Agriculture Agricultural News The future of five Zilla Parishad elections will be on Monday akola maharashtra | Page 2 ||| Agrowon

पाच जिल्हा परिषद निवडणुकांचे भवितव्य ठरणार सोमवारी

टीम अॅग्रोवन
शनिवार, 14 डिसेंबर 2019

अकोला  : जिल्हा परिषद व पंचायत समिती सदस्य निवडणुकीसाठी जातीनिहाय आरक्षण मर्यादा ५० टक्क्यांपेक्षा जास्त होत असल्याने सर्वोच्च न्यायालयात याचिका दाखल झाली आहे. या याचिकेवर शुक्रवारी (ता. १३) सुनावणी झाली असून, न्यायालयाने राज्य शासन व निवडणूक विभागाला सोमवारपर्यंत (ता. १६) आरक्षण अधिनियमात बदल करून माहिती सादर करण्यास सांगितले आहे. राज्यात पाच जिल्हा परिषदांच्या निवडणुकीची प्रक्रिया शेवटच्या टप्प्यात असतानाच आरक्षणाची याचिका अद्यापही निकाली न निघाल्याने आता न्यायालयाच्या निर्णयाकडे सर्वांचे लक्ष लागले आहे.

अकोला  : जिल्हा परिषद व पंचायत समिती सदस्य निवडणुकीसाठी जातीनिहाय आरक्षण मर्यादा ५० टक्क्यांपेक्षा जास्त होत असल्याने सर्वोच्च न्यायालयात याचिका दाखल झाली आहे. या याचिकेवर शुक्रवारी (ता. १३) सुनावणी झाली असून, न्यायालयाने राज्य शासन व निवडणूक विभागाला सोमवारपर्यंत (ता. १६) आरक्षण अधिनियमात बदल करून माहिती सादर करण्यास सांगितले आहे. राज्यात पाच जिल्हा परिषदांच्या निवडणुकीची प्रक्रिया शेवटच्या टप्प्यात असतानाच आरक्षणाची याचिका अद्यापही निकाली न निघाल्याने आता न्यायालयाच्या निर्णयाकडे सर्वांचे लक्ष लागले आहे.

राज्यातील अकोला, वाशीम, धुळे, नंदुरबार आणि नागपूर जिल्हा परिषदांसह त्यांच्या अखत्यारीत येणाऱ्या सर्व पंचायत समित्यांच्या निवडणुकीला वर्षभरापूर्वी उच्च न्यायालयाने आरक्षणाच्या मुद्द्यावरून स्थगिती दिली होती. जिल्हा परिषदेत जातीनिहाय आरक्षण ५० टक्क्यांपेक्षा जास्त होत असल्याने भारतीय राज्यघटनेतील आरक्षण तरतुदींचा भंग होत असल्याची याचिका वाशीम जिल्हा परिषदेचे सदस्य विकास गवळी यांनी दाखल केली होती. यावर सर्वोच्च न्यायालयात सुनावणी होऊन जिल्हा परिषदेसह पंचायत समित्यांवर प्रशासकांची नेमणूक करण्यात आली.

यानंतर पहिल्या सुनावणीत सर्वोच्च न्यायालयाने राज्य शासन आणि राज्य निवडणूक आयोगाचे मत जाणून घेतले. त्यानुसार राज्य निवडणूक आयोगाने लोकसंख्येवर आधारित आरक्षण देण्याबाबत सुचविले. सर्वोच्च न्यायालयाच्या न्यायमूर्तींनी त्या वेळी राज्यशासनाला ओबीसींची लोकसंख्या राज्य निवडणूक आयोगाला देण्याबाबत दोन महिन्यांची मुदत दिली. राज्य शासनाने दिलेल्या मुदतीत ओबीसी लोकसंख्येची माहिती दिली नव्हती. त्यामुळे सर्वोच्च न्यायालयाने जुन्याच आरक्षणावर आधारित निवडणुका घेण्याबाबत निवडणूक आयोगाला सूचित केले. त्यानुसार राज्य निवडणूक आयोगाने जिल्हा परिषद निवडणुकीचा कार्यक्रम जाहीर करीत प्रक्रिया राबविणे सुरू केले.

