agricultural stories in marathi, AGROWON, crop advice in kokan region | Agrowon

कृषी सल्ला : भात, आंबा, काजू, चिकू, वेलवर्गीय भाजीपाला

कृषी विद्या विभाग, दापोली
गुरुवार, 12 जुलै 2018

भात ः

भात ः

  • भात खाचरातील अतिरिक्त पाणी काढून टाकावे. पाण्याची योग्य पातळी नियंत्रित करावी.
  • भात क्षेत्राची बांधबंदिस्ती करावी.
  • भाताच्या पुनर्लागवडीसाठी खरीप हंगामात १२ ते १५ सेंमी उंचीची पाच ते सहा पाने फुटलेली २२ ते २५ दिवसांची रोपे वापरावीत.
  • चिखलणीवेळी ४० किलो नत्र, ५० किलो स्फुरद आणि ५० किलो पालाश प्रति हेक्टर अशी खतमात्रा द्यावी.
  • भाताच्या रोपांची लाववड २० बाय १५ सेंमी अंतर ठेवून करावी. लागवड सरळ व उथळ (२.५ ते ३.५ सेंमी खोल) करावी. उथळ लागवड केल्यास फुटवे चांगले येतात. एका चुडात तीन रोपे लावावीत. संकरीत भातासाठी एका ठिकाणी एकच रोप लावावे.
  • बांधावरील खेकड्यांचा बंदोबस्त करण्यासाठी एक किलो शिजवलेल्या भातामध्ये अॅसिफेट* (७५ टक्के पाण्यात मिसळणारी) ७५ ग्रॅम मिसळून विषारी आमिष तयार करावे. या मिश्रणाच्या साधारणपणे १०० गोळ्या तयार होतात. प्रत्येक छिद्राच्या तोंडाशी एक गोळी ठेवावी व छिद्र बुजवून घ्यावे. दुसऱ्या दिवशी जी छिद्रे पुन्हा उकरली जातील अशा बिळात पुन्हा आमिष वापरावे.

आंबा

पूर्ण वाढलेल्या आंबा झाडास (१० वर्षावरील) ५० किलो शेणखत किंवा कंपोष्ट, आणि १.५ः०.५ः१.५ किलो या प्रमाणे नत्र, स्फुरद, पालाश अशी मात्रा द्यावी. पालाश अन्नद्रव्य सल्फेट ऑफ पोटॅशमधून द्यावे.

काजू

तीन वर्षावरील काजूच्या कलमास २० किलो शेणखत, २ किलो युरिया, १.५ किलो सिंगल सुपर फॉस्फेट, ५०० ग्रॅम म्युरेट ऑफ पोटॅश ही खते द्यावीत.

चिकू

वीस वर्षावरील चिकू झाडास ५० किलो शेणखत, ६ किलो युरिया, १८ किलो सिंगल सुपर फॉस्फेट, ६ किलो म्युरेट ऑफ पोटॅश ही खते द्यावीत.

नारळ, सुपारी

तीन वर्षावरील सुपारी झाडास प्रत्येकी एक घमेले शेणखत, १२ किलो हिरवळीचे खत, १६० ग्रॅम युरीया, ५०० ग्रॅम सिंगल सुपर फॉस्फेट, १२५ ग्रॅम म्युरेट ऑफ पोटॅश खत द्यावे.

वेलवर्गीय भाजीपाला ः

  • वेलवर्गीय भाजीपाला रोपांना काठीचा आधार द्यावा. बागेतील तणांचा बंदोबस्त करावा. प्रति गुंठा क्षेत्रास ७२० ते ८५० ग्रॅम युरिया खताचा एक तृतीअंश हप्ता द्यावा. मंडपाची व्यवस्था करावी.
  • आंबा बाठा कलमे लवकरात लवकर बांधून पूर्ण करावीत. पावसाळी वातावरणामुळे कलमे जगण्याचे प्रमाण चांगले राहते.

