डाळिंब फळ काढणी हंगाम संपल्यानंतर बागेचे पुढील हंगामाचे व्यवस्थापन सुरु झाले आहे. सध्या बागेत स्वच्छतेबरोबर सध्या शेणखत आणि सुपर फॉस्फेटची मात्रा देऊन बेडची चाळणी करुन घेण्याचे काम सुरू आहे. झाडाची वाढ आणि जमिनीचा पोत लक्षात घेऊनच खतमात्रेचे नियोजन केले आहे. माझी आठ एकर डाळिंब लागवड आहे. यातील चार एक भगवा आणि चार एकर सुपर भगवा जातीची लागवड आहे. मला एकरी आठ ते दहा टनाचे उत्पादन मिळते. यंदाच्या वर्षी हवामान बदलाचा मोठा परिणाम डाळिंब उत्पादनावर झाला. नुकताच काढणी हंगाम संपला आहे. यावर्षी मला सर्व क्षेत्रातून २० टन उत्पादन मिळाले असून फळांची विक्री संपली आहे. यंदा कोरोना टाळेबंदीमुळे देखील दराचा फटका बसला.मला सरासरी ५० रुपये प्रति किलो दर मिळाला. यंदा हा दर किमान १०० रुपये अपेक्षित होता.
फळ काढणी हंगाम संपल्यानंतर बागेचे पुढील हंगामाचे व्यवस्थापन सुरु झाले आहे. सध्या बागेत स्वच्छतेबरोबर सध्या प्रति झाड ३० किलो शेणखत आणि १०० ग्रॅम सुपर फॉस्फेटची मात्रा देऊन बेडची चाळणी करुन घेण्याचे काम सुरू आहे. झाडाची वाढ आणि जमिनीचा पोत लक्षात घेऊनच खतमात्रेचे नियोजन केले आहे. सध्याच्या काळातील बदलत्या हवामानात डाळिंबावर मावा,पांढरी माशीचा प्रादुर्भाव होऊ शकतो. नियंत्रणाच्यादृष्टीने कीडनाशकांच्या फवारणीचे नियोजन करणार आहे. हे काम साधारण टप्प्याटप्प्याने तीन महिने चालेल.
- राजू कोंडे, ९२८४०५६०५९
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.