agricultural stories in Marathi, market trande in NCDEX,MCX | Agrowon

मका, हळद, कापसाचा तेजीकडे कल

डॉ. अरुण प्र. कुलकर्णी
शुक्रवार, 26 एप्रिल 2019

बाजारातील मक्याच्या स्पॉट किमती सध्या हमीभावापेक्षा अधिक आहेत. मागणी चांगली आहे. रब्बी आवकेमुळे किमती उतरतील; पण त्या हमीभावाच्या आसपास राहतील. हळदीच्या जुलै २०१९ च्या फ्युचर्स किमती सध्याच्या स्पॉट किमतींच्या तुलनेने २.८ टक्क्यांनी अधिक आहेत.

बाजारातील मक्याच्या स्पॉट किमती सध्या हमीभावापेक्षा अधिक आहेत. मागणी चांगली आहे. रब्बी आवकेमुळे किमती उतरतील; पण त्या हमीभावाच्या आसपास राहतील. हळदीच्या जुलै २०१९ च्या फ्युचर्स किमती सध्याच्या स्पॉट किमतींच्या तुलनेने २.८ टक्क्यांनी अधिक आहेत.

देशातील निवडणुकांमधील मतदान सुरू होऊन आता महिना झाला आहे. भारतीय हवामान खात्याने मॉन्सून सरासरी एवढाच होण्याची शक्यता वर्तवली आहे. रब्बीची आवक आता सुरू होत आहे. पुढील महिन्यात ती वाढणार आहे. त्यामुळे यापुढे कापसाखेरीज इतर वस्तूंची मागणी कमी होणार आहे व पुरवठा वाढणार आहे. त्याचा परिणाम यापुढे किमती नरम राहण्यावर होणार आहे. कापसातील तेजी कायम राहण्याची शक्यता आहे.
 या सप्ताहात गेल्या सप्ताहाच्या तुलनेने गहू वगळता इतर सर्व पिकांचे भाव घसरले. (आलेख १पहावा). गव्हाची अजून मोठी आवक सुरू झालेली नाही. कापसाच्या किमतींत अजूनही तेजी आहे. गेल्या सप्ताहात त्यांनी उच्चांक गाठला होता. या सप्ताहात भाव काहीसे उतरले आहेत. सध्याच्या स्पॉट किमतींच्या तुलनेने पुढील काही महिन्यात रब्बी आवकेमुळे मक्याचे भाव घसरतील. इतरांचे मात्र वाढतील. (आलेख २ पहावा)

गेल्या सप्ताहातील एनसीडीईएक्स आणि एमसीएक्समधील किमतीतील चढ-उतार
मका

  • रब्बी मक्याच्या (मे २०१९) किमती मार्च महिन्यात वाढत होत्या. (रु. १,५७० ते रु. १,८००).  
  • या सप्ताहात त्या २.६ टक्क्याने घसरून रु. १,८६१ वर आल्या आहेत. स्पॉट किमती (सांगली) रु. १,९८१ वर आल्या आहेत. हमी भाव रु. १,७०० आहे. (गेल्या वर्षी तो रु. १,४२५ होता)
  •  बाजारातील स्पॉट किमती सध्या हमी भावापेक्षा अधिक आहेत. मागणी चांगली आहे. रब्बी आवकेमुळे किमती उतरतील; पण त्या हमी भावाच्या आसपास राहतील.

साखर
साखरेच्या (मे २०१९) किमती मार्चमध्ये व्यवहार नसल्याने रु. ३,११९ वर स्थिर होत्या. स्पॉट (कोल्हापूर) किमती रु. ३,१४६ वर आलेल्या आहेत. भारतातील उत्पादन या वर्षी व पुढील वर्षीसुद्धा वाढण्याचा अंदाज आहे.  

