मुंबई, ठाण्यात पावसाचा जोर

मुंबई : मुंबई, ठाण्यासह कोकण किनारपट्टीत रविवारी (ता. ५) सकाळपर्यंतच्या २४ तासांत जोरदार पाऊस झाला. मुंबईतील काही ठिकाणी पावसाने पाणी साचले होते.
जोरदार पावसामुळे दादर भागातील रस्ते जलमय झाले
जोरदार पावसामुळे दादर भागातील रस्ते जलमय झाले

मुंबई  : मुंबई, ठाण्यासह कोकण किनारपट्टीत रविवारी (ता. ५) सकाळपर्यंतच्या २४ तासांत जोरदार पाऊस झाला. मुंबईतील काही ठिकाणी पावसाने पाणी साचले होते. 

मुंबईतील पूर्व उपनगरात जोरदार पाऊस झाला. मुलूंड ते सायन परिसरातही मुसळधार पाऊस झाला. जवळपास तीन तास झालेल्या पावसाने चेंबूरकर हैराण झाले. चेंबूरच्या पोस्टल कॉलनी परिसरात मनपाचे बुस्टर पंप सुरू असूनही मोठ्या प्रमाणात पाणी साचले होते. चेंबूरमधील पोस्टल कॉलनीत तीन फूट पाणी साचले. मुंबई उपनगरातील मालाड, गोरेगाव, कांदिवली, बोरीवली आणि दहिसर परिसरात सकाळपासून जोरदार पाऊस सुरू होता. 

ठाण्यात कमी जास्त प्रमाणात पावसाचा जोर कायम होता. पावसाचा जोर असाच सुरू राहिल्यास सखोल भागात पाणी साचण्याची शक्यता आहे. ढगाळ वातावरण असून, हवेत गारवा जाणवत आहे. ठाण्यात शनिवारपासून पावसाने चांगलाच जोर धरला आहे. ठाण्यातील तलवार पाली येथील नौका विहार या ठिकाणच्या रस्त्यावर पार्क करुन ठेवलेल्या तीन चारचाकी गाड्यांवर झाड पडले. यात गाड्यांचे मोठे नुकसान झाले. वसई, विरार, नालासोपाऱ्यातही पाऊस सुरू होता. रिमझिम पाऊसासह अधूनमधून जोरदार सरी बरसत होत्या. दोन दिवसांपासून सतत पडत असणाऱ्या पावसामुळे नागरिकांसह शेतकरीही सुखावले आहेत. वसई तालुक्यात रविवारी सकाळपर्यंतच्या २४ तासात १५२ मिलिमीटर पावसाची नोंद झाली. 

अंबरनाथ तालुक्यालाही पावसाने झोडपून काढले. उल्हासनगर, अंबरनाथ, बदलापूर या भागात पावसाचा जोर कायम होता. शहराच्या अनेक सखल भागात पाणी साचले. शहापूरमध्ये सकाळपासून रिमझिम पाऊस सुरू होता. यानंतर भात लागवडीच्या कामांना सुरुवात झाली आहे. बदलापूरमध्ये रात्रभर पावसाची दमदार बॅटिंग सुरू होती. बदलापुरातील सखल भागात पाणी साचल्याचे पाहायला मिळाले. 

पालघर जिल्ह्यात वसई येथे १२२.४३, जव्हार येथे ८१.६७, विक्रमगड येथे ९७.०, मोखाडा येथे ४४.४, वाडा येथे ८५.०, डहाणू येथे ८३.५२, पालघर येथे १२२.४३, तर तलासरीत ७८.५ मिमी पावसाची नोंद झाली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com