गाव करतेय गवतांचे संवर्धन

गवताची रोपवाटिका आपल्या पिढीला सुरक्षित व शाश्वत शेती देण्यासाठी झाडाप्रमाणेच गवताची लागवड व संगोपन अतिशय महत्त्वाचे आहे. यासाठी आम्ही मारवेल २,५०० रोपे, पवना सात हजार रोपे आणि डोंगरी गवताची दहा हजार रोपांची लागवड केली आहे. गावकऱ्यांच्या सहकार्यातून गावामध्ये दर्जेदार पौष्टीक गवताची रोपवाटिका उभी केली जात आहे. -विमलताई कदम (सरपंच, सिंदखेड लपाली, ता. मोताळा जि. बुलडाणा)
grass cultivation
grass cultivation

 शाश्वत प्रगतीच्या मार्गावर निघालेले वऱ्हाडातील सिंदखेड लपाली (ता. मोताळा जि. बुलडाणा) हे गाव विकासासाठी सर्वांगीण प्रयत्न करीत आहे. वृक्ष लागवड, वृक्षसंवर्धन, मृदा सवंर्धन, पाणी अडविणे, पाणी जिरवणे असे उपक्रम राबवून  शेतकऱ्यांचे  उत्पन्न वाढविणे तसेच जोडधंद्यातून विकास साधणे यावर हे गावकरी भर देत आहेत. जल, जमीन आणि जंगल या त्रिसुत्रीचा वापर करून  गाव स्वयंपूर्णतेच्या मार्गावर निघाले आहे. गावाच्या हद्दीत असलेल्या शासकीय जमिनीवर सरपंच विमल कदम यांनी पुढाकार घेत राहुरी व पुरंदर येथून अंजन, पवना, माली कुसाडी आदी गवतांचे बियाणे आणून गावकऱ्यांच्या मदतीने लागवड केली आहे. या गवताचे संगोपन करून गावाचे ओसाड शिवार हिरवेगार करण्याचा निर्धार गावाने केला आहे. यामुळे गावातील जनावरांना वर्षभर हिरवा चारा उपलब्ध होईल,तसेच दूध उत्पादन वाढविण्यासही हातभार लागणार आहे.  सिंदखेड लपाली येथील ग्रामस्थ आता गवत काढून टाकण्याचे किंवा जाळून टाकण्याचे काम करीत नसून गावशिवारात गवताचे संगोपन करीत आहेत. गावाने वॉटर कप स्पर्धा, स्वच्छता स्पर्धांमध्ये सहभाग घेत पुरस्कार मिळविले आहेत. आता गावकरी स्वयंपुर्णतेसाठी काम करीत आहेत.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com