ब्ल्यूबेरीच्या उत्पादन, दर्जासाठी जंगली माश्या महत्त्वाच्या

मधमाश्या किंवा जंगली माश्यांमुळे परागीकरण वाढून उत्पादनामध्ये वाढ होते, हे सर्वज्ञात आहे. मात्र, वर्मोंट विद्यापीठातील संशोधकांनी केलेल्या अभ्यासामध्ये जंगली माश्यांमुळे ब्ल्यूबेरी फळांच्या आकार आणि अन्य गुणधर्मांवरही चांगले परिणाम होत असल्याचे पुढे आले आहे. हे संशोधन जर्नल अॅग्रीकल्चर, इकोसिस्टिम्स अॅण्ड एन्व्हायर्नमेंटमध्ये प्रकाशित करण्यात आले आहे. मोठ्या आणि उत्तम दर्जाच्या ब्ल्यूबेरी उत्पादनासाठी जंगली माश्यांचे योगदान महत्त्वाचे असल्याचे व्हर्मोंट विद्यापीठातील संशोधनामध्ये दिसून आले आहे. या अभ्यासातून प्रथमच जंगली माश्यांमुळे ब्ल्यूबेरीच्या केवळ उत्पादनामध्येच नव्हे, तर आकार आणि दर्जामध्ये वाढ होत असल्याची बाब पुढे आली आहे. जंगली माश्यांमुळे ब्ल्यूबेरीच्या आकारामध्ये १२ टक्क्याने, संख्येमध्ये १२ टक्क्याने, आकारातील नियमितता ११ टक्क्याने वाढ झाली. त्याचप्रमाणे बेरी फळांना दोन ते अडीच दिवसांनी लवकर पक्वता आल्याने काढणी लवकर झाली. व्हर्मोंट राज्यातील नऊ बेरी फार्मवर भेट देणाऱ्या जंगली माश्यांचे प्रमाण, उत्पादन आणि अन्य गुणधर्मामध्ये होत असलेल्या बदलाचा अभ्यास केला. त्यात एका मध्यम आकाराच्या बेरी फार्ममधून प्रतिवर्ष उत्पादन ३६ टक्के (किंवा अंदाजे १.३६ लाख डॉलर इतके उत्पन्न) वाढत असल्याचे आढळले आहे. अन्य शेतामध्ये जंगली माश्यांमुळे उत्पादनामध्ये सरासरीपेक्षा ६ टक्क्याने वाढ होत असल्याचे दिसून आले. आपल्या संशोधनाविषयी माहिती देताना संशोधक चार्ल्स निकोलसन यांनी सांगितले, की मधमाश्यांच्या परागीकरणाचे फायदे कृषिक्षेत्रातील दोन तृतीयांश पिकांमध्ये उदा. कॉफी, कोकोआ आणि अन्य फळे व भाज्यामध्ये दिसून येतात. माश्यांचे प्रमाण कमी असल्यास त्यांच्या पेट्या भाड्याने आपल्या शेतामध्ये ठेवाव्या लागतात. जंगली माश्यांमुळे मधमाश्यांइतकाच फायदा शेती उत्पादनामध्ये दर वर्षी होत असतो. विशेष म्हणजे त्यासाठी कोणताही खर्च येत नाही. असे झाले प्रयोग

जंगली माश्यांचे शेतीसाठी महत्त्व ः

छोटे परिणामकारक उपाय