नेदरलॅंड येथील पिएट जॅन थिबाऊडीअर (वय ३१ वर्षे) यांनी ऑस्ट्रेलियातून कुरणातील गवताचे मापन करणारे तंत्रज्ञान मागवले. ते ट्रॅक्टरच्या पुढे मॉवरवर बसवले असता कापल्या जाणाऱ्या किंवा कुरणामध्ये उभ्या असलेल्या गवताची उंची मोजली जाते. त्याच्या आधारे कुरणाचा नकाशा मिळतो. ज्या ठिकाणी गवताची उंची कमी आहे, त्या भागामध्येच खतांचा वापर करता येतो. पर्यायाने सरसकट खतांचा वापर करण्याची गरज राहत नाही. त्याचप्रमाणे दूध काढण्यासाठी डेन्मार्क येथील फार्मवरून जुने रोटरी मिल्किंग पार्लरही विकत घेतले. जगभरातून आवश्यक ते तंत्रज्ञान मागवून, त्याचा वापर केल्याने पशुपालनातील कष्ट आणि खर्च कमी करण्यात यश मिळाले. पिएट जॅन थिबाऊडीअर हे लेम्मेर भागातील शेतकरी असून, आपल्या माता पित्यासह १०० हेक्टर शेत आणि १८५ संकरीत गाईंचा सांभाळ करतात. प्रतिवर्ष प्रतिगाय सरासरी ८७०० किलो गवताची आवश्यकता असते. त्यातून ४.५ टक्के फॅट आणि ३.६५ प्रथिने मिळतात. हे प्रमाण सरासरी १० हजार किलो, ५ टक्के फॅट आणि ४ टक्के प्रथिने इथपर्यंत वाढवण्याचे ध्येय त्यांनी ठेवले आहे. त्यांचे वडील ल्युट आणि आई कॉबी यांच्या काळात काही वर्षांपूर्वीपासून मुक्त चरणाऱ्या गाईऐवजी एका जागेवर बंदिस्त गोठ्यामध्ये गोपालनाला सुरवात केली. मात्र, बाजारपेठेच्या मागणीप्रमाणे कुरणामध्ये चरणाऱ्या गाईंच्या दुधाला वाढीव दर मिळू लागला. (०.३४ युरो अधिक १.५० युरो बोनस)
चराई पद्धतीचा प्रथमच केला अवलंब ः
अत्याधुनिक यंत्राचा शोध व वापर ः इंटरनेटवरून सर्च करून मिळवलेल्या पहिल्या यंत्राच्या वापरात चांगले यश मिळाले. त्यामुळे पिएट यांची उत्साह वाढला. त्यांनी इंटरनेटवरूनच डेन्मार्क येथील एका फार्मवरील जुने रोटरी मिल्किंग पार्लरही विकत घेतले. ते त्यांना स्वस्तात मिळाले. त्यात एका वेळी २६ गाईंचे दूध काढले जाते. परिणामी दिवसातून दोन वेळा गायींचे दूध काढण्याची प्रक्रिया सोपी झाली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.