agricultural stories in Marathi, agrowon, Grapes Advice | Agrowon

करपा, तांबेरा प्रादुर्भावाकडे दुर्लक्ष नको

डॉ. एस. डी. सावंत
गुरुवार, 2 ऑगस्ट 2018

येत्या आठवड्यामध्ये वातावरण अधूनमधून ढगाळ राहिले तरी द्राक्ष विभागामध्ये फारशा पावसाची शक्यता नाही. येत्या सोमवारपासून हलक्या पावसाची शक्यता बऱ्याच ठिकाणी आहे. कोकण पट्टीच्या लगत चांगल्या पावसाची, कोकणपट्टीकडून पूर्वेकडे हलक्या पावसाची शक्यता आहे. नाशिकच्या पश्चिमेला पांढुर्ली व जवळच्या भागामध्ये हलक्या पावसाची शक्यता आहे. पुणे जिल्ह्यातील जुन्नर, नारायणगाव, गोळेगाव येथेही पाऊस होईल. सांगली विभागामध्ये मिरज भागात बऱ्यापैकी पाऊस राहील. कवठेमहांकाळ, पळशी, खानापूर, तासगाव, विटा रविवार ते मंगळवार (ता. ५ ते ७) या काळात हलक्या पावसाची शक्यता आहे.

येत्या आठवड्यामध्ये वातावरण अधूनमधून ढगाळ राहिले तरी द्राक्ष विभागामध्ये फारशा पावसाची शक्यता नाही. येत्या सोमवारपासून हलक्या पावसाची शक्यता बऱ्याच ठिकाणी आहे. कोकण पट्टीच्या लगत चांगल्या पावसाची, कोकणपट्टीकडून पूर्वेकडे हलक्या पावसाची शक्यता आहे. नाशिकच्या पश्चिमेला पांढुर्ली व जवळच्या भागामध्ये हलक्या पावसाची शक्यता आहे. पुणे जिल्ह्यातील जुन्नर, नारायणगाव, गोळेगाव येथेही पाऊस होईल. सांगली विभागामध्ये मिरज भागात बऱ्यापैकी पाऊस राहील. कवठेमहांकाळ, पळशी, खानापूर, तासगाव, विटा रविवार ते मंगळवार (ता. ५ ते ७) या काळात हलक्या पावसाची शक्यता आहे. अशाच प्रकारे सोलापूर येथील नानज, होटगी या भागातही पाऊस होईल.

  • ज्या-ज्या ठिकाणी काही दिवसांपूर्वी पाऊस झाला होता, तिथे आता मिळालेल्या उघडिपीमुळे नवीन फुटी फुटत आहे. ढगाळ वातावरण, मिळालेली उघडीप व अधूनमधून रिमझिम पाऊस यामुळे नवीन फुटीवर बुरशीजन्य करपा, जिवाणूजन्य करपा व तांबेरा विविध ठिकाणी दिसत आहे. या रोगाचे वेळीच नियंत्रण न केल्यास समस्या वाढू शकते.
  • वाढत्या फुटी वेळीच खुडल्या गेल्या, तर बुरशीजन्य करपा बऱ्यापैकी नियंत्रणात येऊ शकतो. खुडणी केल्यानंतर नवीन रोगाचा प्रादुर्भाव होऊ नये, यासाठी थायोफिनेट मिथाईल ०.७५ ग्रॅम किंवा कार्बन्डाझिम १ ग्रॅम यापैकी एकामध्ये मॅन्कोझेब २ ग्रॅम प्रतिलिटर याप्रमाणे मिसळून फवारणी करावी. या फवारणीने बुरशीजन्य करपा, तांबेरा व कमी प्रमाणात असलेला जिवाणूजन्य करपा, त्याचप्रमाणे जास्त पावसाच्या ठिकाणी येऊ पाहणारा डाऊनी मिल्ड्यू या रोगाचे नियंत्रण मिळू शकते.
  • ज्या ठिकाणी जिवाणूजन्य करपाचे प्रमाण जास्त आहे, अशा ठिकाणी दुर्लक्ष केल्यास मोठ्या प्रमाणात पानगळसुद्धा होऊ शकते. त्यासाठी अर्धा टक्के बोर्डो मिश्रण किंवा कॉपर हायड्रॉक्साइड १.५ ते २ ग्रॅम प्रतिलिटर किंवा कॉपर ऑक्सिक्लोराइड ३ ग्रॅम प्रतिलिटर यापैकी एका ताम्रयुक्त बुरशीनाशकांच्या बरोबरीने स्ट्रेप्टोमायसीन* ६ ग्रॅम प्रति ५० लिटर पाणी या प्रमाणात मिसळून फवारावे.  
  • काही विभागामध्ये तांबेरा वाढत आहे. वर नमूद केलेल्या ताम्रयुक्त बुरशीनाशकाने तांबेरा सर्वसाधारणपणे नियंत्रणात राहतो. असे होत नसल्यास टेब्युकोनॅझोल अर्धा मिली प्रतिलिटर किंवा फ्लुसीलॅझोल २५ मिली प्रति २०० लिटर पाणी याप्रमाणे फवारणी केल्यास जास्त असलेला तांबेरा नियंत्रणामध्ये येईल.
  • बऱ्याच ठिकाणी रोगाचा प्रादुर्भाव जास्त नाही, पण वातावरणामध्ये असलेल्या आर्द्रतेचा व ढगाळ वातावरणाचा फायदा घेता येईल. त्यासाठी  जैविक नियंत्रक बुरशी (ट्रायकोडर्मा किंवा अॅम्पिलोमायसिस किंवा बिव्हेरिया बॅसियाना किंवा व्हर्टिसिलियम लेकॅनी प्रत्येकी पाच मिलि /ग्रॅम प्रतिलिटर) किंवा जिवाणूजन्य घटक (बॅसिलस सबटिलिस किंवा स्युडोमोनास फ्लुरोसन्स प्रत्येकी २ ग्रॅम प्रतिलिटर )  बागेमध्ये चांगल्यारीतीने वाढवून घ्यावात. त्यासाठी फवारणी घ्यावी.
  • ज्या वेळी जैविक नियंत्रकांचा वापर करतो, त्या वेळी विशेषतः ताम्रयुक्त किंवा ट्रायअझोल गटातील बुरशीनाशकांचा वापर शक्यतो टाळावा. जर अशा बुरशीनाशकांचा वापर करणार असाल, तर ट्रायकोडर्मा किंवा बॅसिलस सबटिलीस प्रतिएकर एक किलो प्रमाणामध्ये ठिबकद्वारे सोडावे. असे केल्याने झाडामध्ये आयएसआर इफेक्ट मिळतात. (इंड्यूस्ड् सिस्टेमिक रेझिस्टन्स ). पानामध्ये फिनॉलिक रसायने जास्त प्रमाणात तयार होऊन झाडाची आंतरिक प्रतिकारशक्ती वाढते. अशा प्रतिकारशक्तीमुळे बुरशीनाशकांपासून मिळणारे रोगनियंत्रण चांगले मिळते किंवा जास्त फवारण्या करण्याची आवश्यकता राहत नाही.

