उष्ण-कोरडे हवामान, अल्पशा पावसाची शक्‍यता

उष्ण-कोरडे हवामान, अल्पशा पावसाची शक्‍यता

महाराष्ट्राच्या मध्य भागावर १००६ हेप्टापास्कल इतका हवेचा दाब राहील. त्यामुळे कमाल व किमान तापमानात वाढ होईल.

कोकण रायगड जिल्ह्यात कमाल तापमान ३२ अंश सेल्सिअस राहील, रत्नागिरी जिल्ह्यात कमाल तापमान ३६ अंश सेल्सिअस राहील तर सिंधुदुर्ग जिल्ह्यात ते ३७ अंश सेल्सिअस आणि ठाणे जिल्ह्यात ३८ अंश सेल्सिअस राहील. ठाणे जिल्ह्यात किमान तापमान २६ अंश सेल्सिअस राहील तर रायगड, रत्नागिरी व सिंधुदुर्ग जिल्ह्यांत ते २५ अंश सेल्सिअस राहील. ठाणे जिल्ह्यात आकाश अंशतः ढगाळ राहील. सकाळची सापेक्ष आर्द्रता ७९ ते ८३ टक्के राहील. दुपारची सापेक्ष आर्द्रता ३४ ते ३९ टक्के राहील.

उत्तर महाराष्ट्र नंदूरबार जिल्ह्यात कमाल तापमान ४० अंश सेल्सिअस राहील तर नाशिक, धुळे व जळगाव जिल्ह्यांत किमान तापमान ३९ अंश सेल्सिअस राहील. जळगाव जिल्ह्यात किमान तापमान २८ अंश सेल्सिअस राहील, तसेच धुळे व नंदूरबार जिल्ह्यांत ते २५ ते २६ अंश सेल्सिअस राहील. नाशिक जिल्ह्यात ते २१ अंश सेल्सिअस राहील. जळगाव जिल्ह्यात आकाश अंशतः ढगाळ राहील. उर्वरित जिल्ह्यात आकाश निरभ्र राहील. नंदूरबार जिल्ह्यात सकाळची सापेक्ष आर्द्रता ४० टक्के राहील. तसेच नाशिक, धुळे व नंदूरबार जिल्ह्यांत सकाळची सापेक्ष आर्द्रता ५७ ते ६४ टक्के राहील. दुपारची सापेक्ष आद्रता १७ ते २२ टक्के राहील.

मराठवाडा बीड व हिंगोली जिल्ह्यांत कमाल तापमान ४२ अंश सेल्सिअस राहील. लातूर, नांदेड व परभणी जिल्ह्यांत कमाल तापमान ४१ अंश सेल्सिअस राहील. उस्मानाबाद व जालना जिल्ह्यांत कमाल तापमान ४० अंश सेल्सिअस राहील. तर औरंगाबाद जिल्ह्यात ते ३९ अंश सेल्सिअस राहील. बीड व उस्मानाबाद जिल्ह्यात किमान तापमान २५ अंश सेल्सिअस राहील. लातूर, नांदेड, परभणी, हिंगोली व औरंगाबाद जिल्ह्यांत किमान तापमान २७ अंश सेल्सिअस राहील आणि जालना जिल्ह्यात ते २८ अंश सेल्सिअस राहील. मराठवाड्यातील सर्वच जिल्ह्यात हवामान अंशतः ढगाळ राहील. लातूर जिल्ह्यात सकाळची सापेक्ष आर्द्रता २५ टक्के राहील. तर उर्वरित सर्वच जिल्ह्यात सकाळची सापेक्ष आर्द्रता ३१ ते ३४ टक्के राहील. दुपारची सापेक्ष आर्द्रता १५ ते १९ टक्के राहील. त्यामुळे हवामान अत्यंत कोरडे राहील. मराठवाड्यात पावसाची शक्‍यता आहे.

पश्‍चिम विदर्भ  बुलढाणा जिल्ह्यात कमाल तापमान ३९ अंश सेल्सिअस राहील. अकोला, वाशीम व अमरावती जिल्ह्यांत कमाल तापमान ४० अंश सेल्सिअस राहील. बुलढाणा व अकोला जिल्ह्यांत किमान तापमान २६ अंश सेल्सिअस राहील. अमरावती व वाशीम जिल्ह्यात किमान तापमान २७ ते २८ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ४५ ते ५५ टक्के राहील. तर दुपारची सापेक्ष आर्द्रता २० ते ३५ टक्के राहील. वाऱ्याचा ताशी वेग ६ ते ८ किलोमीटर राहील. बुलढाणा व अमरावती जिल्ह्यांत वाऱ्याची दिशा वायव्येकडून तर अकोला व वाशीम मध्ये नैर्ऋत्येकडून राहील. पावसाची शक्‍यता आहे.

