शेतकरी नियोजन - डाळिंब

गेल्या तीन वर्षांपासून दिनेश लेंगरे हे डाळिंबाची निर्यात करतात. दरवर्षी मृग बहर धरतात. या वर्षीही ६ जूनला पानगळ करून मृग बहर धरला आहे. बाग सध्या सेटिंग अवस्थेत आहे.

शेतकरी ः दिनेश सीताराम लेंगरे गाव ः खुपसंगी, ता. मंगळवेढा, जि. सोलापूर एकूण क्षेत्र ः ३० एकर डाळिंब क्षेत्र ः ४ एकर

खुपसंगी (ता. मंगळवेढा) येथे माझी ३० एकर शेती आहे. त्यात चार एकर डाळिंब, दोन एकर आंबा, एक एकर लिंबू, एक एकर पपई, एक एकर ढोबळी मिरची आणि अन्य क्षेत्रावर अन्य पिके आहेत. गेल्या तीन वर्षांपासून मी डाळिंबाची निर्यात करतो. दरवर्षी मृग बहर धरतो, या वर्षीही ६ जूनला पानगळ करून मृग बहर धरला आहे. बाग सध्या सेटिंग अवस्थेत आहे. पण सततच्या पावसामुळे अडचण येते आहे. गत दहा दिवासांतील काम

बाग सध्या सेटिंग अवस्थेत आहे. या कालावधीत बागेला पाण्याची गरज असते, पण सध्या सातत्याने पाऊस पडत असल्याने पाण्याची फारशी गरज नाही. तरीही गेल्या दहा दिवसांत एक दिवसाआड तासभर गरजेनुसार पाणी दिले.

वातावरणातील सततच्या बदलामुळे कुजवा, खोडकीड रोगाचा प्रादुर्भाव वाढतो आहे. त्यासाठी फवारणी करून घेतली.

फवारणी करताना रासायनिक आणि जैविक घटकांची फवारण्या समतोल सांभाळतो.

साधारणपणे या कालावधीत खोडकिडीचा प्रादुर्भाव वाढतो. त्याच्या प्रतिबंधासाठी खोडाला बोर्डो पेस्ट लावून घेतली.

पुढील वीस दिवसांतील काम

बाग सेटिंग अवस्थेत असल्याने रासायनिक आणि सेंद्रिय खताचा डोस देत आहे. त्यात प्रति झाड सूक्ष्म अन्नद्रव्ये, निंबोळी पेंड प्रत्येकी एक किलो या सोबत २५० ग्रॕम गांडूळ खतही देणार आहे.

बागेतील तणनियंत्रणासाठी तणनाशकाची फवारणी करण्यापेक्षा ब्रशकटरचा वापर करण्याचे नियोजन आहे.

खोडावरच्या अतिरिक्त फुटी काढून घेणार आहे. त्यानंतर बुरशीनाशकाची फवारणी घेणार आहे.

त्यानंतर ०ः५२ः३४ आणि ०ः६०ः२० ही दोन्ही खते एक दिवसाआड दोन किलो प्रमाणात देणार आहे.

या काळात कुजव्याचा प्रादुर्भाव वाढतो. त्यासाठी निरीक्षण करत राहून आवश्यक त्या बुरशीनाशकांची फवारणी करावी लागेल.

दर आठवड्याला प्रति एकर २०० लिटर पाण्यातून जिवामृत सोडतो. त्यासाठी जिवामृत तयार करण्याची साखळी बसवली आहे.

संपर्क ः दिनेश लेंगरे, ९८२२६४००८८ (शब्दांकन ः सुदर्शन सुतार)

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

शेतकरी नियोजन - डाळिंब

Related Stories