सोयाबीन  
सोयाबीन फ्युचर्स (मे २०१९) किमती मार्च महिन्यात रु. ३,६९५ व रु. ३,८२६ या दरम्यान चढ-उतार अनुभवत होत्या. या सप्ताहात त्या रु. ३,७२८ वर आल्या आहेत. स्पॉट (इंदूर) किमती रु. ३,८३४ वर आल्या आहेत.  हमी भाव रु. ३,३९९ आहे. (गेल्या वर्षी तो रु. ३,०५० होता). २३ एप्रिल रोजी जून, जुलै, ऑगस्ट, सप्टेंबर, ऑक्टोबर व नोव्हेंबर डिलिव्हरीसाठी अनुक्रमे रु. ३,७७५, ३,८०७, ३,८४०, ३,८००, ३,५९० व ३,४९३ भाव होते.  

हळद
हळदीच्या फ्युचर्स (मे २०१९) किमती मार्च महिन्यात घसरत होत्या (रु. ६,४९२ ते रु. ६,०९२). गेल्या सप्ताहात त्या रु. ६,३८० वर आल्या होत्या. या सप्ताहात त्या रु. ६,३७६ वर आल्या आहेत. स्पॉट (निझामाबाद) किमती रु. ६,३८६ वर  आल्या आहेत. जुलै २०१९ च्या फ्युचर्स किमती सध्याच्या स्पॉट किमतींच्या तुलनेने २.८ टक्क्यांनी अधिक आहेत (रु. ६,५६६). आवक वाढू लागली आहे. या वर्षी उत्पादन वाढलेले असेल. पण मागणीसुद्धा वाढत आहे.

गवार बी
गवार बीच्या फ्युचर्स (मे २०१९) किमती मार्च महिन्यात वाढत होत्या (रु. ४,२५२ ते रु. ४,४९०). या सप्ताहात त्या ०.३ टक्क्यांनी घसरून रु. ४,३४८ वर आल्या आहेत. स्पॉट (जोधपूर) किमती रु. ४,३७० वर आल्या आहेत. सध्याच्या स्पॉट (जोधपुर) किमतींपेक्षा जुलै २०१९ मधील फ्युचर्स किमती २.२ टक्क्यांनी अधिक आहेत (रु. ४,४६४). खनिज तेलाच्या आंतरराष्ट्रीय किमतींवर पुढील घट किंवा वाढ अवलंबून आहे.

हरभरा
हरभऱ्याच्या फ्युचर्स (मे २०१९) किमती मार्च महिन्यात वाढत होत्या. (रु. ४,१८६ ते रु. ४,४००). या सप्ताहात त्या २.१ टक्क्यांनी घसरून रु. ४,४१९ वर आल्या आहेत स्पॉट (बिकानेर) किमती रु. ४,३१३ वर आल्या आहेत. सध्याच्या स्पॉट (बिकानेर) किमतींपेक्षा जुलै २०१९ मधील फ्युचर्स किमती ५ टक्क्यांनी अधिक आहेत (रु. ४,५२९). मागणी मोठ्या प्रमाणात वाढत आहे. शासनाने आता गेल्या हंगामातील खरेदी केलेली कडधान्ये बाजारात कमी किमतींत विक्री करण्याचा निर्णय केला आहे. त्याची अंमलबजावणी सरू झाली आहे. नवीन हमीभाव रु. ४,६२० आहे. (गेल्या वर्षी तो रु. ४,४०० होता). रब्बीची आवक सुरू झाल्यावर बाजारभाव हमीभावाच्या आसपास राहण्याची शक्यता आहे.

कापूस
एमसीएक्समधील कापसाच्या फ्युचर्स (मे २०१९) किमती मार्च महिन्यात वाढत होत्या. (रु. २१,२०० ते रु. २१,९६०). गेल्या सप्ताहात त्या २.२ टक्क्यांनी वाढून रु. २२,५२० वर आल्या होत्या. या सप्ताहात त्या ०.८ टक्क्यांनी घसरून रु. २२,३३० वर आल्या आहेत. स्पॉट (राजकोट) किमती रु. २२,२५१ वर आल्या आहेत.  जुलै २०१९ च्या फ्युचर्स किमती रु. २२,८६० वर आल्या आहेत. गेल्या वर्षीपेक्षा या वर्षी कापसाचे उत्पादन कमी आहे. निर्यात मागणी अजून तरी वाढत आहे. आंतर-राष्ट्रीय किमतीसुद्धा वाढत आहेत. वाढीचा कल यापुढे टिकण्याचा संभव आहे.