७ जानेवारीला मतदानाची तारीखही जाहीर केली. दुसरीकडे सर्वोच्च न्यायालयात दाखल याचिकेवर सुनावणी सुरू आहे. शुक्रवारी सुनावणी होऊन त्यात भारतीय राज्यघटनेतील आरक्षण तरतुदीप्रमाणे ५० टक्क्यांपेक्षा जादा आरक्षण होणार नाही यासाठी जिल्हा परिषद, पंचायत समिती आरक्षण अधिनियमात बदल करून संपूर्ण माहिती सादर करण्यासाठी न्यायालयाने राज्य शासन व राज्य निवडणूक विभागाला सोमवारपर्यंत मुदत दिल्याचे याचिकाकर्ते श्री. गवळी यांनी सांगितले. आता तीन दिवसांत ही माहिती न दिल्यास न्यायालय काय निर्णय जाहीर करते याकडे सर्वांचे लक्ष लागले आहेत.


इतर बातम्या
शासकीय खरेदीअभावी उत्पादकांची लूटआरेगाव, जि. यवतमाळ  : आज ना उद्या शासन...
यवतमाळमध्ये पन्नास हजार क्विंटल कापूस...यवतमाळ : जिल्ह्यात सुरू करण्यात आलेल्या सीसीआय...
‘द्वारकधीश’कडून पंधरवड्यात ५५ हजार टन...नाशिक : सटाणा तालुक्यातील शेवरे येथील द्वारकाधीश...
`ऊर्जामंत्र्यांवर सदोष मनुष्यवधाचा...नाशिक : जालना जिल्ह्यातील भोकरदन तालुक्यातील ३...
किनवट येथे धानाचे खरेदी केंद्र मंजूरनांदेड : धान खरीप पणन हंगाम २०२० - २१ साठी...
‘इसापूर’चे पहिले आवर्तन शुक्रवारपासूननांदेड : ऊर्ध्व पैनगंगा प्रकल्प इसापूरमधून...
खानदेशात मका, ज्वारीला हमीभाव मिळेना जळगाव : खानदेशात ज्वारी, मक्याची आवक बाजारात सुरू...
परभणी जिल्ह्यात तीस हजार हेक्टर ऊस...परभणी  ः जिल्ह्यात सन २०१९-२० मध्ये लागवड...
मराठवाड्यातील बहुतांश धरणे तुडुंबऔरंगाबाद : यंदा जोरदार पावसामुळे मराठवाड्यातील...
खानदेशात रब्बीच्या पेरणीला वेगजळगाव : खानदेशात कोरडवाहू रब्बी पिकांची पेरणी...
शेतीच्या फायद्यासाठी एकसंघपणे प्रयत्न...जालना : ‘‘कृषी विभागाची विस्तार सेवेची भूमिका...
ओट पिकावरील करपा रोगांसाठी कारणीभूत...ओट पिकामध्ये करपा रोगाच्या प्रादुर्भावानंतर...
प्रखर प्रकाशाचा पक्ष्यांवर होतो विपरीत...चमकत्या प्रखर प्रकाशांचा परिणाम मोठ्या...
महाटीत उपसरपंचपदासाठी साडेदहा लाखांची...नांदेड ः ग्रामपंचायत निवडणुकीपूर्वी उपसरपंचपदाचा...
राज्यात शनिवारपासून ‘जनप्रबोधन यात्रा’नगर/पुणे ः शेतकरी आत्महत्येला कारणीभूत असलेल्या...
फळांपासून वाइननिर्मितीसाठी महाराष्ट्र...नाशिक : द्राक्षाबरोबर डाळिंब, जांभूळ,...
सोलापूर जिल्ह्यात ऊसदरासाठी शेतकरी...सोलापूर ः सोलापूर जिल्ह्यातील सर्व कारखानदार...
शेतकऱ्याने १८ एकरांतील कपाशीत घातली...अकोला ः जिल्ह्यातील कापूस क्षेत्र यंदा बोंड अळीने...
गोदावरी खोरे सिंचन आराखडा सरकारने...नांदेड : आपल्या शासनाच्या काळात मराठवाड्यातील...
शिराळा तालुक्यात गुऱ्हाळघरांना उशिरा...सांगली ः शिराळा तालुक्यात यंदा गूळ उत्पादनाचा...