agricultural stories in Marathi, agrowon, GRAPES ADVICE | Agrowon

भुरी नियंत्रणासाठी सावधपणेच करा उपाययोजना
डॉ. एस. डी. सावंत
गुरुवार, 17 जानेवारी 2019

सर्व द्राक्ष विभागामध्ये येत्या आठवड्यात वातावरण निरभ्र राहील. दुपारचे तापमान हे ३० अंश सेल्सिअसपेक्षा अधिक होण्याची शक्यता आहे. याव्यतिरिक्त वातावरणातील तापमान व आर्द्रतेमध्ये फारसा फरक पडणार नाही. फक्त येत्या बुधवारी (ता. २३) वातावरणात थंडी एक, दोन दिवसासाठी वाढू शकते. सध्याच्या वातावरणामध्ये द्राक्षबागेतील महत्त्वाच्या रोगांची वाढ वेगाने होण्याची शक्यता दिसत नाही. सर्वसाधारपणे भुरीच्या नियंत्रणासाठी बुरशीनाशकांचा वापर करताना आता सावध राहण्याची आवश्यकता आहे.

सर्व द्राक्ष विभागामध्ये येत्या आठवड्यात वातावरण निरभ्र राहील. दुपारचे तापमान हे ३० अंश सेल्सिअसपेक्षा अधिक होण्याची शक्यता आहे. याव्यतिरिक्त वातावरणातील तापमान व आर्द्रतेमध्ये फारसा फरक पडणार नाही. फक्त येत्या बुधवारी (ता. २३) वातावरणात थंडी एक, दोन दिवसासाठी वाढू शकते. सध्याच्या वातावरणामध्ये द्राक्षबागेतील महत्त्वाच्या रोगांची वाढ वेगाने होण्याची शक्यता दिसत नाही. सर्वसाधारपणे भुरीच्या नियंत्रणासाठी बुरशीनाशकांचा वापर करताना आता सावध राहण्याची आवश्यकता आहे.

बागेमध्ये फक्त सल्फरची फवारणी केलेली असेल. मात्र, ज्या ठिकाणी जास्त दाट कॅनोपी असल्यामुळे सल्फर पोचत नाही, अशा ठिकाणी तापमान वाढायला सुरवात होताच भुरी दिसण्याची शक्यता असते. अशा परिस्थितीत बागेमध्ये भुरी दिसल्यास घाबरून पुन्हा आंतरप्रवाही बुरशीनाशकांचा वापर केल्यास बागेमध्ये द्राक्षांवर उर्वरित अंश दिसून येण्याची शक्यता असते. ज्या शेतकऱ्यांनी काटेकोरपणे शून्य कीटकनाशक अंश राहण्याच्या दृष्टीने मार्गदर्शिकेप्रमाणे उपाययोजनांची अंमलबजावणी केलेली असेल, म्हणजेच फळाच्या छाटणीनंतर ५५ ते ६० दिवसानंतर भुरीच्या नियंत्रणासाठी कोणतेही आंतरप्रवाही बुरशीनाशक वापरलेले नसल्यास आतासुद्धा अशा प्रकारची आंतरप्रवाही बुरशीनाशके वापरू नयेत. बागेत भुरी दिसलीच तर सल्फरची चांगली कव्हरेज देणारी फवारणी पुन्हा करावी.

जिथे अजूनही थंडी आहे, अशा ठिकाणी अॅम्पिलोमायसीस ८ ते १० मिलि प्रति लिटर प्रमाणात अथवा कमाल तापमानात २५ ते ३० अंशांपेक्षा अधिक वाढ झालेली असल्यास अॅम्पिलोमायसीसऐवजी आता ट्रायकोडर्मा ५ मि.लि. प्रति लिटर फवारल्यास चांगले नियंत्रण मिळू शकेल.

काढणीस २५-३० दिवस राहिलेले असल्यास ट्रायकोडर्मा किंवा बॅसिलस सबटिलिस ठिबकद्वारे मुळांना दिल्यास (प्रमाण ः एक लिटर प्रति एकर) झाडांची रोगप्रतिकारक शक्ती वाढते. फवारणी न केलेल्या बागांमध्येही त्याचा चांगला परिणाम दिसेल. शेवटच्या २५ ते ३५ दिवसांपर्यंत असलेल्या बागांमध्ये घडांवर पेपर चढवण्याच्या आधी कायटोसॅन दोन ते तीन मि.लि. प्रति लिटर फवारल्यास भुरीचे चांगले नियंत्रण होऊ शकेल. फक्त स्थानिक बाजारपेठेसाठी राखलेल्या बागांमध्ये फवारणी करता येईल. यामुळे द्राक्षामध्ये साखर लवकर वाढेल. घडांचा काढणीनंतरचा साठवण काळ जास्त राहील.

