agricultural stories in Marathi, crop advice rahuri region | Agrowon

कृषी सल्ला : पानवेल, गुलाब, ऊस, मका, मूग, उडीद, सोयाबीन

कृषी विद्या विभाग, राहुरी
गुरुवार, 20 जून 2019

हवामान ः
पुढील पाचही दिवस आकाश अंशतः ढगाळ राहील. ता. २०, २१ जून रोजी तुरळक ठिकाणी पावसाच्या हलक्या सरी पडण्याची शक्यता आहे.
खरीप पिकाची पेरणी मॉन्सूनचे आगमन झाल्यावर सलग ३ ते ४ दिवस पुरेसा पाऊस झाल्यानंतर (६५ ते १०० मिमी) वाफसा आल्यानंतरच करावी.

पानवेल ः
फुलकिड्यांच्या नियंत्रणासाठी, उतरणीच्या अगोदर डायमेथोएट (३० ई.सी.) १ मिलि प्रति लिटर या प्रमाणे शेवरी, शेवगा आणि वेलीवर फवारणी करावी.

हवामान ः
पुढील पाचही दिवस आकाश अंशतः ढगाळ राहील. ता. २०, २१ जून रोजी तुरळक ठिकाणी पावसाच्या हलक्या सरी पडण्याची शक्यता आहे.
खरीप पिकाची पेरणी मॉन्सूनचे आगमन झाल्यावर सलग ३ ते ४ दिवस पुरेसा पाऊस झाल्यानंतर (६५ ते १०० मिमी) वाफसा आल्यानंतरच करावी.

पानवेल ः
फुलकिड्यांच्या नियंत्रणासाठी, उतरणीच्या अगोदर डायमेथोएट (३० ई.सी.) १ मिलि प्रति लिटर या प्रमाणे शेवरी, शेवगा आणि वेलीवर फवारणी करावी.

गुलाब ः
लाल कोळी या किडीच्या नियंत्रणासाठी,
अॅबॅमेक्टिन (१.८ टक्के प्रवाही) ०.४ मिलि प्रतिलिटर पाणी याप्रमाणे फवारणी करावी.

ऊस
हुमणीच्या नियंत्रणासाठी, पहिला पाऊस झाल्यानंतर निंब, बाभूळ व बोर या झाडांवरील भुंगेरे प्रकाश सापळ्यांचा वापर करून नष्ट करावेत. कंदिलाचा वापर करून सामुदायिकरीत्या रात्रीचे वेळी गोळा करावेत. रॉकेलमध्ये टाकून नष्ट करावेत.

जमिनीनुसार पिकांची निवड
भारी- कापूस, तूर, ज्वारी, सोयाबीन
मध्यम- सूर्यफूल, तूर, बाजरी, सोयाबीन, ज्वारी
हलकी- बाजरी, कुळीथ, तीळ, कारळा, एरंडी

मका
मका पिकामध्ये उडीद/ मूग/ चवळी/ सोयाबीन/ भुईमूग/ तूर आंतरपीक म्हणून घ्यावेत.

मूग आणि उडीद
मॉन्सूनचा पहिला पेरणीयोग्य पाऊस झाल्यावर आणि जमिनीत वापसा येताच पेरणी पूर्ण करावी.

मूग / उडीद/ सोयाबीन
जमिनीची पूर्व मशागत करावी. दुबार पेरणीचे संकट टाळण्यासाठी जमिनीत पुरेसा ओलावा असतानाच पेरणी करावी. पेरणीसाठी प्रमाणित बियाण्यांची खरेदी कृषी विद्यापीठे, महाबीज यांच्याकडून करावी. पेरणी करण्यापूर्वी बीज प्रक्रिया करावी.

कापूस
कापूस लागवडीसाठी मध्यम ते भारी, ९० से.मी. पेक्षा जास्त खोली असणारी पाण्याचा निचरा होणारी जमीन निवडावी. पिकाची लागवड करण्यापूर्वी शेताची खोल नांगरट करून, कुळवाच्या २-३ पाळ्या द्याव्यात. शेवटच्या कुळवाच्या पाळीअगोदर हेक्टरी १० ते १२ टन शेणखत बागायती कपाशीसाठी व ८ टन शेणखत कोरडवाहू कपाशीसाठी शेतात मिसळावे. गेल्या वर्षी ज्याठिकाणी कापूस, टोमॅटो, भेंडीची लागवड केली असेल तर ती जमीन कापूस लागवडीसाठी टाळावी. बीटी/ संकरित बियाण्यासाठी ९० सेंमी तर देशी बियाण्यांसाठी ६० सेमी अंतरावर उथळ सऱ्या पाडाव्यात. उथळ सऱ्यामुळे पाण्याची बचत होते.