टीप

  • आंबा, काजू, चिकू, नारळ, सुपारी बागेत पावसाचे अतिरिक्त पाणी निचरा होण्यासाठी गरजेनुसार चर खोदून घ्यावेत.
  • पावसाची तीव्रता कमी असताना खते द्यावीत.

संपर्क ः ०२३५८ - २८२३८७
(कृषी विद्या विभाग, डॉ. बाळासाहेब सावंत कोकण कृषी विद्यापीठ, दापोली.)

* मित्रकिटकांना हानिकारक ठरतील अशा कीटकनाशकांचा वापर अत्यंत काळजीपूर्वक करावा.


इतर ताज्या घडामोडी
परभणीत दीड लाख क्विंटल कापसाची खरेदीपरभणी :  भारतीय कापूस महामंडळाच्या वतीने (...
जळगाव जामोदमध्ये कापूस खरेदी सुरूबुलडाणा : कापूस पणन महासंघाच्या वतीने हमी भाव...
सटाणा तालुक्यात चार कोटींची नुकसानभरपाई...नाशिक  : सटाणा तालुक्यात ऑक्टोबर आणि...
भंडाऱ्यात ३४ कोटींची धान खरेदीभंडारा  : जिल्ह्यात आधारभूत दराने धान...
निम्न दुधानाचे बुधवारपासून आवर्तनपरभणी  : जिल्ह्यातील ब्रम्हवाकडी (ता. सेलू)...
भातपिकासह ट्रॅक्टर जळून खाकअस्वली स्टेशन, जि. नाशिक : इगतपुरी...
नगर जिल्ह्यात कांदा बियाण्याची टंचाईनगर (प्रतिनिधी) : नगर जिल्ह्यात यंदा खरीप व रब्बी...
ढगाळ वातावरणामुळे उसावर तांबेरासोमेश्वरनगर, जि. पुणे ः अतिवृष्टीपाठोपाठ आलेल्या...
आंब्यावरील कीड, रोग नियंत्रण व्यवस्थापनकोकणातील हवामानाची सद्यःस्थिती जाणून घेता काही...
बुलडाणा : कांद्याचे निकृष्ट बियाणे...बुलडाणा : मध्यंतरीच्या काळात कांद्याच्या...
रब्बीसाठी पहिले आवर्तन पाच डिसेंबरला ः...जळगाव : ‘‘रब्बी हंगामासाठी गिरणा धरणातून तीन...
धुळे जिल्ह्यातील रब्बी क्षेत्रात होणार...कापडणे, जि. धुळे : जिल्ह्यात खरीप हंगामात पावसाने...
कुंभार पिंपळगावात आगीत चार एकर ऊस खाककुंभार पिंपळगाव, जि.जालना : राजाटाकळी- अरगडे...
द्राक्ष निर्यातवाढीसाठी शासन सहकार्य...अंतापूर, ता. सटाणा : ‘‘द्राक्षाचा पीकविमा बाराही...
कपाशी पिकातील फरदड घेणे टाळा : डॉ. पवारअंबड, जि. जालना : ‘‘मराठवाड्यात कपाशीच्या...
मेथी उत्पादनाचा खर्च ४४०० आणि मिळाले...येवला  : महिन्यापूर्वी २५ ते ३० रुपयांना...
कृषिपंपांसाठी दिवसा वीजपुरवठा करा; `...नाशिक : ‘‘रात्रीच्या वेळी पाणी देताना होणारी...
सांगलीत जनावरांचे ई-टॅगिंग रखडणारसांगली (प्रतिनिधी) : तासगाव तालुक्‍यातील तब्बल...
नांदेड जिल्ह्यात सुरळीत विजेअभावी...नांदेड : खरिपात झालेली नुकसानभरपाई रब्बी हंगामात...
परभणी, हिंगोली जिल्ह्यातील नऊ...परभणी : यंदाच्या हंगामात परभणी जिल्ह्यातील पाच,...