मुंबई बाजार समितीच्या सभापतिपदाची ३१ ला निवडणूक  

मुंबई : मुंबई कृषी उत्पन्न बाजार समितीच्या सभापतींची निवडणूक ‘कोरोना’मुळे लांबणीवर पडली होती. येत्या सोमवारी (ता.३१) ही निवडणूक होणार आहे. उपमुख्यमंत्री अजित पवार यांच्या निर्देशाने सभापती निश्चित होणार आहे.
संग्रहित छायाचित्र
संग्रहित छायाचित्र

मुंबई  : मुंबई कृषी उत्पन्न बाजार समितीच्या सभापतींची निवडणूक ‘कोरोना’मुळे लांबणीवर पडली होती. येत्या सोमवारी (ता.३१) ही निवडणूक होणार आहे. उपमुख्यमंत्री अजित पवार यांच्या निर्देशाने सभापती निश्चित होणार आहे. या निवडणुकीची सूत्रे आमदार आणि संचालक शशिकांत शिंदे यांच्याकडे देण्यात आली आहेत. बाजार समितीच्या निवडणुकीत महाविकास आघाडीचा एकतर्फी विजय झाला होता. या निवडणुका फेब्रुवारी महिन्यात घेण्यात आल्या होत्या. सभापती पदासाठी तीन संचालक इच्छुक असल्याचे सांगितले जाते. यात पुणे विभागातून निवडून आलेले माजी सभापती बाळासाहेब सोळस्कर यांचे नाव आघाडीवर आहे. नागपूर विभागातील संचालकदेखील सभापतिपदासाठी प्रयत्नशील आहेत. त्यामुळे सभापतिपदाची माळ कोणाच्या गळ्यात पडणार हे पाहणे महत्त्वाचे ठरणार आहे. तसेच मुंबई बाजार समितीमध्ये रबरी शिक्का असलेला सभापती निवडण्याची परंपरा याहीवेळी अबाधित राहणार का याबद्दलही उत्सुकता कायम आहे. 

मुंबई कृषी उत्पन्न बाजार समितीच्या निवडणुकीत महाविकास आघाडीने आपले वर्चस्व राखले आहे. यात १८ पैकी १६ संचालक राष्ट्रवादीचे आहेत. भाजपने आपली प्रतिष्ठा पणाला लावूनही त्यांना एकही जागा जिंकता आलेली नाही. राज्यातील महाविकास आघाडीचा प्रयोग ‘एपीएमसी’मध्येही यशस्वी झालेला आहे. या निवडणुकीत राष्ट्रवादी, काँग्रेस, शिवसेना आणि शेकाप यांनी आपले पॅनल बनवले होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com