सोयाबीन

  • सोयाबीन लागवडीसाठी मध्यम काळी पोयट्याची पाण्याचा निचरा होणारी जमीन निवडावी.
  • एक नांगरट व दोन कुळवाच्या पाळ्या देऊन जमीन भुसभुशीत करून घ्यावी. शेवटच्या कुळवाच्या पाळी बरोबर चांगले कुजलेले शेणखत १० टन प्रतिहेक्टरी वापरावे.
  • एक नांगरट व दोन कुळवाच्या पाळ्या देऊन जमीन भुसभुशीत करून घ्यावी. शेवटच्या कुळवाच्या पाळीबरोबर चांगले कुजलेले शेणखत १० टन प्रतिहेक्टरी वापरावे.
  • सोयाबीन पिकामध्ये तूर हे आंतरपीक (३:१) या प्रमाणात घ्यावे.

तूर
पहिला पाऊस झाल्यावर वाफसा येताच कुळवाची पाळी देऊन घ्यावी. काडीकचरा वेचून जमीन पेरणीसाठी तयार ठेवावी. हेक्‍टरी चांगले कुजलेले पाच टन शेणखत किंवा कंपोस्ट खत किंवा सेंद्रिय खत शेवटच्या कुळवणीच्या वेळी शेतात पसरावे.

०२४२६- २४३२३९
(ग्रामीण कृषी मौसम सेवा विभाग आणि कृषी विद्या विभाग, महात्मा फुले कृषी विद्यापीठ, राहुरी.)


इतर ताज्या घडामोडी
मक्यापासून निर्मित जैवप्लॅस्टिकचा...मक्यातील स्टार्च आणि अन्य नैसर्गिक घटकांचा वापर...
जुन्या बागेमध्ये घडाच्या विकासाकडे लक्ष...द्राक्ष बागेमध्ये सध्या वातावरण चांगले असले, तरी...
औरंगाबाद विभागात उसाचे तीन लाख मेट्रिक...औरंगाबाद : या गाळप हंगामात ९ डिसेंबर अखेरपर्यंत...
औरंगाबाद जिल्ह्यात गव्हावर आढळला...औरंगाबाद : जिल्ह्यातील गव्हाच्या पिकावर खोडमाशीचा...
नावातील त्रुटी दुरुस्तीसाठी...वाशीम : पंतप्रधान शेतकरी सन्मान निधी योजनेअंतर्गत...
रत्नागिरी जिल्ह्यात खरिपाच्या विमा...रत्नागिरी : शेतकऱ्यांना नुकसानभरपाई मिळावी,...
शिरोळ, हातकणंगले तालुक्यांत ऊस...कोल्हापूर : ऊस वाहतूकदारांना नऊ टक्के वाढ...
‘नासाका’ सुरू करण्यासाठी शरद पवारांना...नाशिक : ‘नासाका’ पुन्हा सुरू व्हावा यासाठी दिल्ली...
कृषिपंपांना कॅपॅसिटर बसवा, ऑटो स्विचचा...नाशिक : वीजपुरवठा सुरू झाल्यानंतर कृषिपंप तत्काळ...
नांदेड, परभणी, हिंगोली जिल्ह्यांत दोन...नांदेड : नांदेड, परभणी, हिंगोली जिल्ह्यांत...
पीकविम्याच्या भरपाईसाठी प्रस्ताव पाठवा...सोलापूर : उत्तर सोलापूर, नरखेड, मार्डी, शेळगी,...
पुणे विभागातील १७०० गावांमधील भूजल...पुणे  ः यंदा मुबलक प्रमाणात पाऊस झाला असला,...
नगर जिल्ह्यातील कारखान्यांकडून पावणेसात...नगर  ः जिल्ह्यात १४ सहकारी व नऊ खासगी असे...
नवीन लाल कांद्याच्या दरात चढ-उतारनाशिक: अतिवृष्टीमुळे अनेक खरीप कांदा लागवडी बाधित...
कांदा दरवाढीनंतर कोबीला आले ‘अच्छे दिन’कोल्हापूर : कांद्याचे दर वाढल्याने हॉटेल...
भंडारा : शेतकऱ्यांना आज होणार विमा...मुंबई : भंडारा जिल्ह्यातील शेतकऱ्यांना खरीप २०१९...
...म्हणून सहा एकरांवरील द्राक्षबागेवर...नाशिक  : निफाड तालुक्यातील सोनेवाडी येथे...
राज्याला केंद्राकडून १५ हजार कोटी येणे...मुंबई  :  वस्तू व सेवा कर (जीएसटी)...
शिवनेरीवरून कर्जमाफीची घोषणा होण्याची...पुणे  ः मुख्यमंत्री उद्धव ठाकरे आज (गुरुवारी...
पंकजा मुंडे यांच्या स्वाभिमान...बीड  : लोकनेते गोपीनाथ मुंडे यांच्या...