Agriculture Agricultural News Marathi success story of Banana management by Nitin Choudhari, Bhatpura,Dist.Dhule | Agrowon

केळी पीलबागेचे व्यवस्थापन, खर्च कमी करण्यावर भर

चंद्रकांत जाधव
शुक्रवार, 22 मे 2020

सध्या जुलैमध्ये लागवडीच्या बागेतील काढणी ७० टक्‍क्‍यांवर झाली आहे. या बागेत मी खोडव्याचे (पीलबाग) व्यवस्थापन करणार आहे.

 माझी काळी कसदार दहा एकर शेती आहे. दोन कूपनलिका असून, एका सालगडीच्या मदतीने शेतीचे व्यवस्थापन मी करतो. कृषी पदवीधर असल्याने पिकाचे योग्य व्यवस्थापन करत चांगले उत्पादन घेण्याचा प्रयत्न करतो. मी दोन टप्प्यात केळीची लागवड केली आहे. पहिली लागवड चार एकरात २ जुलै २०१९ रोजी आणि दुसरी लागवड सहा एकरात जानेवारीत केली होती. मी उतिसंवर्धित रोपांची लागवड केली आहे.

 सध्या जुलैमध्ये लागवडीच्या बागेतील काढणी ७० टक्‍क्‍यांवर झाली आहे. या बागेत मी खोडव्याचे (पीलबाग) व्यवस्थापन करणार आहे. कोरोना टाळेबंदीमुळे केळीचे दर उतरलेले आहेत. मला सरासरी ५०० रुपये प्रति क्विंटलचा दर मिळाला आहे.येत्या काळात केळी पिकावरील खर्च कमी करण्याबाबत कटाक्ष असणार आहे. त्यातूनच खोडवा व्यवस्थापनासंबंधीचे नियोजन केले आहे. 

असे आहे नियोजन 

  •  चार एकरातील लागवड सहा बाय पाच फूट अंतरात केली आहे. सुमारे सहा हजार झाडे या बागेत आहेत. बाग जोमदार असल्याने काढणी ९० टक्‍क्‍यांपर्यंत होईल. यामुळे पीलबागेतही झाडांची संख्या ९५ टक्‍क्‍यांवर राखता येणार आहे. गादीवाफ्यावर लागवड असून ठिबक सिंचन केलेले आहे.
  •   काढणीनंतर  गादीवाफे व्यवस्थित करून पिकाचे अवशेष बागेतच टाकणार आहे. पावसाळ्यात या अवशेषांवर एकरी ३०० किलो सिंगल सुपर फॉस्फेट टाकणार आहेत. तसेच २०० लिटर पाण्यात पालापाचोळा कुजविणारे जिवाणू संवर्धक ३ लिटर मिसळून केळीच्या अवशेषांवर शिंपडून देणार आहे. यामुळे हे योग्य वेळेत कुजून जमिनीचा सेंद्रिय कर्ब वाढण्यास मदत होणार आहे.
  •   मातीची  तपासणी लागवडीच्या पूर्वी केली होती. यामुळे कुठले अन्नघटक आवश्‍यक आहेत, याची नेमकी माहिती आहे. यानुसार खोडवा पिकाला खते देणार आहे. खर्च कमी करण्यासाठी फक्त दोन बेसल डोस देणार आहेत. यानंतर आवश्‍यकतेनुसार खते व पाण्याचे नियोजन केले जाईल. 
  •   सध्या  बागेत काढणी पूर्ण होत आली असली तरी फुटव्यांची चांगली वाढ व्हावी यासाठी रोज किमान सहा तास सिंचन केले जात आहे. ड्रीपरची पाणी देण्याची क्षमता प्रति तास प्रति ड्रीप चार लीटर एवढी आहे. पुढे पावसाळ्यात सिंचनाची फारशी गरज भासणार नाही. फक्त पावसात खंड पडल्यास उष्णता व आर्द्रता लक्षात घेऊन सिंचन केले जाईल. हिवाळ्यात रात्रीच्या वेळेस रोज तीन ते चार तास सिंचनाचे नियोजन आहे. पुढील १० ते ११ महिन्यात पीलबाग केळीची काढणीदेखील पूर्ण होईल.