(टीप ः सर्व किमती प्रतिक्विंटल; कापसाची किंमत प्रति १७० किलोची गाठी).        

  - arun.cqr@gmail.com


इतर अॅग्रोमनी
मत्स्यपालनाच्या शाश्वततेसाठी योग्य धोरण...जागतिक पातळीवर लोकसंख्या वेगाने वाढत असून,...
महागाई नियंत्रणासाठी रेपो दर 'जैसे थे' मुंबई: भारतीय रिझर्व्ह बँकेने आपले ऑगस्ट आणि...
देशभरात ‘नाफेड’कडून ८६ हजार टन कांदा...नाशिक: केंद्र सरकारच्या भाव स्थिरीकरण निधी...
कृषी सुधारणांचा वेळोवेळी आढावा घ्याः ‘...नवी दिल्लीः केंद्र सरकार ‘पीएम-किसान’...
काश्‍मिरी केशरला भौगोलिक मानांकनजम्मू: काश्‍मिरमध्ये उत्पादीत होणाऱ्या केशरला...
देशात खरिपाचा ६५ टक्के पेरा आटोपलानवी दिल्लीः देशात खरिपाखालील सरासरी क्षेत्र १...
‘स्ट्रॉबेरी‘ला बाजारपेठ विस्ताराची गरजस्ट्रॉबेरी उत्पादक पट्यात पॅकहाउस आणि शीतकरण...
भारतातून यंदा दशकातील विक्रमी साखर...कोल्हापूर: लॉकडाउनच्या संकटानंतरही साखर...
सांगली बाजारसमितीत हळद विक्रीत पाच लाख...सांगली ः सांगली बाजार समिती हळदीच्या...
शेतीमाल निर्यातीला चीन वादाचा फटका नाहीपुणे : महाराष्ट्रातून चीनला होणारी शेतीमालाची...
बिगर बासमती तांदळाच्या निर्यातवाढीसाठी...पुणे: तांदळाच्या जागतिक बाजारपेठेतील स्पर्धेत...
हिंगोलीत ई-नामअंतर्गत ६२२ क्विंटल हळद...हिंगोली ः हिंगोली कृषी उत्पन्न बाजार समितीच्या...
ब्राझीलच्या साखरेमुळे दर घसरलेकोल्हापूर : गेल्या हंगामाच्या तुलनेत यंदा...
साखर दरात सुधारणा कोल्हापूर ः देशात सुरू झालेली अनलॉकची प्रक्रिया व...
पुणे बाजार समितीचा पॅटर्न राज्यभर चर्चेतपुणे बाजार समितीमध्ये गेल्या काही वर्षांत अनेक...
आगामी हंगामावर शिल्लक साखरेचा दबाव कोल्हापूर: कोरोनामुळे यंदा देशात साखरेची विक्री...
साखर निर्यात अनुदानाचे साडेसात हजार...कोल्हापूर: गेल्या दोन वर्षात देशातील कारखान्यांनी...
देशातील साखर उद्योगही येईल पूर्वपदावर;...कोल्हापूर  : कोविडच्या संकटामुळे ठप्प झालेली...
साखर उत्पादनात उत्तर प्रदेशची झेपकोल्हापूर: यंदा उत्तर प्रदेशने साखर उत्पादनात...
ब्राझीलचे साखर उत्पादन भारताला अडचणी ?कोल्हापूर : यंदा ब्राझीलने इथेनॉलऐवजी साखर...