agricultural stories in Marathi,market trends in NCDEX,MCX | Agrowon

मका, हळद, हरभरा किमतीत वाढ

डॉ. अरुण प्र. कुलकर्णी
शुक्रवार, 14 जून 2019

मक्याच्या बाजारातील स्पॉट किमती सध्या हमी भावापेक्षा अधिक आहेत. हळदीच्या फ्युचर्स किमती सध्याच्या स्पॉट किमतींच्या तुलनेने ९.४ टक्क्यांनी अधिक आहेत. कापसाच्या गेल्या वर्षीपेक्षा या वर्षी कापसाचे उत्पादन कमी आहे. परंतु, आंतरराष्ट्रीय घटनांचा परिणाम किमतींवर होत आहे.   

मक्याच्या बाजारातील स्पॉट किमती सध्या हमी भावापेक्षा अधिक आहेत. हळदीच्या फ्युचर्स किमती सध्याच्या स्पॉट किमतींच्या तुलनेने ९.४ टक्क्यांनी अधिक आहेत. कापसाच्या गेल्या वर्षीपेक्षा या वर्षी कापसाचे उत्पादन कमी आहे. परंतु, आंतरराष्ट्रीय घटनांचा परिणाम किमतींवर होत आहे.   

यंदा मॉन्सून उशिरा येत आहे. ११ जून पर्यंत झालेला पाऊस हा सरासरीपेक्षा ४६ टक्क्यांनी कमी आहे. मात्र, आता केरळमध्ये मॉन्सून आलेला आहे, त्याची पुढील प्रगती अजून तरी समाधानकारक आहे. या वर्षी सर्व साधारण पाऊस पडेल असा वेधशाळेचा अंदाज आहे. जागतिक पातळीवर अमेरिका व चीन यांचे व्यापारी युद्ध सुरू आहे. त्याचा परिणाम भारतावर तर होणार आहेच; पण तो आंतरराष्ट्रीय व्यापारावर होणार असल्याने जागतिक मंदीसदृश परिस्थिती निर्माण होण्याची शक्यता वर्तवली जात आहे. शेतकऱ्यांनी पुढील वर्षाचे हमीभाव लक्षात घेऊन फ्युचर्समध्ये हेजिंग करण्याचे निर्णय घेणे कदाचित योग्य ठरावे. या संबंधी पुढे आपण चर्चा करणार आहोत.
या सप्ताहात सर्व पिकांचे भाव घसरले. (आलेख १).  पुढील काही महिन्यांत सोयाबीन व कापूस वगळता इतर सर्व पिकांचे भाव वाढतील (आलेख २). पुढील वर्षासाठी खरीप पिकांचे हमीभाव येत्या काळात जाहीर होण्याची शक्यता आहे. गेल्या सप्ताहातील एनसीडीइएक्स आणि एमसीएक्समधील किमतीतील चढउतार खालीलप्रमाणे होते.

मका (रब्बी)
रब्बी मक्याच्या (जुलै २०१९) किमती मे महिन्यात २३ तारखेपर्यंत वाढत रु. १,९९४ पर्यंत गेल्या. नंतर त्या घसरू लागल्या. या सप्ताहात त्या ४.१ टक्क्यांनी घसरून रु. १,८१० वर आल्या आहेत. स्पॉट किमती (गुलाबबाग) रु. १,७३० वर आल्या आहेत. हमी भाव रु. १,७०० आहे. (गेल्या वर्षी तो रु. १,४२५ होता). बाजारातील स्पॉट किमती सध्या हमीभावापेक्षा अधिक आहेत. सप्टेंबर डिलिवरीचे भाव रु. १,८६२ आहेत.

साखर  
मेमध्ये व्यवहार नसल्याने साखरेच्या (जुलै २०१९) किमती रु. ३,११९ वर स्थिर होत्या. स्पॉट (कोल्हापूर) किमती रु. ३,१६४ वर आलेल्या आहेत. भारतातील उत्पादन या वर्षी व पुढील वर्षीसुद्धा वाढण्याचा अंदाज आहे.

सोयाबीन
सोयाबीन फ्युचर्स (जुलै २०१९) किमती  १५ मे पर्यंत वाढत रु. ३,८२५ पर्यंत गेल्या. नंतर त्या घसरत आहेत. या सप्ताहात त्या रु. ३,६४० वर आल्या आहेत. स्पॉट (इंदूर) किमती १.२ टक्क्यांनी घसरून रु. ३,७६३ वर आल्या आहेत. ११ जून रोजी ऑगस्ट, सप्टेंबर, ऑक्टोबर, नोव्हेंबर, डिसेंबर व जानेवारी डिलिवरीसाठी अनुक्रमे रु. ३,६५९, ३,६७८, ३,४८५, ३,५२५, ३,५३५ व ३,५२५ भाव होते.  

हळद
हळदीच्या फ्युचर्स (जुलै २०१९) किमती मे महिन्यात वाढत २१ तारखेपर्यंत रु. ७,३७२ पर्यंत गेल्या होत्या. नंतर त्या घसरल्या. या सप्ताहात त्या ३.६ टक्क्यांनी घसरून रु. ६,७०६ वर आल्या आहेत. स्पॉट (निझामाबाद) किमती रु. ६,५६३ वर  आल्या आहेत.  सप्टेंबर २०१९ च्या फ्युचर्स किमती सध्याच्या स्पॉट किमतींच्या तुलनेने ९.४ टक्क्यांनी अधिक आहेत  (रु. ७,१७८).  या वर्षी उत्पादन वाढलेले असेल.

