मनुष्यचलित भात रोपे पुनर्लागवड यंत्र
२ ओळींतील आणि दोन रोपांतील योग्य अंतर राखता येते. या यंत्राची कार्यक्षमता ०.४५ हेक्टर प्रति तास इतकी आहे. ट्रॅक्टरचलित मल्चिंग यंत्र
३५ व त्यापेक्षा जास्त अश्वशक्तीच्या ट्रॅक्टरने चालविता येते. योग्य अंतरावर छिद्रे पाडता येतात. प्लॅस्टिक कागद व ठिबक पाइप तसेच खते जमिनीवर पसरविण्यास मदत करते. गादी वाफे तयार करणे व आकार देणे. या यंत्राचा वापर बेड तयार करणे, ठिबक पाइप टाकणे, मल्चिंग फिल्म अंथरणे व त्यावर छिद्रे पाडणे यासाठी होतो. या यंत्रामुळे मजुरीचा खर्च, कामाच्या वेळेत बचत होते. ट्रॅक्टरचलित (सेमी ॲटोमॅटिक) हळद बेणे लावणी यंत्र
४० व त्यापेक्षा जास्त अश्वशक्तीच्या ट्रॅक्टरने चालविता येते. या यंत्राने सरी पाडून हळद बेणे लावले जाते. या यंत्रामुळे एका दिवसात १.५ ते २ हेक्टर क्षेत्र हळद लागवड करता येते. ट्रॅक्टरचलित कांदा बी पेरणी यंत्र
४५ व त्यापेक्षा जास्त अश्वशक्तीच्या ट्रॅक्टरने चालविता येते. या यंत्राने कांदा बीयांची पेरणी केली जाते. या यंत्रामुळे एका दिवसात १.५ ते २ हेक्टर क्षेत्र कांदा पेरणी करता येते. ट्रॅक्टरचलित ऊस लागवड यंत्र
४५ व त्यापेक्षा जास्त अश्वशक्तीच्या ट्रॅक्टरने चालविता येते. या यंत्रामुळे एका दिवसात १.५ ते २ हेक्टर क्षेत्र ऊस लागवड करता येते. या यंत्राने सपाट जमिनीमध्ये दोन रीजरच्या साह्याने सऱ्या पाडणे, अखंड उसाचे तुकडे करून बेणे सरीत पाडणे, बेण्यावर माती पसरणे, दाणेदार खते पेरून देणे, रोलरच्या मदतीने माती दाबणे इ. कामे एकाच वेळी केली जातात. ट्रॅक्टरचलित (सेमी ऑटोमॅटिक) बटाटा लागवड यंत्र
३५ व त्यापेक्षा जास्त अश्वशक्तीच्या चालविता येते. मनुष्यचलित लागवडीपेक्षा एक समान वाढ व परिपक्वता सुनिश्चित होत असल्याने उत्पादनात वाढ मिळते. बटाट्याची लागवड कार्यक्षम, जलद व कमी खर्चात शक्य होते. ट्रॅक्टरचलित फुले ऊस रोपे पुनर्लागवड यंत्र
४५ व त्यापेक्षा जास्त अश्वशक्तीच्या ट्रॅक्टरने चालविता येते. या यंत्रामुळे एका दिवसात २.७५ ते ३ हेक्टर क्षेत्र ऊस रोपांची पुनर्लागवड करता येते. यंत्राच्या रोप ते रोप व ओळी ते ओळी अंतर अनुक्रमे ६०० मि.मी. आणि १५०० मि.मी. राहते. पारंपरिक पद्धतीच्या तुलनेत या यंत्रामुळे खर्चामध्ये मोठी बचत होते.