हवेली तालुक्यातील काही ग्रामपंचायतींचा परिसर सील

पुणे : कोरोना विषाणूच्या पार्श्वभूमीवर जिल्ह्यात आरोग्य विषयक आपत्कालीन परिस्थिती निर्माण झालेली आहे. कोरोना विषाणूची लागण झाल्यामुळे जिल्ह्यात पॉझिटिव्ह रुग्णांची संख्या दिवसेंदिवस वाढत असल्याने खबरदारीचा उपाय म्हणून हवेली तालुक्यातील काही ग्रामपंचायतींचा परिसर शुक्रवारी (ता.१७) मध्यरात्रीपासून पुढील आदेश येईपर्यंत सील करण्यात आला आहे, अशी माहिती उपविभागीय अधिकारी तथा इंन्सिडंट कमांडर सचिन बारवकर यांनी आदेशान्वये दिली आहे.
संग्रहित छायाचित्र
संग्रहित छायाचित्र

पुणे : कोरोना विषाणूच्या पार्श्वभूमीवर जिल्ह्यात आरोग्य विषयक आपत्कालीन परिस्थिती निर्माण झालेली आहे. कोरोना विषाणूची लागण झाल्यामुळे जिल्ह्यात पॉझिटिव्ह रुग्णांची संख्या दिवसेंदिवस वाढत असल्याने खबरदारीचा उपाय म्हणून हवेली तालुक्यातील काही ग्रामपंचायतींचा परिसर शुक्रवारी (ता.१७) मध्यरात्रीपासून पुढील आदेश येईपर्यंत सील करण्यात आला आहे, अशी माहिती उपविभागीय अधिकारी तथा इंन्सिडंट कमांडर सचिन बारवकर यांनी आदेशान्वये दिली आहे.  

साथरोग प्रतिबंध अधिनियम १८९७ मधील तरतुदी व तहसीलदार हवेली यांच्या अहवालानुसार हवेली तालुक्यातील वाघोली, आव्हाळवाडी, बावडी, केसनंद, नांदेड, खडकवासला, किरकटवाडी, सोनापूर, मालखेड, वरदाडे, जांभूळवाडी आणि कोळेवाडी या ग्रामपंचायतींचा परिसर कोरोना विषाणू प्रतिबंधात्मक उपाययोजनेचा भाग म्हणून सील करण्यात आला आहे. या परिसरातील संबंधित पोलीस स्टेशन प्रमुखांनी परिसर सील करण्याचे आदेशात नमूद करण्यात आले आहे.

सील करण्यात आलेल्या भागात नागरिकांना प्रवेशबंदी व त्याभागातून बाहेर जाण्यास बंदी घालण्यात आली आहे. तसेच अत्यावश्यक कामांकरिता घराबाहेर पडताना प्रत्येकाने तोंडाला मास्क लावणे बंधनकारक करण्यात आले आहे. तथापि सील करण्यात आलेल्या भागात लावण्यात आलेल्या निर्बंधातून कृषी उत्पन्न बाजारसमितीमधील व्यवहार व तेथील मालाची आवक-जावक, जीवनावश्यक वस्तूंचा पुरवठा करणाऱ्या व्यक्ती, कोरोना विषाणू प्रतिबंधात्मक उपाययोजनांच्या अनुषंगाने काम करणारे अधिकारी, कर्मचारी व त्यांच्या वाहनांना या आदेशातून वगळण्यात आले आहे.

तसेच येत्या काळात रुग्णांची संख्या लक्षात घेता इतर भागात देखील या प्रकारचे निर्बंध लागू करण्यात येतील. त्यामुळे नागरिकांनी किमान सात दिवस पुरेल इतक्या जीवनावश्यक वस्तूंची गर्दी न करता खरेदी करावी, अशी माहिती श्री. बारवकर यांनी दिली आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com