agricultural stories in Marathi, cotton farmer Vijay Ingale yashkatha | Agrowon

नियोजन खरिपाचे : ठिबक, खत व्यवस्थापन ठरले उत्तम कपाशीचे गमक

विनोद इंगोले
शनिवार, 25 मे 2019

शेतकरी ः विजय इंगळे
चित्तलवाडी, ता. तेल्हारा, जि. अकोला
संपर्क ः ९६०४०५६९४४, ७९७२९३५९२७

पिकाला पाणी देण्याच्या पद्धतीत केलेला छोटासा बदल आणि त्याला तंत्रज्ञानाची जोड देण्यासाठी घेतलेला पुढाकार हे चित्तलवाडी (ता. तेल्हारा, जि. अकोला) येथील विजय इंगळे यांच्या कापसातील उत्पादकता वाढीचे गमक ठरले आहे. कापसाची ठिबकवर लागवड करत खतांच्या उत्तम नियोजनातून त्यातून कपाशीचे सातत्यपूर्ण उत्तम उत्पादन घेत आहे.

शेतकरी ः विजय इंगळे
चित्तलवाडी, ता. तेल्हारा, जि. अकोला
संपर्क ः ९६०४०५६९४४, ७९७२९३५९२७

पिकाला पाणी देण्याच्या पद्धतीत केलेला छोटासा बदल आणि त्याला तंत्रज्ञानाची जोड देण्यासाठी घेतलेला पुढाकार हे चित्तलवाडी (ता. तेल्हारा, जि. अकोला) येथील विजय इंगळे यांच्या कापसातील उत्पादकता वाढीचे गमक ठरले आहे. कापसाची ठिबकवर लागवड करत खतांच्या उत्तम नियोजनातून त्यातून कपाशीचे सातत्यपूर्ण उत्तम उत्पादन घेत आहे.

विहीर, बोअरवेलसारख्या संरक्षित स्रोतांमुळे पाण्याची उपलब्धता असलेल्या विदर्भामध्ये सिंचनासाठी पाटपाण्याची पद्धती रुढ होती. त्यात २००१ मध्ये तर कपाशीची ठिबकवर लागवड होऊ शकते; हा विचारही अनेकांना मानवणारा नव्हता. चित्तलवाडीच्या विजय इंगळे यांची संयुक्‍त कुटुंबाची ८० एकर शेती असून, संपूर्ण कपाशी लागवड करत. कापूस शेतीत त्याचे प्रयोग सुरू असत. या प्रयोगांची दखल घेत २००१ मध्ये अकोल्याचे तत्कालीन जिल्हाधिकारी एकनाथ डवले, तत्कालीन तेल्हारा तालुका कृषी अधिकारी कुंवरसिंह मोहने, अशोक अग्रवाल यांनी विजय इंगळे यांना कपाशीसाठी ठिबक सिंचन करण्यासाठी प्रोत्साहन दिले. त्यांच्या सल्ल्यानुसार विजय इंगळे यांनी संपूर्ण ८० एकर शिवार ठिबकखाली आणले. पूर्वी पाटपाणी सिंचन पद्धतीमध्ये एकरी १० ते १२ क्‍विंटल कपाशी उत्पादन मिळत असे. ठिबक सिंचनानंतर नॉनबीटी कपाशीचे उत्पादन १७ ते १८ क्‍विंटलपर्यंत पोचले. २००२ पासून काही क्षेत्रावर बीटी कपाशीची लागवड केली. या कपाशीचे उत्पादन एकरी २२ ते २३ क्‍विंटलवर पोचले. यात ठिबकद्वारे पाणी व खत व्यवस्थापनाचा मोठा वाटा असल्याचे विजय इंगळे सांगतात.
१९९७-९८ मध्ये भारतात केंद्र सरकारच्या वतीने घेण्यात आलेली बीटी कपाशीची पहिली चाचणी विजय इंगळे यांच्या शेतावर घेण्यात आली होती. एका एकरावर बीटी व नॉनबीटी वाणाची लागवड या चाचण्यांतर्गंत केली होती. विजय इंगळे यांची प्रयोगशीलता व तंत्रज्ञानाचा अंगीकार करण्याची पद्धतीमुळे कपाशी वाणांच्या चाचण्या घेतल्या गेल्या.

असे आहे व्यवस्थापन
ठिबक सिंचनाचे फायदे ः

  • जमीन वापसास्थितीत राहते. पावसाळा असल्यासारखा परिणाम साधला जात असल्याने पिकाला तो पोषक ठरतो.
  • पाण्यासोबतच विद्राव्य खते देता येतात. त्यामुळे मजूर आणि वेळेची देखील बचत होते.
  • कापूस वेचणी सुरू झाली त्या वेळी देखील पिकाला अन्नद्रव्याची गरज राहते. काही बोंड वेचली जातात तर काही बोंड परिपक्‍व होण्याच्या स्थितीत झाडावर असतात. अशा अवस्थेत अन्नद्रव्याची गरज भागविणे हे पिकाच्या निकोप वाढीसाठी महत्त्वाचे ठरते. ठिबकद्वारे विभागून अनेकवेळा अन्नद्रव्ये देणे शक्य होते.
  • वेचणी काळात खत दिल्यामुळे झाडाची पाने हिरवी राहतात. पाने हिरवी राहिल्याने प्रकाश संश्लेषणाची क्रिया सुरू राहून मालाचा दर्जा आणि वजन चांगले मिळते. झाडावरील कापूस वेचणीनंतर देखील पाने हिरवे ठेवण्याचे कसब ठिबकमुळे साधता येते.

