मानवी इतिहासाचाही परिणाम दिसतो गहू उत्क्रांतीवर

प्रथम गहू पिकाच्या जनुकीय संरचनेचा नकाशा बनविण्यात आला, त्यानंतर आता त्यांच्या पैदाशीच्या इतिहास व्यवस्थित मांडण्याचे काम नुकतेच पूर्ण करण्यात आले. गहू जातीच्या जनुकीय विविधतेची माहिती व्हेल्बी अभ्यासाअंतर्गत संशोधकांनी मिळवली आहे. यातून गहू ज्यापासून विकसित होत गेला अशा प्राचीन काळापासून लागवडीखाली असलेल्या तृणधान्य वनस्पतींचा शोध घेतला आहे. या साऱ्या प्रक्रियेवर विविध युद्धांचा परिणामही स्पष्टपणे समोर आला आहे. हे संशोधनाचे निष्कर्ष ‘जर्नल नेचर जेनेटिक्स’ मध्ये प्रकाशित करण्यात आले आहेत. लोकसंख्येतील वाढ आणि तापमान बदलांचे परिणाम यामुळे भविष्यामध्ये अन्नधान्यांचे स्रोत कमी होत जाणार आहेत. पिकाखाली असलेल्या वनस्पतींच्या उत्पादनामध्ये वाढ करण्यासाठी पैदासकारांची कसोटी लागणार आहे. सध्याच्या लागवडीखाली असलेल्या पिकांच्या जाती त्यासाठी पुरेशा ठरतील का, असाही प्रश्न विचारला जात आहे. यासाठी गहू वनस्पतीची जनुकीय संरचना उलगडण्यापासून जनुकीय विविधतेचा शोध घेण्याचा प्रयत्न आंतरराष्ट्रीय संशोधकांचा गट करत आहे. या अभ्यासामध्ये जर्मनी येथील हेल्महोल्ट्झ झेन्ट्रम म्युनचेन येथील शास्त्रज्ञांसह फ्रान्स, इटली, हंगेरे, टर्की आणि अन्य युरोपिय देशांतील शास्त्रज्ञांचा समावेश आहे. यासाठी युरोपिय महासंघाने अर्थसाह्य पुरवले आहे. या अभ्यासातून गहू जाती आणि त्यांच्यातील जनुकीय विविधता यांचा संबंध मानवी सामाजिक-सांस्कृतिक इतिहासाशी जोडलेला असल्याचे पुढे येत आहे. असे आहे संशोधन ः

संशोधनाचा फायदा ः