agricultural stories in Marathi, grapes advice | Page 2 ||| Agrowon

द्राक्ष फुटीच्या विरळणीबरोबर कीड नियंत्रणाकडे लक्ष द्या.
डॉ. आर. जी. सोमकुंवर, डॉ. दीपेंद्रसिंह यादव
शनिवार, 4 मे 2019

येत्या आठवड्यामध्ये कोणत्याही विभागामध्ये पावसाची फारशी शक्यता दिसत नाही. गत आठवड्याच्या तुलनेमध्ये सांगली, सोलापूर, नाशिक भागात ३७ ते ३८ अंश सेल्सिअस तापमान व ४२ ते ४८ टक्के आर्द्रता राहण्याची शक्यता आहे. बाष्पीभवनाचा वेगही ९.८ ते १०.६ मि.मी. इतका राहण्याची शक्यता आहे. रविवारनंतर तापमान सुमारे दोन अंशांनी वाढण्याची शक्यता आहे. एकंदरीत वातावरणाचा विचार करता द्राक्षवेलीच्या वाढीसाठी पोषक वातावरण असेल. या स्थितीत खालील कामांकडे लक्ष द्यावे.

कॅनोपी व्यवस्थापन ः

येत्या आठवड्यामध्ये कोणत्याही विभागामध्ये पावसाची फारशी शक्यता दिसत नाही. गत आठवड्याच्या तुलनेमध्ये सांगली, सोलापूर, नाशिक भागात ३७ ते ३८ अंश सेल्सिअस तापमान व ४२ ते ४८ टक्के आर्द्रता राहण्याची शक्यता आहे. बाष्पीभवनाचा वेगही ९.८ ते १०.६ मि.मी. इतका राहण्याची शक्यता आहे. रविवारनंतर तापमान सुमारे दोन अंशांनी वाढण्याची शक्यता आहे. एकंदरीत वातावरणाचा विचार करता द्राक्षवेलीच्या वाढीसाठी पोषक वातावरण असेल. या स्थितीत खालील कामांकडे लक्ष द्यावे.

कॅनोपी व्यवस्थापन ः

  • ज्या बागेमध्ये फुटींची वाढ जोमात होत आहे, तिथे फुटींची विरळणी करणे गरजेचे आहे. एका वेलीवर साधारण ७० ते ८० फुटी निघालेल्या दिसतील. या सर्व फुटींची गरज नाही. प्रत्येक वर्गफूट अंतराकरिता अर्धा काडी या प्रमाणे गुणोत्तराचा विचार करावा. त्यानुसार काड्यांची विरळणी करताना प्रत्येक काडी ही अडीच ते तीन इंचावर राहील, याची काळजी घ्यावी.
  • ज्या ठिकाणी सबकेन झाले आहे अशा बागेत सूक्ष्म घडनिर्मितीकरिता संजीवाकांचा वापर महत्त्वाचा ठरतो. काडीवरील डोळ्यामध्ये सूक्ष्म घडनिर्मिती झाली, याचा अर्थ त्या डोळ्यामध्ये द्राक्षघड तयार झाला. त्या डोळ्यात प्रथिने तयार होतात. या करिता वेलीमध्ये न्युक्लिल अॅसिड व सायटोकायनीनची पातळी वाढवणे महत्त्वाचे असते. काडीवरील डोळ्यावर जर एकसारख्या तीव्रतेचा सूर्यप्रकाश मिळाल्यास ही पातळी सहज वाढते. संजीवक वापरण्याची आवश्यकता नसते.
  • ज्या बागेत दाट कॅनोपी असून, उशिरा खरड छाटणी झाल्यामुळे सूक्ष्म घडनिर्मितीच्या कालावधीत ढगाळ वातावरण असेल किंवा सूर्यप्रकाशाचा अभाव असेल अशा वेळी संजीवकांची गरज असेल. खरड छाटणीनंतर ४० व ४५ व्या दिवसी ६ बीए १० पीपीएम आणि ४५ व्या दिवशी युरासील २५ पीपीएम अशी फवारणी केली जाते. यापेक्षा बागेत सबकेन केले असल्यास निघालेली बगलफूट ३-४ पानांची झाल्यास ६ बीए ची पहिली फवारणी व त्यानंतर बगलफूट ६-७ पानांची झाल्यानंतर युरासीलची फवारणी करावी. आवश्यकतेनुसार बागेत काड्यांची संख्या राखून इतर फुटी काढल्याची खात्री करावी. निघालेल्या बगलफुटीपैकी आवश्यक तितक्या फुटी राखाव्यात. (सिंगल सबकेन व डबल सबकेन). कॅनोपी मोकळी राखण्याचा प्रयत्न करावा. यामुळे सूक्ष्म घडनिर्मिती होण्यास मदत होईल.