गवार बी  
गवार बीच्या फ्युचर्स (जुलै २०१९) किमती मे महिन्यात घसरत होत्या (रु. ४,५६८ ते रु. ४,३३०). या सप्ताहात त्या २.२ टक्क्यांनी घसरून रु. ४,२१० वर आल्या आहेत. स्पॉट (जोधपूर) किमती  रु. ४,३०० वर आल्या आहेत. सध्याच्या स्पॉट (जोधपूर) किमतींपेक्षा सप्टेंबर २०१९ मधील फ्युचर्स किमती १.२ टक्क्यांनी अधिक आहेत (रु. ४,३५२).  

हरभरा  
हरभऱ्याच्या फ्युचर्स (जुलै २०१९) किमती २० मे पर्यंत वाढत रु. ४,७९३ पर्यंत गेल्या. नंतर त्या घसरल्या. या सप्ताहात त्या ३.२ टक्क्यांनी घसरून रु. ४,४२१ वर आल्या आहेत. स्पॉट (बिकानेर) किमती रु. ४,३४८ वर आल्या  आहेत. सध्याच्या स्पॉट (बिकानेर) किमतींपेक्षा सप्टेंबर २०१९ मधील फ्युचर्स किमती २.९ टक्क्यांनी अधिक आहेत (रु. ४,४७६).  शासनाकडे पुरेसा साठा आहे. आवक वाढू लागली आहे. नवीन हमी भाव रु. ४,६२० आहे. (गेल्या वर्षी तो रु. ४,४०० होता).

कापूस
एमसीएक्समधील कापसाच्या फ्युचर्स (जुलै २०१९) किमती १३ मे पर्यंत घसरत होत्या. नंतर त्या वाढत आहेत. या सप्ताहात त्या ३.६ टक्क्यांनी घसरून रु. २१,३२० वर आल्या आहेत. स्पॉट (राजकोट) किमती रु. २१,८७२ वर आल्या आहेत. ऑक्टोबर २०१९ च्या फ्युचर्स किमती रु. २०,७२० वर आल्या आहेत. त्या सध्याच्या स्पॉट किमतींपेक्षा ५.३ टक्क्यांनी कमी आहेत. गेल्या वर्षीपेक्षा या वर्षी कापसाचे उत्पादन कमी आहे.  पण आंतरराष्ट्रीय घटनांचा परिणाम किमतींवर होत आहे.

(टीप ः सर्व किमती प्रती क्विंटल; कापसाची किंमत प्रती १७० किलोची गाठी.)

ईमेल -  arun.cqr@gmail.com


इतर ताज्या घडामोडी
रत्नागिरी जिल्ह्यातील नद्यांना पूर,...रत्नागिरी : सलग दुसऱ्या दिवशीही पावसाने...
पंढरपुरात ७ ते १३ ऑगस्ट दरम्यान...सोलापूर  : कोरोना विषाणूची साखळी तोडण्यासाठी...
फळपीक विमा निकषात बदलाची गरज :...अमरावती : जिल्ह्यामध्ये संत्रा फळपीक मोठ्या...
सातारा जिल्ह्यात दमदार पाऊस सातारा : जिल्ह्यात मंगळवारी दमदार पाऊस झाल्याने...
कोयना धरण परिसरात मुसळधार पाऊस सातारा : कोयना धरण क्षेत्रात मंगळवारी मुसळधार...
कोल्हापूर बाजार समितीवर अखेर प्रशासक कोल्हापूर : नोकर भरती वरून वादग्रस्त ठरलेल्या...
मराठवाड्यात खरीप ज्वारीची ३७ टक्के पेरणीऔरंगाबाद : मराठवाड्यातील आठही जिल्ह्यात...
शाश्वत शेती उत्पादनासाठी मातीतील जिवाणू...स्थानिक झाडे झुडुपांच्या मुळाच्या परिसरातील...
भुसावळमध्ये १५ हजार हेक्टरवर कपाशीभुसावळ, जि.जळगाव  : गतवर्षी अतिवृष्टीमुळे...
पुणे जिल्ह्यात जोरदार श्रावण सरी पुणे ः दोन ते तीन दिवसांपासून पुणे जिल्ह्याच्या...
नांदेड जिल्ह्यात दोन लाख शेतकरी...नांदेड : जिल्ह्यातील बॅंका जुन्या कर्जदार...
खानदेशात खतांची मागणी घटली जळगाव : खानदेशात मागील आठवड्यात खत टंचाईची तक्रार...
सोयाबीनवरील किडीप्रश्‍नी योग्य वेळी...परभणी : ‘‘सोयाबीन हे कपाशी एवढेच राज्यातील...
नियमांचे पालन करुन गणेशोत्सव साजरा करा...नाशिक : ‘‘आगामी काळातील गणेशोत्सव साजरा करताना...
कोल्हापुरात दमदार पावसामुळे नद्यांनी...कोल्हापूर ः जिल्ह्यात बुधवारी (ता. ५) पावसाचा जोर...
सोलापूर जिल्ह्यात पीककर्जातून ९८४...सोलापूर  ः जिल्ह्यासाठी यंदाच्या खरीप...
येऊलखेड शिवारात शेकडो एकरांतील पीक...बुलडाणा ः जिल्ह्यात शेगाव तालुक्यात सोयाबीनचे पीक...
युरियाच्या मुद्यावरून अकोला जिल्हा...अकोला ः जिल्ह्यात युरियाची ग्रामीण भागात तीव्र...
उसामध्ये पोक्का बोईंग, शेंडाकूज रोगाचा...सध्या पश्चिम महाराष्ट्र आणि मराठवाडा विभागात...
नाशिकमध्ये वांगी प्रतिक्विंटल १००० ते...नाशिक : येथील कृषी उत्पन्न बाजार समितीमध्ये...