अकोल्यात कंटेनमेंट झोन वाढणार नाहीत याची काळजी घ्या : आरोग्यमंत्री राजेश टोपे

अकोल्यात प्रॅक्टीस करणारे डॉक्टर, व्यापारी, दुकानदार, मरकजवरून परतलेले नागरिक आणि मधल्या काळात मुंबईवरून परतलेल्यांमुळे अकोल्यात रुग्णसंख्या वाढली असून, येत्या काळात ही रुग्णसंख्या कमी होणार आहे. प्रशासकीय अधिकाऱ्यांनी दिलेल्या सूचनांचे पालन करावे, सूचनांचे पालन झाले नाही तर कारवाईला सामोरे जावे लागेल. - राजेश टोपे, आरोग्यमंत्री.
आरोग्य मंत्री राजेश टोपे
आरोग्य मंत्री राजेश टोपे

अकोला  ः अकोल्यात कोरोना बाधितांची वाढत असलेली संख्या आणि राज्याच्या तुलनेत अधिक असलेला मृत्यूदर हा सरकारच्या मानकांविरुद्ध आहे. ही रुग्णसंख्या का वाढत आहे याचा आढावा घ्या. शहरात ९४ झोनमधून रुग्णवाढ थांबली आहे. ३४ झोनमधून रुग्ण आढळून येत असून या झोनवर लक्ष केंद्रित करा. यापुढे अकोल्यात एकही प्रतिबंधित क्षेत्र वाढता कामा नये,अशी सूचना आरोग्यमंत्री राजेश टोपे यांनी दिली. 

अकोल्याची रुग्णसंख्या ७०० पेक्षा अधिक झाली आहे. राज्याचा डबलिंग रेट हा साडेसतरा दिवसांचा आहे तर अकोल्यात तो १३ दिवसांचा आहे. मृत्यू दर राज्याचा ३ टक्के आहे तर अकोल्यात तो साडेपाच टक्के आहे. हे रुग्ण अकोला महानगरपालिका हद्दीतील असून, यामुळे पोलिस विभाग, जिल्हा प्रशासन आणि महानगरपालिका यांच्यामध्ये समन्वय नसल्याचे दिसून येते. कोणतीही कारणे सांगू नका. शासन हवी ती मदत देण्यास तयार आहे. मात्र, यापुढे एकही प्रतिबंधित क्षेत्र वाढता कामा नये. त्यासाठी एकजुटीने काम करा अशा सूचना त्यांनी अधिकाऱ्यांना दिल्या.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com