कीड व्यवस्थापन ः
थ्रिप्स -

  • द्राक्ष बागेमध्ये ३-४ पाने अवस्थेत पाने लवचिक व रसरशीत असतात. बागेमध्ये पोषक वातावरण असल्यामुळे थ्रिप्सचा प्रादुर्भाव दिसून येईल.
  • बागेमध्ये सबकेन झाल्यानंतर वाढ काही काळाकरिता थांबलेली दिसेल. अशा परिस्थितीत थ्रिप्सचा प्रादुर्भाव काही काळ दिसणार नाही. पाने थोडीफार जुनी झालेली दिसतील. मात्र, ज्या बागेमध्ये सबकेन झाल्यानंत काडीच्या मध्यभागातील पाने जर कोवळी असल्यास थ्रिप्स दिसेल.
  • रिकट घेतलेल्या बागेत जेव्हा नवीन फुटी निघायला सुरवात होतेवेळी थ्रिप्सचा प्रादुर्भाव दिसून येतो.
  • या तिन्ही स्थितीमध्ये किडीच्या नियंत्रणासाठी फवारणी करावी. (प्रमाण प्रति १० लिटर पाणी.)
    फिप्रोनील (८० डब्ल्यूजी) ०.६२५ ग्रॅम किंवा इमामेक्टीन बेन्झोएट (५ एसजी) २.२० ग्रॅम.

मिलीबग -
मिलीबगचा प्रादुर्भाव असलेल्या ठिकाणी बागेमध्ये पाने गोळा होताना दिसतील. त्यांच्या नियंत्रणासाठी इमिडाक्लोप्रीड (१७.८ एसएल) ४ मिलि प्रति १० लिटर पाणी याप्रमाणे फवारणी करावी.

डॉ. आर. जी. सोमकुंवर, ०२०- २६९५६०६०
(राष्ट्रीय द्राक्ष संशोधन केंद्र, मांजरी, जि. पुणे.)

इतर फळबाग
ढगाळी वातावरणात द्राक्ष बागेचे...बागेत कमी झालेले तापमान, निघालेल्या बगलफुटीमुळे...
डाळिंबबागेतील मररोगाची लक्षणे कसे ओळखाल...डाळिंबबागेमध्ये मररोगाचा प्रादुर्भाव आणि प्रसार...
द्राक्षवेल अचानक सुकण्याच्या समस्येवर...सध्याच्या परिस्थितीत द्राक्षबागेतील सर्व भागात...
द्राक्षबागेतील स्ट्रोमॅशियम बारबॅटम...द्राक्षाच्या जुन्या बागांमध्ये खोडकिडीच्या...
भुरी नियंत्रणासह अन्नद्रव्य...सध्या बऱ्याच ठिकाणी तापमानामध्ये वाढ होताना दिसत...
संत्रा झाडे वाळण्याची कारणे जाणून करा...विविध संत्रा बागांमध्ये उन्हाळ्यात आणि पावसाळा...
गारपिटीनंतर द्राक्ष बागेची अधिक काळजी...द्राक्ष बागेमध्ये वाढीच्या विविध अवस्थेमध्ये...
कॅनोपीमध्ये वाढू शकतो भुरीचा प्रादुर्भावहवामान अंदाजानुसार येत्या आठवड्यामध्ये कोणत्याही...
आंबा पिकावरील फळमाशीचे व्यवस्थापनआंबा पिकावर सुमारे १८५ किडी आढळत असल्या तरी...
द्राक्ष फुटीच्या विरळणीबरोबर कीड...येत्या आठवड्यामध्ये कोणत्याही विभागामध्ये पावसाची...
केसर आंबा व्यवस्थापन या वर्षी केसर आंबा कलमांना मोठ्या प्रमाणावर...
आरोग्यदायी ड्रॅगन फ्रूटशरीरातील कोलेस्ट्रॉल नियंत्रित ठेवण्यासाठी आणि...
द्राक्ष बागेचे वाढत्या तापमानातील...नव्या आणि जुन्या द्राक्ष बागांचा विचार केला असता...
फणस व्यवस्थापनफणसाला नियमित फुले व फळे येतात. फणसामध्ये...
कागदी लिंबू लागवडकागदी लिंबू पिकाला मध्यम काळी, हलकी मुरमाड,...
द्राक्षबागेत नवीन फुटीवर किडींच्या...द्राक्ष बागेमध्ये सध्याच्या वातावरणाचा आढावा...
संत्र्यावर कोळशीचा प्रादुर्भाव, त्वरेने...सद्यस्थितीत अकोला, अमरावती आणि बुलढाणा जिल्ह्यांत...
फळबागांना आच्छादन, संरक्षित पाणी द्यासध्याच्या काळात पाणी कमतरता, सूर्यप्रकाश, गरम...
द्राक्षबागेत खरड छाटणीनंतर सूक्ष्म...द्राक्षबागेत या वेळी फळकाढणीचा हंगाम जोरात सुरू...
द्राक्ष : नवीन वाढ करण्यासाठी आवश्यक...द्राक्षबागेमध्ये मागील हंगामामध्ये कलम केलेल्या...