ज्या बागांमध्ये काढणीच्या वेळेपर्यंत शून्य उर्वरित अंश उत्पादनाच्या शिफारशींची चांगल्या प्रकारे अंमलबजावणी केलेली असल्यास द्राक्षे महाराष्ट्र राज्य द्राक्ष बागायतदार संघाच्या प्रतिनिधीद्वारे नमुने काढून राष्ट्रीय द्राक्ष संशोधन केंद्रातून (एनआरसी) तपासून घ्यावीत. शून्य उर्वरित अंश द्राक्षेही स्थानिक बाजारपेठेतही चांगल्या किमतीमध्ये विकण्यासाठी ही विशेष सोय केली आहे. मात्र, निर्यातीसाठी नोंदणी केलेल्या बागायतदारांची द्राक्षे शून्य उर्वरित अंश तपासणीसाठी एनआरसीमध्ये स्वीकारली जाणार नाहीत. त्यासाठी निर्यातीसाठीच्या सेवा पुरवणाऱ्या प्रयोगशाळांचाच वापर करावा.

इतर फळबाग
अजैविक ताणाविरोधी लढाईत जैवसंप्रेरके...पुणे येथे द्राक्ष बागायतदार संघ महाअधिवेशन ३ ते ५...
पाणी साचलेल्या द्राक्षबागांसाठी...द्राक्ष लागवडीखाली असलेल्या क्षेत्रात गेल्या...
फळगळचे नेमके कारण जाणून करा योग्य... एकूण फळागळीमध्ये ७० ते ८० टक्के फळे ही...
नारळ बागेत मसाला पिकांची लागवड    नारळ बागेमध्ये नारळाच्या...
अधिक पाऊस, ढगाळ वातावरणात करावयाच्या...द्राक्ष विभागातील बहुतांश भागांमध्ये सध्या सतत...
द्राक्षाच्या विविध अवस्थेत घ्यावयाची...द्राक्ष विभागामध्ये येत्या आठवड्यात पावसाची फारशी...
पावसाळी वातावरणात द्राक्षबागेचे...गेल्या आठवड्यात द्राक्षबागेत सर्वत्र पाऊस सुरू...
व्यवस्थापन लिंबू फळबागेचेलिंबू फळबाग लागवडीसाठी योग्य जमीन, जात यांची निवड...
सीताफळाचे अन्नद्रव्य, ओलीत व्यवस्थापनसीताफळाची मुळे खोलवर न जाता वरच्या थरात राहतात,...
लिची फळपिकाच्या जातीलालसर आकर्षक रंगाबरोबर आरोग्यासाठीचे फायदे लक्षात...
द्राक्षबागेत वाढीसाठी पोषक वातावरणगेल्या २-३ दिवसांपासून द्राक्ष विभागामध्ये...
द्राक्ष सल्ला : आर्द्रतापूर्ण...द्राक्षबागेतील तापमान सध्या कमी होत आहे. नाशिक,...
ढगाळी वातावरणात द्राक्ष बागेचे...बागेत कमी झालेले तापमान, निघालेल्या बगलफुटीमुळे...
डाळिंबबागेतील मररोगाची लक्षणे कसे ओळखाल...डाळिंबबागेमध्ये मररोगाचा प्रादुर्भाव आणि प्रसार...
द्राक्षवेल अचानक सुकण्याच्या समस्येवर...सध्याच्या परिस्थितीत द्राक्षबागेतील सर्व भागात...
द्राक्षबागेतील स्ट्रोमॅशियम बारबॅटम...द्राक्षाच्या जुन्या बागांमध्ये खोडकिडीच्या...
भुरी नियंत्रणासह अन्नद्रव्य...सध्या बऱ्याच ठिकाणी तापमानामध्ये वाढ होताना दिसत...
संत्रा झाडे वाळण्याची कारणे जाणून करा...विविध संत्रा बागांमध्ये उन्हाळ्यात आणि पावसाळा...
गारपिटीनंतर द्राक्ष बागेची अधिक काळजी...द्राक्ष बागेमध्ये वाढीच्या विविध अवस्थेमध्ये...
कॅनोपीमध्ये वाढू शकतो भुरीचा प्रादुर्भावहवामान अंदाजानुसार येत्या आठवड्यामध्ये कोणत्याही...