तंत्रज्ञान समजून घेण्याबाबत शेतकऱ्यांत उत्सुकता
शनिवार, 29 डिसेंबर 2018
अळीला अटकाव करण्याचे कामगंध सापळ्यांचे तंत्र ग्रीन रिव्होल्युशनच्या दालनात शेतकरी उत्सुकतेने बघत होते.
उत्तम बीजापोटी फळे रसाळ गोमटी... हे माहीत असलेला शेतकरी बियाणांना प्राधान्य देतो. प्रदर्शनस्थळी ग्रीन गोल्ड सीड्सच्या दालनात विविध बियाण्यांची माहिती दिली जात होती.
सोनाई पशू आहाराच्या दालनात पोषकता आणि पशुखाद्य याविषयी शेतकरी चर्चा करत होते.
शेतीचेच नव्हे, तर कोणत्याही उद्योगाचे गाडे भांडवलापाशी येऊन अडकते. महाराष्ट्र ग्रामीण बँकेच्या दालनात भांडवल उपलब्धीसह शासकीय योजनाविषयी माहिती घेताना शेतकरी.
पूरक व्यवसायामध्ये पोल्ट्री व्यवसायाचे आकर्षण असलेले शेतकरी महारयतच्या दालनामध्ये कडकनाथ कोंबड्यांच्या पालनाबाबत माहिती घेत होते.
मे. बी. जी. चितळे अँड सन्स यांच्या स्टाॅलवर मूरघास (सायलेज) या पशुखाद्य निर्मितीसह गायीच्या पोटी गायीला जन्माला घालण्याचे नवे तंत्र सेक्सेल सेक्सेड सीमेन याविष।यी माहिती दिली जात आहे.
मशागतीसाठी ट्रॅक्टर व अवजारे, माती पाणी परीक्षण, उत्तम बियाणे, पशुपालनातील नवीन बाबी अशा अनेक दालनांना ॲग्रोवन कृषी प्रदर्शन सजले आहे. येथे शेतकरी दीर्घकाळ थांबून चिकित्सकपणे माहिती घेताना दिसत होते.
मशागतीसाठी ट्रॅक्टर व अवजारे, माती पाणी परीक्षण, उत्तम बियाणे, पशुपालनातील नवीन बाबी अशा अनेक दालनांना ॲग्रोवन कृषी प्रदर्शन सजले आहे. येथे शेतकरी दीर्घकाळ थांबून चिकित्सकपणे माहिती घेताना दिसत होते.