उत्तर सोलापूर तालुक्यातील शेवटच्या टोकाकडील भागाईवाडी हे छोटंसं गाव. लोकसहभाग त्याचबरोबरीने लोकप्रतिनिधी, प्रशासकीय अधिकारी, कर्मचारी यांच्या सहकार्याने भागाईवाडी गावामध्ये आम्ही विविध उपक्रम राबविले आहेत.
सततच्या दुष्काळावर मात करण्यासाठी पानी फाउंडेशनच्या माध्यमातून जल, मृद्संधारणासाठी चांगले प्रयत्न ग्रामस्थांनी केले. स्पर्धेच्या माध्यमातून आम्ही ओढा खोलीकरण केले. जलयुक्त शिवारअंतर्गत लोकसहभागातून नवीन सिमेंट बंधारा, गायरानमधील पाझर तलाव, बंधारा दुरुस्ती केली. यातून गावशिवारात चांगल्या प्रकारे जल, मृद्संधारण झाले. जल, मृद्संधारणामुळे झालेला बदल पाहण्यासाठी अभिनेते आमीर खान, त्यांच्या पत्नी किरण राव, डॅा. सत्यजित भटकळ अशी सिनेसृष्टीतील दिग्गज मंडळी गावामध्ये आली होती. या मान्यवरांनी आमच्या गावात श्रमदानही केले. जल, मृद्संधारणाच्या बरोबरीने ग्रामविकासाच्या योजना राबवून शाश्वत विकासावर आम्ही भर दिला आहे. स्वच्छ भारत अभियानांतर्गत कुरुक्षेत्र (हरियाना), गांधीनगर (गुजरात) येथे देखील मी अभ्यास दौरा केला. त्याचा फायदा ग्रामविकासासाठी होत आहे.
शाश्वत विकासाच्या दिशेने
आयएसओ मानांकनासह हायटेक काम चार वर्षातील कामगिरी पाहाता अनेक बाबतीत भागाईवाडीला पहिल्या स्थानावर नेण्याचा प्रयत्न आहे. अंगणवाडी, जिल्हा परिषद प्राथमिक शाळा आणि ग्रामपंचायत आयएसओ असलेले जिल्ह्यातील पहिले उपक्रमशील गाव म्हणून आम्ही ओळख बनविली. ग्रामपंचायतीचे संपूर्ण कामकाजही संगणकावर करणारे गाव म्हणूनही आम्ही वेगळेपण जपत असल्याची माहिती सरपंच सौ. कविता शिवाजी घोडके-पाटील यांनी दिली.
- सौ. कविता शिवाजी घोडके-पाटील, ९९२२३३८५५५
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.