच्या म्हणजेच १० पेक्षा कमी फ्रेम मधमाश्या व त्यांच्या अळ्या असलेल्या वसाहतींची ट्रकद्वारे वाहतूक करताना अडचणी येतात. या काळात त्यांच्या वसाहतीतील तापमान नियंत्रित ठेवणे शक्य होत नाही. परिणामी त्यांना थंडीचा ताण सहन करावा लागतो.
ताण कमी करण्यासाठी उपाययोजनेवर लक्ष ः मधमाश्यांवर येणाऱ्या अत्युच्च ताणावर लक्ष केंद्रित करण्यापूर्वी आपण मधमाश्यांचे विविध घटकांसाठीच्या नेमक्या प्रतिक्रिया जाणून घेणे आवश्यक आहे. त्यात दीर्घ प्रवास, हादरे, हवेचे दाब, डिझेलच्या ज्वलनाने तयार होणारे वायू आणि प्रत्यक्ष मधमाशीच्या बॉक्समधील वातावरण अशा अनेक घटकांचा समावेश असतो. यातील काही घटकांचे ताण हा आपल्या अपेक्षेपेक्षा अधिक असतो. हे ताण कमी करण्यासाठी कमी खर्चिक उपाय असू शकतात. त्यावर आपणाला लक्ष केंद्रित करावे लागेल, असे मेलिचेर यांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.