पूर्वमशागत, लागवडीसंबंधीचा खर्च वाचणार

  • पीलबाग केळीमुळे पुनर्लागवड, पूर्वमशागत व मजुरीचा खर्च वाचणार आहे. त्यात नांगरणी, रोटाव्हेटर, बेड निर्मितीचा एकरी किमान २८०० रुपये खर्च वाचेल.
  •  नव्याने केळी लागवडीसाठी उतिसंवर्धित रोपाची गरज भासली असती, परंतु पीलबागेसाठी रोपांचा खर्च नाही. त्यामुळे एकरी किमान १८ हजार रुपये खर्च वाचणार आहे. तसेच लागवड व इतर कामांसाठीचा मजुरी खर्चही लागणार नाही. 
  •  ठिबक सिंचन यंत्रणा बागेत कार्यरत आहे, तीच पुढेही वापरात असणार आहे. त्यामुळे ठिबक सिंचन आणि दुरुस्तीचा फारसा खर्च लागणार नाही. 

- नितीन चौधरी, ९४२३९०६१३०

 

टॅग्स

फोटो गॅलरी

इतर यशोगाथा
सणांच्या हंगामात भाव खाणारी गाडे यांची...कांजळे (ता. भोर, जि. पुणे) येथील विलास गाडे यांनी...
संकटकाळात श्री ब्रॅण्डद्वारे दर्जेदार...नाशिक जिल्ह्यातील वनसगाव येथील शैलेश व संदीप या...
संशोधनवृत्तीला सातत्याची जोड शेतीउपयोगी...प्रत्येक माणसात एक संशोधक दडलेला असतो. अगदी खेळणी...
पशुपालनाने दिली आर्थिक प्रगतीला साथकोळन्हावी (ता. यावल, जि. जळगाव) येथील देवानंद...
दुग्ध व्यवसायातून अल्पभूधारक शेतकऱ्याची...वडिलोपार्जित पाच एकर शेतीमध्ये कुटुंबाचा...
चटणी, मसाल्याचा बनविला ब्रॅण्डकोल्हापूरची खाद्य संस्कृती म्हटलं की, तिखटाबरोबर...
शेती, आरोग्य अन् महिला विकासाची शक्तीगोमेवाडी (ता. आटपाडी, जि. सांगली) येथील ग्रामीण...
लोकसहभागाच्या बळावर मुळेगाव बनले...पाणी, वीज, रस्ते या मूलभूत सोई-सुविधा...
हिवरेबाजार शिवारात सीताफळांचा गोडवाआदर्श गाव हिवरेबाजार (ता.जि. नगर) गावासह...
बारमाही भाजीपाला उत्पादनातून नियमित...सततच्या दुष्काळी स्थितीमुळे शेतकऱ्यांच्या...
शाश्वत उत्पन्नासाठी फळबाग ठरतेय फायदेशीरकेवळ पारंपरिक पिकातून शाश्वत उत्पन्न हाती येत...
शेतीला मिळाली पूरक उद्योगांची जोडभोके (ता. जि.रत्नागिरी) या दुर्गम गावातील देवयानी...
लोकसहभागातून हिंगणगाव झाले ‘पाणी’दारपाणीटंचाई आणि कित्येक वर्षांपासून दुष्काळाशी...
देशी गोपालनाचा शेतीला मिळाला आधारकातरखडक (ता. मुळशी, जि.पुणे) येथील राणी संतोष...
फळबागेने दिली आर्थिक स्थिरतासुदाम देवराव शिंदे यांनी वरुडी (जि. जालना) येथील...
कृषी पर्यटन केंद्र बनलंय तंत्रज्ञान...कुंभारगाव (ता.इंदापूर,जि.पुणे) येथील प्रयोगशील...
आग्या मधमाशी संवर्धनासोबतच स्थानिकांना...परागीकरणात महत्त्वाची भूमिका बजावणाऱ्या मधमाशांचे...
महिला गटांना मिळाली 'प्रेरणा'रामनगर (ता.जि.जालना) येथील सौ.उषा संदीपान चव्हाण-...
रेशीम शेतीने दिली आर्थिक साथपळासखेडा (ता.जामनेर, जि.जळगाव) येथील राहुल पाटील...
मिश्र पीक पद्धतीतून सावरले बरडे कुटुंबीयजेव्हा यश येते, तेव्हा सर्वजण आपल्या आनंदात सामील...