अवकाळी पावसाची शक्‍यता; तापमानात वाढ होईल

म हाराष्ट्रावर १०१० हेप्टापास्कल इतका हवेचा दाब राहील. त्यामुळे कमाल व किमान तापमानात वाढ होईल. यापुढील काळात तापमान वाढल्यामुळे उष्णता जाणवेल. बाष्पीभवनाचा वेग वाढेल. वाऱ्याची दिशा पूर्वेकडे राहील. मात्र, ३१ मार्च रोजी महाराष्ट्रात कमाल व किमान तापमानात वाढ होऊन तीव्र उन्हाळा जाणवेल. त्या वेळी हवेचा दाब १००८ हेप्टापास्कल इतके कमी होतील.  १ एप्रिल रोजी हवेचा दाब कमी झाल्याने अवकाळी व अवेळी पावसासाठी वातावरण तयार होईल.  वाऱ्याची दिशा दक्षिणेकडून उत्तरेकडे राहील. या संपूर्ण काळात हवामानात अस्थिरता येईल. अवकाळी, अवेळी वादळी वारे व पाऊस होण्याची शक्‍यता आहे. दिनांक ३१ मार्च, १ एप्रिल तसेच दिनांक ४ व ५ एप्रिल रोजी मध्य महाराष्ट्रात मराठवाड्यात, उत्तर महाराष्ट्रात आणि विदर्भाचे काही भागांत पाऊस होईल. दिनांक ७ एप्रिल रोजी महाराष्ट्राच्या पूर्वभागात पावसाची शक्‍यता आहे. कोकण ठाणे जिल्ह्यात कमाल तापमान ३७ ते ३८ अंश सेल्सिअस राहील. रत्नागिरी जिल्ह्यात कमाल तापमान ३३ अंश सेल्सिअस राहील, तर सिंधुदुर्ग व रायगड जिल्ह्यांत कमाल तापमान ३१ ते ३२ अंश सेल्सिअस राहील. रत्नागिरी जिल्ह्यात किमान तापमान २३ अंश सेल्सिअस तर रायगड जिल्ह्यात २२ अंश सेल्सिअस राहील. सिंधुदुर्ग व ठाणे जिल्ह्यांत किमान तापमान २० अंश सेल्सिअस राहील. ठाणे जिल्ह्यात आकाश अंशतः ढगाळ राहील, ठाणे जिल्ह्यात सकाळची सापेक्ष आर्द्रता ५२ टक्के राहील. रायगड व रत्नागिरी जिल्ह्यांत सकाळची सापेक्ष आर्द्रता ७२ ते ७७ टक्के राहील, तर सिंधुदुर्ग जिल्ह्यात ८० टक्के राहील.   उत्तर महाराष्ट्र  नाशिक जिल्ह्यात कमाल तापमान ३९ अंश सेल्सिअस राहील. धुळे, नंदूरबार व जळगाव जिल्ह्यांत ४२ ते ४२ अंश सेल्सिअस राहील. जळगाव जिल्ह्यात किमान तापमान २३ अंश सेल्सिअस राहील. नाशिक जिल्ह्यात किमान तापमान २१ अंश सेल्सिअस राहील. धुळे व नंदूरबार जिल्ह्यांत किमान तापमान २२ अंश सेल्सिअस राहील. आकाश अंशतः ढगाळ राहील. या आठवड्यात अल्पशा पावसाची शक्‍यता आहे. धुळे, नंदूरबार व जळगाव जिल्ह्यांत सकाळची सापेक्ष आर्द्रता २० ते २९ टक्के तर नाशिक जिल्ह्यात ३३ टक्के इतकी कमी राहील. दुपारची सापेक्ष आर्द्रता या सर्वच जिल्ह्यांत ७ ते १० टक्के इतकी कमी राहील. मराठवाडा  हिंगोली जिल्ह्यात कमाल तापमान ४३ अंश सेल्सिअसपर्यंत वाढेल तर बीड व परभणी जिल्ह्यांत ते ४२ अंश सेल्सिअसपर्यंत वाढेल. उर्वरित सर्वच जिल्ह्यांत कमाल तापमान ४१ अंश सेल्सिअसपर्यंत राहील. आकाश अंशतः ढगाळ राहील. पावसाची शक्‍यता राहील. बीड व परभणी जिल्ह्यांत सकाळची सापेक्ष आर्द्रता १५ टक्के राहील. जालना व हिंगोली जिल्ह्यांत १६ ते १७ टक्के