agricultural stories in Marathi, manure & compost importance in farming | Agrowon

जमिनी सुपीकता, उत्पादकता वाढीसाठी शेणखत आवश्यक
विजय राऊत, डॉ. उल्हास सुर्वे
रविवार, 2 जून 2019

कृषी विद्यापीठ किंवा संशोधन केंद्रांद्वारे सर्व पिकांच्या लागवडीमध्ये शेणखत वापरण्याची शिफारस हमखास असली तरी शेणखतांचा वापर करण्याचे प्रमाण कमी झाले आहे. जैविक प्रक्रिया करून शेणखताचा वापर केल्यास अधिक फायदे मिळतात.

कृषी विद्यापीठ किंवा संशोधन केंद्रांद्वारे सर्व पिकांच्या लागवडीमध्ये शेणखत वापरण्याची शिफारस हमखास असली तरी शेणखतांचा वापर करण्याचे प्रमाण कमी झाले आहे. जैविक प्रक्रिया करून शेणखताचा वापर केल्यास अधिक फायदे मिळतात.

शेणखताच्या नियमित वापरामुळे जमिनीच्या कणांच्या रचनेत बदल होऊन, सेंद्रिय कर्बाचे प्रमाण वाढते. अशा स्थितीमध्ये पिकाच्या पांढऱ्या मुळीची चांगली वाढ होऊन, जमिनीतून अन्नद्रव्याचे शोषण चांगल्या प्रकारे होण्यास मदत होते. रासायनिक खतांच्या तुलनेमध्ये शेणखतातून मिळणाऱ्या अन्नद्रव्यांचे प्रमाण अत्यल्प असते. मात्र, त्यात सेंद्रिय पदार्थांचे प्रमाण अधिक असल्याने उपयुक्त सूक्ष्मजीवांच्या वाढीसाठी अनुकूल वातावरण जमिनीत तयार होते. जमिनीत अन्नद्रव्ये उपलब्ध करणारे जिवाणू उदा. ॲझेटोबॅक्‍टर, स्फुरद विरघळवणारे जिवाणू वाढतात. नियमित शेणखतांचा वापरामुळे  जमिनीत गांडुळांचे प्रमाणही वाढते.  
जमिनीतून वापरलेल्या जैविक कीडनाशकांचे उदा. ट्रायकोडर्मा, सुडोमोनास, पॅसिलोमायसिस, बिव्हेरिया, मेटारायझिम आणि जैविक खते, उदा. ॲझेटोबॅक्‍टर व नत्रासह अन्य अन्नद्रव्ये उपलब्ध करून देणाऱ्या जिवाणूंचे प्रमाण नैसर्गिकरीत्या वाढते. पाांढऱ्या मुळींची वाढ जोमदार होते. परिणामी झाडातील संजीवकांची निर्मिती आणि अन्नद्रव्याचे वहन उत्तम होते.   जमिनीची पाणी धरून ठेवण्याची क्षमता वाढते. जमिनीच्या सामूमध्येही अपेक्षित बदल होतात.

 शेणखत वापरताना...

  • शेणामध्ये हुमणी, भुंगे, नारळावरील गेंड्या भुंग्याची अळी अशा अवस्था आढळतात. विविध भुंगेरावर्गीय किडींच्या अळ्या शेणखताद्वारे शेतात पसरून पिकास नुकसान पोचवितात. हुमणीसह विविध भुंगेरावर्गीय किडींची मादी मे-जून महिन्यांत शेणासारख्या कुजणाऱ्या पदार्थांमध्ये अंडी घालतात. त्यामुळे शेतातील शेणाचा खड्डा, ढिगारा, उकिरडा इत्यादी कडक उन्हाळ्यामध्ये हे शेणखत शेतात मिसळून द्यावे. शेणखत जमिनीत मिसळताना भुंगेऱ्यांच्या व हुमणीच्या अळ्या वेचून नष्ट कराव्यात.
  • काही शेतकरी शेतात शेळ्या-मेंढ्या गोलाकार रिंगणात बसवतात. अशा भागामध्ये पावसाळ्यात हुमणीचा प्रादुर्भाव अधिक दिसून येतो.
  • कुजणाऱ्या शेणात पिकांस उपद्रवी उदा. मररोग, मूळकूज, करपा, सडया रोग यासाठी कारणीभूत, बुरशी वाढू शकते. पूर्णपणे कुजलेले शेणखत वापरावे.
  • जमिनीची मशागत करताना शेवटी कुळवणीआधी हेक्‍टरी ५ ते १० टन शेणखत मिसळावे. फळबागांसाठी उपलब्धतेनुसार एकरी १०-१५ टन शेणखत मिसळावे.
  • भाजीपाला रोपवाटिकेमध्ये गादीवाफ्यावर चांगल्या कुजलेल्या शेणखतासोबत ट्रायकोडर्माचा वापर करावा.

