पुढील पाचही दिवस आकाश ढगाळ राहील. काही ठिकाणी हलकासा, तर काही ठिकाणी मध्यम स्वरूपाचा पाऊस पडण्याची शक्यता आहे. कापूस
मागील हंगामातील कपाशी धसकटे, पालापाचोळा जमा करून कम्पोस्ट खड्ड्यात टाकावा, त्यामुळे त्यावरील किडींच्या अवस्था नष्ट होतील. वाणांची निवड करताना कोरडवाहू व बागायती, लागवडीचा प्रकार, त्याचे गुणधर्म, आपल्या भागात सरस उत्पादन देणारा, कीड व रोगप्रतिकारक, पाण्याचा ताण सहन करणारे वाण निवडावेत. कोरडवाहूसाठी लवकर तयार होणारे वाण निवडावेत. पेरणी करताना जमिनीत पुरेसा ओलावा असणे गरजेचे आहे, नसल्यास जमीन ओलावून पेरणी करावी. हवेतील नत्र स्थिर करण्यासाठी व मातीतील स्फुरद पिकाला उपलब्ध होण्यासाठी अॅझोटोबॅक्टर व पीएसबी जिवाणुसंवर्धकाची २५ ग्रॅम प्रति १ किलो बियाणे या प्रमाणात बीजप्रक्रिया करावी. अतिलवकर येणाऱ्या वाणांकरिता- ४५ १० सेमी, लवकर येणाऱ्या- ६० २० सेमी, मध्यम कालावधीकरिता- ९० २० सेमी इतके अंतर आंतरपीक म्हणून तूर : बाजरी -३ : ३, तूर : ज्वारी - ३ : ३, तूर : सोयाबीन- ३ : ३ अशी लागवड करावी. पेरणीपूर्वी ट्रायकोडर्मा ५ ग्रॅम प्रति किलो बियाणे प्रमाणे बीजप्रक्रिया करावी. त्यानंतर रायझोबियम २५ ग्रॅम /किलो याप्रमाणे बीजप्रक्रिया करावी. शेतामध्ये एरंडी किवा झेंडू या सारखी सापळा पिके घ्यावीत. पेरणीपूर्वी प्रति किलो बियाण्यास ५ ग्रॅम थायरम किंवा ५ ग्रॅम ट्रायकोडर्मा हे जैविक बुरशीनाशक चोळावे. त्यानंतर प्रति किलो बियाण्यास २५ ग्रॅम रायझोबिअम आणि २५ ग्रॅम स्फुरद विरघळणारे जीवाणू संवर्धक चोळावे. बीजप्रक्रिया केलेले बियाणे सावलीत सुकवून पेरावे. भुईमूगाची पेरणी करताना दोन ओळीतील अंतर ३० सें.मी. व दोन रोपातील अंतर १० सें.मी ठेवावे. पाने खाणाऱ्या अळीच्या नियंत्रणासाठी सापळा पीक म्हणून शेताच्या बांधावर एरंडीची लागवड करावी. हुमणी अळीच्या नियंत्रणासाठी जमिनीत ओल असताना एकरी २ लिटर बिव्हेरिया बॅसियाना प्रति ५०० लिटर पाण्यात मिसळून पिकाच्या मुळाशी आळवणी घालावी. खरीप भुईमूग पिकात सोयाबीन, सूर्यफूल, तीळ, मूग, उडीद, तूर ही आंतरपिके ६: २ या प्रमाणात तर भुईमूग + ज्वारी, कपाशी १:१ या प्रमाणात घ्यावी. ः ०२४२६ - २४३२३९ (प्रमुख, कृषिविद्या विभाग, महात्मा फुले कृषी विद्यापीठ, राहुरी.)