खत व्यवस्थापन ः

  • पावसाळी वातावरणामध्ये मजुरांच्या साह्याने खत दिले जाते. त्यामध्ये १०ः२६ः२६ एकरी एक पोते, डीएपी आणि युरिया एकरी पोते याप्रमाणे दिले जाते.
  • कपाशीची वाढ झाल्यानंतर ठिबकद्वारे खतांचे नियोजन केले जाते. ०ः०ः५०, ०ः५२ः३४ आणि मॅग्नशिअम सल्फेट, ०ः१२ः६१ अशा ग्रेडची खते ते वापरतात.
  • पावसाळा संपल्यानंतर झाडावर कच्चा माल असल्याने झाडाला अन्नद्रव्याची अधिक गरज असते. ही गरज ओळखून खते देण्याचे नियोजन त्यांनी केले आहे. या काळात ओलावा कमी झाल्याने खते देणे केवळ ठिबकनेच शक्‍य होत असल्याचे ते सांगतात.
  • कपाशीची अवस्था आणि त्यावरील मालधारणा लक्षात घेऊन निरीक्षणाअंती आठवडी किंवा पंधरा दिवसांनी याप्रमाणे दोन ते तीन हप्ते ते देतात. एकरी बारा ते साडेबारा किलो या प्रमाणात विद्राव्य खते या प्रमाणात मात्रा देतात. कपाशीच्या अपेक्षित उत्पादकता वाढीसाठी खत आणि पाणी नियोजन हेच घटक महत्त्वाचे ठरतात, असे ते सांगतात.

कीडनिरीक्षणावर राहतो भर

कपाशीच्या लागवडीनंतर ४५ दिवसांपर्यंत कोणत्याही कीडरोगाचा प्रादुर्भाव होत नाही. त्यानंतर मावा, तुडतुडे यांसारख्या किडींचा प्रादुर्भाव होतो. कपाशीच्या झाडावरील शेंड्याकडील पान पालटून पाहिल्यास त्यावर सर्व किडी दिसून येतात. त्याकरिता दररोज सकाळी निरीक्षण केले पाहिजे, असे विजय इंगळे सांगतात. कीडरोगाच्या नियंत्रणाचा निर्णय निरीक्षणाअंती आणि त्यांची आर्थिक नुकसान पातळी लक्षात घेऊन करतात. बिजी-२ हा जीन नजीकच्या काळात गुलाबी बोंड अळीला प्रतिकारक्षम उरला नाही. परिणामी, फेरोमॉन ट्रॅपच्या वापरावर त्यांनी भर दिला आहे.

 


इतर यशोगाथा
प्रयोगशीलतेतून मिळवले आर्थिक स्थैर्यनाशिक जिल्ह्यातील आडगाव येथील शिवाजी शंकर देशमुख...
भारत - इस्राईल मैत्रीतून उजळणार...भारत आणि इस्राईल देशातील पंतप्रधानांच्या भेटीतून...
औरंगाबादमध्ये २९ टन मालाची थेट विक्रीकोरोनाच्या पार्श्‍वभूमीवर औरंगाबाद शहरात 'शेतकरी...
आरोग्य सुरक्षिततेचे नियम पाळून थेट...पुणे जिल्ह्यातील टाकळी हाजी (ता. शिरूर) येथील...
जलतंत्रज्ञानाच्या वापरातून प्रगतीची उंच...अकोला जिल्ह्यातील अन्वी मिर्झापूर येथील केशवराज...
दुष्काळात शेतीला साथ पोल्ट्री,...औरंगाबाद जिल्ह्यातील भांडेगाव येथील चव्हाण कुटुंब...
शेतीपेक्षा दुग्धव्यवसायातून उभारीभाडेतत्त्वावर रोपवाटिका व्यवसाय सुरू असताना...
काटेकोर पाणी व्यवस्थापनातून...''पुणे जिल्ह्यातील पुरंदर तालुका कायम दुष्काळी...
ऑयस्टर मशरूम निर्मितीसह तयार केले...अकोला जिल्ह्यातील मूर्तिजापूर येथील अभियंता...
प्री कुलिंग, रिफर व्हॅनद्वारे...महाबळेश्वरची स्ट्रॉबेरी देशभरात प्रसिद्ध आहे. या...
केळी, मका पिकांसह दुग्धव्यवसायात...दापोरी (जि. जळगाव) गावाने केळी, मका, कापूस...
आंबा, काजूसह भाज्यांची प्रयोगशील शेतीशिरगाव (ता. देवगड, जि. सिंधुदुर्ग) येथील माधव...
एक्सॉटिक’ भाज्यांची आधुनिक पिरॅमिड शेतीखानापूर (जि. पुणे) येथील कागदी बंधूंनी पिरॅमिड...
रोवा काठ्या कमी खर्चात अन श्रमात...भाजीपाला विशेषतः वेलवर्गीय पिकांमध्ये मांडवासाठी...
दुर्दम्य इच्छाशक्ती, अविरत परिश्रमांतून...अलकुड (एम) (जि. सांगली) येथील महेश पाटील यांनी...
काटेकोर व्यवस्थापन सांगणारा शेटेंचा...निघोज (जि. नगर) येथील माजी सैनिक नवनाथ भिमाजी...
कुटुंबाच्या अर्थकारणात डाळिंबासह लिंबू...सात एकरांवरील डाळिंब हे मुख्य पीक असले तरी...
शेतमाल विक्रीसाठी सर्वसमावेशक धोरणजर्मनीमधील शेतमाल विक्री ही फिव्होजी मार्केटिंग...
शेती, शिक्षण अन् ग्रामविकासाचा वसालोटे-परशुराम (जि. रत्नागिरी) येथील श्री विवेकानंद...
सेंद्रिय शेतीला दिली प्रक्रिया...तेलगाव (ता. वसमत, जि. हिंगोली) येथील बालासाहेब...