शेणखतावरील प्रक्रिया

  • शेणखत चांगले कुजवण्यासाठी कंपोस्टिंग कल्चर वापरावे. प्रति टन शेणखतासाठी एक किलो/ लिटर कल्चर पुरेसे ठरते.
  • शेणखतातून होणाऱ्या बुरशीजन्य रोगांचा प्रसार रोखण्यासाठी ट्रायकोडर्मा व्हिरिडी, सुडोमोनास फ्लुरोसन्स या जैविक घटकांचा वापर शेणखड्ड्यात करावा. शेणकिड्यांच्या नियंत्रणासाठी मेटारायझिम ॲनिसोप्ली, बिव्हेरिया बॅसियाना यांसारख्या जैविक कीडनाशकांचा वापर करावा. त्यात ओलसरपणा राहील इतके पाणी शिंपडावे.
  • म्हशी, गाईंच्या गोठ्यातून आणल्या जाणाऱ्या शेणात प्लॅस्टिक बाटल्या, इंजेक्‍शन सिरींज, सुया, टाकाऊ पदार्थ, काच, प्लॅस्टिक हातमोजे, नळ्या आढळतात. त्या काढून टाकाव्यात.
  • भाजीपाला पिकात अर्धवट कुजलेले शेणखत मिसळल्यास शेण कुजताना निर्माण झालेल्या उष्णतेमुळे  पांढऱ्या मुळ्यांसह उपयुक्त सूक्ष्मजीव, गांडुळे, होऊ शकतो. असे शेणखत वापरणे टाळावे.

 ः विजय राऊत, ९८३४२०१४४२
(एकात्मिक पद्धती शेती संशोधन केंद्र, महात्मा फुले कृषी विद्यापीठ, राहुरी)

इतर अॅग्रो विशेष
राज्य बॅंकेच्या दारात जिल्हा बॅंकांचे...सोलापूर : राज्यात १९७२ ची आठवण करून देणारा भयावह...
विदर्भ, उत्तर महाराष्ट्रात तुरळक ठिकाणी...पुणे  : कमी दाबाच्या क्षेत्रामुळे मध्य...
पूर संकटाचा नव्याने अभ्यास पुणे  : कृष्णा व भीमा खोऱ्यात यंदा आलेल्या...
शेतजमीन मोजणीचा गोंधळ सुरूचपुणे : ड्रोनच्या माध्यमातून गावांचे डिजिटल नकाशे...
तंत्रज्ञानाच्या अतिरेकी वापराने शेतकरी...नागपूर ः ‘संकरित बियाण्यांचा करा पेरा, लक्ष्मी...
जलसमस्येच्या आढाव्यासाठी औरंगाबादेत...औरंगाबाद  : मराठवाडा आणि संपूर्ण...
कृषिसेवक भरती प्रक्रियेवरील बंदी...अकोला ः कृषी खात्याने १४१६ जागांसाठी राबवलेल्या...
यंदा ५० साखर कारखाने बंद राहण्याची...पुणे ः राज्यातील उसाचे क्षेत्र आधीच्या...
पन्नास लाख शेतकऱ्यांच्या खात्यात २४...मुंबई : शेतकऱ्यांना दुष्काळाच्या चक्रातून बाहेर...
कोकण, मध्य महाराष्ट्र, विदर्भात तुरळक...पुणे  : ओडिशाच्या किनाऱ्यालगत तयार झालेल्या...
झाडांच्या गोलाईच्या आकारानुसार...पुणे: दुष्काळावर मात करण्यासाठी शेतातील आणि...
राज्य बँक घोटाळाप्रकरणी दोषींवर कारवाई...जळगाव  ः महाराष्ट्र राज्य सहकारी बँक...
पीकविमा योजनेतील झारीतील ...मुंबई : शेतकऱ्यांसाठीच्या पीकविमा योजनेवरून...
मध्य प्रदेश भावांतर योजना बंद करणारनवी दिल्ली : शेतीमालाचे दर कमी झाल्यानंतर...
वाशीम बाजारपेठेत डंका मापारी यांच्या...वाशीम जिल्ह्यातील सोमठाणा येथील विश्वनाथ मापारी...
बोगस खतप्रकरणी ‘लोकमंगल’वर गुन्हापुणे : राज्याचे सहकारमंत्री सुभाष देशमुख यांना...
कोकण, विदर्भात पावसाची शक्यतापुणे : तापमानात झालेली वाढ आणि ढगाळ हवामान...
डाळी, प्रक्रिया उद्योगातील ‘यशस्विनी’...बोरामणी (ता. दक्षिण सोलापूर) परिसरातील तब्बल ८८५...