agricultural stories in Marathi, cultural programme in Agrowon Awards | Agrowon

नृत्याविष्कार अन् ठसकेबाज लावण्यांनी वाढली रंगत...

टीम अॅग्रोवन
शुक्रवार, 10 मे 2019

पुणे : मराठी, हिंदी चित्रपटांच्या गाण्यांवरील देखणा नृत्याविष्कार, ठेका धरायला लावणाऱ्या ठसकेबाज लावण्या, विनोदाच्या हास्याचे फवारे आणि त्याला शिट्ट्या-टाळ्यांची भरभरून मिळालेली दाद...अशा जल्लोषी वातावरणात ॲग्रोवन स्मार्ट ॲवॉर्ड  सोहळा बुधवारी (ता. ८) सायंकाळी बालगंधर्व रंगमंदिरात चांगलाच रंगला. राज्याच्या कानाकोपऱ्यातून आलेल्या शेतकरी कुटुंबीयांना यानिमित्ताने मनोरंजनाची आगळी मेजवानी अनुभवता आली.

पुणे : मराठी, हिंदी चित्रपटांच्या गाण्यांवरील देखणा नृत्याविष्कार, ठेका धरायला लावणाऱ्या ठसकेबाज लावण्या, विनोदाच्या हास्याचे फवारे आणि त्याला शिट्ट्या-टाळ्यांची भरभरून मिळालेली दाद...अशा जल्लोषी वातावरणात ॲग्रोवन स्मार्ट ॲवॉर्ड  सोहळा बुधवारी (ता. ८) सायंकाळी बालगंधर्व रंगमंदिरात चांगलाच रंगला. राज्याच्या कानाकोपऱ्यातून आलेल्या शेतकरी कुटुंबीयांना यानिमित्ताने मनोरंजनाची आगळी मेजवानी अनुभवता आली.

सकाळ-ॲग्रोवनच्या वतीने राज्यातील प्रयोगशील शेतकऱ्यांना ॲग्रोवन स्मार्ट ॲवॉर्डने गौरविण्यात आले. त्यानिमित्ताने रंगारंग कार्यक्रमाचे आयोजन करण्यात आले होते. कार्यक्रमाची सुरुवात गणेशवंदनेने झाली. त्यानंतर नव्या पिढीचा गायक मंगेश बोरगावकरने गायलेल्या येवो विठ्ठल...या भावगीताने वातावरण प्रसन्न केले. त्यानंतर मायेच्या हळव्या स्पर्शाने खुलते...या चित्रपटगीताने उपस्थितांच्या हृदयाला जणू हळवा स्पर्श केला. त्यानंतर अभिनेत्री भार्गवी चिरमुले यांनी मोरे बन्सी... गाण्यावर देखणा नृत्याविष्कार सादर केला. तर अभिनेत्री स्मिता शेवाळे यांनी सादर केलेल्या ही पोरी साजुक तुपातली...या गाण्याने उपस्थितांना चांगलाच ठेका धरायला लावला. गायिका सावनी रवींद्र यांनी सादर केलेल्या गोऱ्या गोऱ्या गालावरी, चढली प्रेमाची लाली, गं पोरी नवरी आली...या लगीन गीताने त्यात चांगलाच रंग भरला. सावनी रवींद्र आणि मंगेश बोरगावकर यांनी गायलेल्या काळी माती, निळं पाणी, हिरवं शिवार...या शेतकरी गीतावर तर अनेकांनी जाग्यावरच ठेका धरला.

हाय बुगडी माझी सांडली गं, जाता साताऱ्याला.., रेशमाच्या रेघांनी, लाल काळ्या धाग्यांनी...आणि मला म्हणत्यात हो म्हणत्यात पुण्याची मैना या सावनी रवींद्र यांनी गायलेल्या ठसकेबाज लावण्या आणि अभिनेत्री भार्गवी चिरमुलेंनी सादर केलेली हा पाहुणा करतोय खाणाखुणा...आणि मी साताऱ्याची गुलछडी....लावणीवरील नृत्याविष्काराला उपस्थितांनी शिट्या आणि टाळ्यांनी भरभरून दाद दिली. स्मिता शेवाळेंनी हिंदी चित्रपटातील मिश्र गाण्यावर केलेले नृत्य आणि त्यातील अदाही उपस्थितांच्या लक्ष वेधून घेणाऱ्या ठरल्या.

 एकापाठोपाठ एक कर्तृत्ववान शेतकऱ्यांचा सन्मान आणि मनोरंजन अशा रंगतदार मिलाफामुळे कार्यक्रम उत्तरोत्तर रंगत गेला. संपूर्ण कार्यक्रमात पहिल्यापासूनच भावपूर्ण, पण जल्लोषी वातावरण राहिले. बहारदार कार्यक्रमाचे सूत्रसंचालन प्रसिद्ध कथ्थक नृत्यांगना आणि अभिनेत्री शर्वरी जमेनीस यांनी केले. या कार्यक्रमाचे  नियोजन विजयश्री इव्हेंटसचे निखिल निगडे यांनी केले होते.

