Agriculture Agricultural News Babanrao pachpute demand to release water rotation Nagar Maharashtra | Agrowon

`कुकडी'च्या आवर्तनासाठी रस्त्यावर उतरू : बबनराव पाचपुते

टीम अॅग्रोवन
शनिवार, 23 मे 2020

श्रीगोंदे, जि. नगर  : ‘कुकडी' लाभक्षेत्रातील श्रीगोंद्यासह शेवटच्या भागात उशीरा पाऊस पडतो. ही बाब लक्षात घेऊन तालुक्‍यातील पाणीटंचाई दूर करण्यासाठी ‘कुकडी'च्या डाव्या कालव्यातून उन्हाळी हंगामाचे आवर्तन तातडीने सोडावे. ‘कोरोना’च्या संकटामुळे शांत बसावे लागत आहे, म्हणून आम्ही अन्याय सहन करू शकत नाही. आमच्यावर पाण्याबाबत पुन्हा अन्याय झाल्यास रस्त्यावर उतरावे लागेल, असा इशारा आमदार बबनराव पाचपुते यांनी दिला आहे.

श्रीगोंदे, जि. नगर  : ‘कुकडी' लाभक्षेत्रातील श्रीगोंद्यासह शेवटच्या भागात उशीरा पाऊस पडतो. ही बाब लक्षात घेऊन तालुक्‍यातील पाणीटंचाई दूर करण्यासाठी ‘कुकडी'च्या डाव्या कालव्यातून उन्हाळी हंगामाचे आवर्तन तातडीने सोडावे. ‘कोरोना’च्या संकटामुळे शांत बसावे लागत आहे, म्हणून आम्ही अन्याय सहन करू शकत नाही. आमच्यावर पाण्याबाबत पुन्हा अन्याय झाल्यास रस्त्यावर उतरावे लागेल, असा इशारा आमदार बबनराव पाचपुते यांनी दिला आहे.

‘कुकडी'च्या उन्हाळी आवर्तनाबाबत श्री. पाचपुते यांनी जलसंपदामंत्री जयंत पाटील यांना पत्र पाठवून शासनाचे लक्ष वेधले आहे. त्यात पाचपुते यांनी म्हटले आहे, की उन्हाळी हंगामासाठी येडगाव धरणात पुरेसा पाणीसाठा होण्यासाठी डिंभे डावा कालवा सुरू ठेवणे आवश्‍यक आहे. माणिकडोह धरणातून नदीद्वारे फीडिंग सुरू करावे. घोड, कुकडी नदीवरील बंधाऱ्याच्या आवर्तनासाठी एक महिना पुरेल, म्हणजे २५ टक्के पाणीपुरवठा करण्याचा निर्णय घ्यावा. धरण क्षेत्रात एक जूनला पाऊस सुरू होतो, हे गृहित धरून माणिकडोह धरणातील अर्धा टीएमसी, पिंपळगाव धरणाचे अडीच टीएमसी व डिंभे धरणातून डाव्या कालव्याद्वारे सतत पाणी सोडण्याचा आदेश दिला, तर हे आवर्तन होईल.
तातडीने आवर्तन सुरू झाल्यास पिण्याच्या पाण्याचे आरक्षण असलेल्या ‘कुकडी' डाव्या कालव्यावरील सर्व उद्‌भवांना पाणी उपलब्ध होऊ शकेल.

पिंपळगाव जोगे कालवा त्यासाठी त्वरित सुरू करावा. उन्हाळी आवर्तन अत्यंत गरजेचे असून, ‘कुकडी' डाव्या कालव्यावरील शेतकऱ्यांनी आतापर्यंत जगविलेली पिके धोक्‍यात येण्याची शक्‍यता आहे. ही बाब लक्षात घेऊन शेतकऱ्यांना या संकटात शासनाने मदतीचा हात देऊन तातडीने आवर्तन सोडावे; अन्यथा आम्हाला रस्त्यावर उतरावे लागेल, असा इशारा श्री.पाचपुते यांनी दिला आहे.


इतर ताज्या घडामोडी
शैक्षणिक वर्ष जूनपासूनच : मुख्यमंत्री...मुंबई : ‘‘शिक्षण हे जीवनावश्यक आहे ते...
राज्यात नवे २४८७ रुग्ण; सध्या ३४,४८०...मुंबई : राज्यात आज दिवसभरात २४८७ नवीन रुग्णांचे...
परवानगी नसलेल्या एचटीबीटी बियाण्यांचा...अमरावती ः घरपोच बियाणे वाटपाच्या माध्यमातून...
लोकांना पूर धोक्‍याची जाणीव करुन द्या ः...भंडारा ः वैनगंगा नदी तसेच इतर नदीकाठावरील खोलगट...
गोंधळी शिवारात ६२ हजारांचा एचटीबीटी...यवतमाळ ः कृषी विभागाच्या पथकाने अमरावती, यवतमाळ...
प्रतिबंधित क्षेत्राबाहेरील यंत्रमाग...मालेगाव, जि. नाशिक : ‘‘लॉकडाऊनमुळे यंत्रमागाची...
टोळधाड प्रादुर्भावग्रस्त क्षेत्राला...भंडारा ः भंडारा जिल्ह्यातील टोळधाड...
शेतकऱ्यांनी डिजिटल व्यासपीठाचा वापर...पुणे ः कोरोनामुळे शेतीक्षेत्राचे चित्र बदलणार आहे...
नांदेड जिल्ह्यात पाच हजारावर...नांदेड : किमान आधारभूत किंमत खरेदी योजनेअंतर्गंत...
विदर्भ राज्य आंदोलन समितीचे ७ जूनला...अकोला ः कोरोनामुळे उद्योगधंदे, व्यापार, शेती,...
‘कुकडी’चे उन्हाळी आवर्तन सहा जूनला...नगर : ‘कुकडी’च्या उन्हाळी आवर्तनासाठी पुणे येथे...
नगर अर्बन बॅंकेला चाळीस लाखांचा दंडनगर : नगर अर्बन को-ऑपरेटिव्ह बॅंकेला रिझर्व्ह...
नांदेडमधील कापूस संशोधन केंद्रात...नांदेड : वसंतराव नाईक मराठवाडा कृषी...
‘सोयाबीन लागवड तंत्रज्ञान व प्रक्रिये’...परभणी : वसंतराव नाईक मराठवाडा कृषी विद्यापीठातील...
दोन वाहनांतील कापूस घेण्याचे आदेश द्या...परभणी : भारतीय कापूस महामंडळाच्या (सीसीआय) मानवत...
दुग्ध व्यवसायाने घराला आधारशेतीपूरक व्यवसायामध्ये दुग्ध व्यवसाय पूर्वीपासूनच...
पंतप्रधान मोदी यांच्याकडून संशोधक...नाशिक : जिल्ह्यातील वऱ्हाणे (ता.बागलाण) येथील...
ग्रामविकास विभागामार्फत मोफत आर्सेनिक...कोल्हापूर  : नागरिकांची रोगप्रतिकारक शक्ती...
कापसाच्या वाती करून शासनाची आरती...अमरावती  ः पूर्व विदर्भातील पांढऱ्या...
एचटीबीटीबाबत केंद्र सरकारकडे पाठपुरावा...नागपूर  ः एचटीबीटीचा विषय केंद्र सरकारच्या...