इतकी कमी राहील. उस्मानाबाद व लातूर जिल्ह्यांत सकाळची सापेक्ष आर्द्रता १८ ते १९ टक्के राहील, तर औरंगाबाद जिल्ह्यात २० टक्के राहील. दुपारची सापेक्ष आर्द्रता सर्वच जिल्ह्यांत ७ ते ११ टक्के राहील. दक्षिण-पश्‍चिम महाराष्ट्र सोलापूर व नगर जिल्ह्यांत कमाल तापमान ४१ अंश सेल्सिअस राहील. पुणे जिल्ह्यात ३७ अंश सेल्सिअस आणि सांगली व सातारा जिल्ह्यांत ३८ अंश सेल्सिअस राहील. कोल्हापूर जिल्ह्यात कमाल तापमान ३२ अंश सेल्सिअस राहील. कोल्हापूर व सोलापूर जिल्ह्यांत किमान तापमान २३ अंश सेल्सिअस राहील. सांगली व नगर जिल्ह्यांत २० अंश सेल्सिअस तर सातारा व पुणे जिल्ह्यांत १७ ते १८ अंश सेल्सिअस राहील. सांगली, सोलापूर व नगर जिल्ह्यांत आकाश अंशतः ढगाळ राहील. या जिल्ह्यांत पावसाची शक्‍यता आहे. कोल्हापूर जिल्ह्यात सकाळची सापेक्ष आर्द्रता ७६ टक्के राहील. सातारा जिल्ह्यात ६३ टक्के तर सांगली व पुणे जिल्ह्यांत ४३ ते ४६ टक्के राहील. तसेच सोलापूर व नगर जिल्ह्यांत २७ टक्के राहील. सातारा व कोल्हापूर जिल्ह्यांत दुपारची सापेक्ष आर्द्रता २० ते २५ टक्के राहील तर उर्वरित सर्वच जिल्ह्यांत ८ ते १६ टक्के इतकी कमी राहील. हवामान कोरडे राहील. पश्‍चिम विदर्भ बुलडाणा व अमरावती जिल्ह्यांत कमाल तापमान ४० अंश सेल्सिअस राहील, तर अकोला व नाशिक जिल्ह्यांत कमाल तापमान ४२ ते ४३ अंश सेल्सिअस राहील. बुलडाणा व अमरावती जिल्ह्यांत किमान तापमान २२ अंश सेल्सिअस राहील तर अकोला व वाशीम जिल्ह्यांत ते २४ अंश सेल्सिअस राहील. आकाश निरभ्र राहील. सकाळची सापेक्ष आर्द्रता ११ ते १५ टक्के राहील, तर दुपारची सापेक्ष आर्द्रता ७ ते ८ टक्के इतकी कमी राहील.  मध्य विदर्भ नागपूर जिल्ह्यात कमाल तापमान ४० अंश सेल्सिअस राहील, तर यवतमाळ व वर्धा जिल्ह्यांत ४२ अंश सेल्सिअस राहील. नागपूर जिल्ह्यात किमान तापमान २३ अंश सेल्सिअस राहील तर यवतमाळ व वर्धा जिल्ह्यांत २५ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता १७ ते २६ टक्के राहील तर दुपारची सापेक्ष आर्द्रता ७ ते ८ टक्के इतकी कमी राहील. हवामान अत्यंत कोरडे राहील. पूर्व विदर्भ  चंद्रपूर व भंडारा जिल्ह्यांत कमाल तापमान ३९ अंश सेल्सिअस राहील. गडचिरोली व गोंदिया जिल्ह्यांत ते ३६ ते ३८ अंश सेल्सिअस राहील. चंद्रपूर व गडचिरोली जिल्ह्यांत किमान तापमान २४ अंश सेल्सिअस राहील. भंडारा व गोंदिया जिल्ह्यांत किमान तापमान २१ ते २२ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता भंडारा व गोंदिया जिल्ह्यांत ३० ते ३४ अंश टक्के राहील तर चंद्रपूर व गडचिरोली जिल्ह्यांत ४१ ते ५० टक्के राहील.

(ज्येष्ठ कृषी हवामान तज्ज्ञ सदस्य संशोधन परिषद वसंतराव नाईक मराठवाडा कृषी विद्यापीठ, परभणी.)