हास्याचे फवारे
अभिनेते आशुतोष वाडेकर आणि चेतन छावडा यांनी शेतकऱ्यांच्या प्रश्नांवर सादर केलेल्या छोटेखानी विनोदी नाट्याने चांगलीच करमणूक केली. योगेश सुपेकर यांनी ज्येष्ठ अभिनेते निळू फुले, दिलीप प्रभावळकर, लक्ष्मीकांत बेर्डे, मकरंद अनासपुरे, भरत जाधव या कलाकरांसह राष्ट्रवादी काँग्रेसचे अध्यक्ष शरद पवार, मुख्यमंत्री देवेंद्र फडणवीस, विधिमंडळ पक्षनेते अजित पवार, केंद्रीय राज्यमंत्री रामदास आठवले, माजी मुख्यमंत्री नारायण राणे आणि मनसे प्रमुख राज ठाकरे यांच्या आवाजांची हुबेहूब नक्कल करत काही क्षण या सर्वांना मंचावर आणले. या नेत्यांच्या बोलण्याच्या लकबीवर  रंगमंदिरात हास्याचे चांगलेच फवारे उडाले.


फोटो गॅलरी

इतर इव्हेंट्स
अॅग्रोवन कृषी प्रदर्शन : अद्ययावत...औरंगाबाद ः ‘‘‘सकाळ-ॲग्रोवन’ने आयोजित केलेल्या...
नैसर्गिक शेतीची पंचसूत्री अमलात आणा :...औरंगाबाद ः माती, पाणी, जातिवंत बियाणे, पीक नियोजन...
मधमाशीपालन उद्योगात तरुणांना संधी -संजय...औरंगाबाद ः महाराष्ट्रात मधमाशी पालन उद्योगास...
अॅग्रोवन’ कृषी प्रदर्शनास अलोट गर्दी...औरंगाबाद : २६ लाखांच्या अजस्त्र ‘बॅक हो लोडर’...
अॅग्रोवन कृषी प्रदर्शन : शेतकऱ्यांचा...औरंगाबाद ः माती आणि पाणी परीक्षणाविषयी...
जादा उत्पन्नासाठी शेतमालाचे मूल्यवर्धन...औरंगाबाद ः शेतीमालाच्या उत्पादनामध्ये जितकी काळजी...
अॅग्रोवन कृषी प्रदर्शन : पारस, एमव्हीएस...पारस ग्रुपच्या स्टॉलवर शेतकऱ्यांची गर्दी ...
कृषी विद्यापीठाने मांडले एकात्मिक...औरंगाबाद ः प्रदर्शनामध्ये वसंतराव नाईक मराठवाडा...
कृषी विभागाच्या दालनावर योजनांसह कीड-...औरंगाबाद ः कृषी प्रदर्शनामध्ये जिल्हा परिषदेचा...
पायाभूत सुविधा दिल्यास कर्जमाफीची गरज...औरंगाबाद : कर्जमाफी झाली तरी पुढच्या हंगामात...
अॅग्रोवन कृषी प्रदर्शन : यंत्रे, अवजारे...औरंगाबाद ः मजुरांच्या समस्येवर मात करण्यासाठी...
अॅग्रोवन कृषी प्रदर्शन :शेतकरी गट, बचत...औरंगाबाद ः सेंद्रिय पद्धतीने उत्पादित केलेली...
अॅग्रोवन कृषी प्रदर्शन : नवे तंत्रज्ञान...सकाळ - ॲग्रोवनच्या वतीने आयोजित भव्य कृषी...
पोपटराव पवार यांच्या हस्ते आज उद्‍घाटन औरंगाबाद: ‘सकाळ ॲग्रोवन’च्या भव्य कृषी...
औरंगाबाद येथे २७ पासून ॲग्रोवन कृषी...पुणे  : शेतकऱ्यांसाठी तंत्रज्ञान व माहितीचा...
एकात्मिक कीडरोग व्यवस्थापनातून...नाशिक : पॉलिहाउस मध्ये वर्षानुवर्ष एकच पीक...
जलसमृद्धी बक्षीस योजनेतील चौथ्या आणि...पुणे : ॲग्रोवन जलसमृद्धी बक्षीस योजनेची सोडत...
शाश्वतता, जागतिक दर्जा, विस्तारीकरण ...पुणे ः कोणताही उद्योग शाश्वत असायला हवा, तुमची...
‘सकाळ रिलीफ फंडा’ची पूरग्रस्तांना एक...पुणे ः कोल्हापूर, सांगली, सातारा भागांत...
पाणी व्यवस्थापनाकडे दुर्लक्ष केल्यास...नाशिक : जमिनीची सुपीकता वाढवण्याबरोबर योग्य पाणी...