टीप : * स्ट्रेप्टोमायसिन हे संक्षिप्त नाव वरील लेखात घेतले असले तरी या प्रतिजैविकातील सक्रिय घटक पुढीलप्रमाणे आहेत. स्ट्रेप्टोमायसिन सल्फेट ९० टक्के अधिक टेट्रासायक्‍लीन हायड्रोक्‍लोराइड १० टक्के.


इतर ताज्या घडामोडी
पुणे विभागात गव्हाचा १ लाख ६८ हजार...पुणे  ः पुणे विभागात गव्हाच्या पेरण्या...
खासदार औद्योगिक महोत्सवाच्या माध्यमातून...नागपूर  ः खासदार औद्योगिक महोत्सवाच्या...
अकोला कृषी विद्यापीठात विद्यार्थ्यांचे...अकोला  : ‘कृषी’चे पदव्युत्तर शिक्षण हे...
तीन जिल्ह्यांत तूर विक्रीसाठी २९...नांदेड  ः मराठवाड्यातील नांदेड, परभणी,...
आळसंद येथील पशुवैद्यकीय दवाखाना उद्‌...आळसंद, जि. सांगली : आळसंद (ता. खानापूर) येथे...
तीन जिल्ह्यांत सतरा लाख ४१ हजार क्विंटल...नांदेड  ः नांदेड, परभणी, हिंगोली जिल्ह्यांत...
जावळी तालुक्यात वन्यप्राण्यांकडून... मेढा, जि. सातारा : जावळी तालुक्‍यात...
कातळावरील गोड्या पाण्यातील मत्स्यशेतीचा...सिंधुदुर्ग : जिल्ह्यातील कांदळगाव (ता. मालवण)...
सुरक्षित प्रवासासाठी प्रवाशांना सुविधा...नाशिक : प्रवाशांना अधिकाधिक सुविधा देऊन त्यांचा...
महाशिवरात्रीनिमित्त पुण्यात रताळी,...पुणे  ः गुलटेकडी येथील पुणे कृषी उत्पन्न...
बदलत्या हवामानात कृषी जैवविविधतेचे...संयुक्त राष्ट्रसंघाच्या कृषी जैवविविधता आणि अन्न...
हरितगृह वायू कोणते?मागील लेखामध्ये हरितगृह परिणाम म्हणजे काय, ते आपण...
जागतिक तापमानवाढीवर हरितगृह वायूंचा...सध्या सर्वत्र तापमानवाढीची चर्चा असली, तरी...
गिरणा परिसरात कांदा लागवडीकडे कलमेहुणबारे, जि. जळगाव  ः चाळीसगाव तालुक्‍यात...
घराघरांत पोचणार नळ कनेक्‍शन, बसणार मीटर...जळगाव  : जिल्ह्यात ग्रामीण भागातील जनतेला...
जळगाव जिल्ह्यात कर्जमुक्ती योजनेतून...जळगाव : राज्यातील महाविकास आघाडी शासनाने महात्मा...
शेतकऱ्यांना सन्मानपूर्वक कर्जमुक्तीचा...अकोला ः शेतकरी कर्जदार नसून तो भूमीचा राजा आहे....
केंद्राच्या पथकाकडून लासलगावला कांदा...नाशिक  : कांद्याचे घसरते बाजार भाव पाहता...
`रेशीम प्रकल्पाच्या मंजुरीसाठी...औरंगाबाद : राज्यातील रेशीम उद्योगाच्या एकूणच...
अमरावती येथे जिल्हा परिषद अधिकाऱ्यांना...अमरावती ः जिल्हा परिषदेत आठवड्यातील दोन दिवस...