 मध्य विदर्भ  यवतमाळ जिल्ह्यात कमाल तापमान ४० अंश सेल्सिअस राहील; तर वर्धा व नागपूर जिल्ह्यांत ते ४१ अंश सेल्सिअस राहील. यवतमाळ जिल्ह्यात किमान तापमान २९ अंश सेल्सिअस राहील, तर वर्धा व नागपूर जिल्ह्यांत ते २८ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ४५ ते ६० टक्के राहील. तर दुपारची सापेक्ष आर्द्रता ३० ते ४८ टक्के राहील. वाऱ्याचा ताशी वेग ७ ते ८ किलोमीटर राहील. वाऱ्याची दिशा नैर्ऋत्येकडून राहील. पावसाची शक्‍यता आहे.

पूर्व विदर्भ गडचिरोली व चंद्रपूर जिल्ह्यांत कमाल तापमान ४२ ते ४३ अंश सेल्सिअस राहील तर भंडारा व गोंदिया जिल्ह्यांत कमाल तापमान ४० ते ४१ अंश सेल्सिअस राहील. चंद्रपूर जिल्ह्यात किमान तापमान २९ अंश सेल्सिअस राहील. गडचिरोली, भंडारा व गोंदिया जिल्ह्यांत किमान तापमान २७ ते २८ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ४५ ते ५८ टक्के राहील. दुपारची सापेक्ष आर्द्रता चंद्रपूर व भंडारा जिल्ह्यांत २० ते २६ टक्के राहील तर गोंदिया जिल्ह्यात व गडचिरोली जिल्ह्यांत ३० ते ४० टक्के राहील. वाऱ्याचा ताशी वेग ७ ते ८ किलोमीटर राहील. भंडारा जिल्ह्यात वाऱ्याची दिशा अग्नेयेकडून तर उर्वरित जिल्ह्यात नैर्ऋत्येकडून राहील. पावसाची शक्‍यता आहे.

दक्षिण- पश्‍चिम महाराष्ट्र सांगली जिल्ह्यात कमाल तापमान ३२ अंश सेल्सिअस राहील. तर कोल्हापूर व सातारा जिल्ह्यांत कमाल तापमान ३८ ते ३९ अंश सेल्सिअस राहील. सोलापूर, पुणे व नगर जिल्ह्यांत कमाल तापमान ४० ते ४२ अंश सेल्सिअस राहील. सोलापूर जिल्ह्यात किमान तापमान ३८ अंश सेल्सिअस राहील. सातारा जिल्ह्यात २५ अंश सेल्सिअस राहील. तसेच कोल्हापूर, पुणे व नगर जिल्ह्यांत किमान तापमान २४ अंश सेल्सिअस राहील. तर सांगली जिल्ह्यात ते २२ अंश सेल्सिअस राहील. आकाश अंशतः ढगाळ राहील. कोल्हापूर जिल्ह्यात  सकाळची सापेक्ष आर्द्रता ७५ टक्के राहील. तर नगर जिल्ह्यात ४३ टक्के राहील. सांगली, सातारा, सोलापूर व पुणे जिल्ह्यांत सकाळची सापेक्ष आर्द्रता ५१ ते ५३ टक्के राहील. कोल्हापूर जिल्ह्यात दुपारची सापेक्ष आर्द्रता २४ टक्के राहील. उर्वरित जिल्ह्यात दुपारची सापेक्ष आर्द्रता १७ ते १९ टक्के राहील. सांगली व सोलापूर जिल्ह्यांत वाऱ्याचा ताशी वेग १२ ते १३ किलोमीटर राहील. तर उर्वरित जिल्ह्यात वाऱ्याचा ताशी वेग ६ ते ११ किलोमीटर राहील. वाऱ्याची दिशा पुणे व नगर जिल्ह्यांत वायव्येकडून राहील, तर उर्वरित जिल्ह्यात ती नैर्ऋत्येकडून राहील. सोलापूर, नगर व पुणे जिल्ह्यात अल्पशा पावसाची शक्‍यता आहे.

कृषी सल्ला

  • जमिनीची पूर्वमशागत करावी. बांधबंदिस्तीची कामे, उतारास आडवी नांगरट व कुळवाची पाळी द्यावी.
  • आले, हळद लागवडीचे नियोजन करावे. हळदीत मिरचीचे आणि आल्यात पपईचे आंतरपीक घ्यावे.
  • फळबागा व फळ भाज्यांना ठिबक सिंचनने पाणी द्यावे. फळबागेत आच्छादनांचा वापर करावा.
  • कोरडवाहू भागात पावसाचे पाणी मुरावे म्हणून मोठे वाफे तयार करावेत.
  • - डॉ.रामचंद्र साबळे

    (ज्येष्ठ कृषी हवामान तज्ज्ञ, सदस्य संशोधन परिषद वसंतराव नाईक मराठवाडा कृषी विद्यापीठ, परभणी)

    Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com