Agriculture Agricultural News Marathi success story of Vishal Sarphre,Bhu,Dist.Ratnagiri | Agrowon

‘हापूस'च्या नऊ हजार पेट्यांची ग्राहकांना थेट विक्री 

राजेश कळंबटे 
शुक्रवार, 15 मे 2020

हंगाम तोंडावर आला असतानाच कोरोनाने देशभरात पाय पसरले आणि आंबा बागायतदारांच्या तोंडचे पाणी पळाले. बाजारपेठ आणि ग्राहकांकडे तयार झालेला हापूस पोहोचवायचा कसा? हा प्रश्न तयार झाला. मात्र लॉकडाऊनच्या परिस्थितीवर मात करत भू गावातील (ता. राजापूर, जि. रत्नागिरी) आंबा बागायतदार विशाल सरफरे यांनी थेट ग्राहकांपर्यंत आंबा पोचवण्याचा यशस्वी प्रयत्न केला. 

हंगाम तोंडावर आला असतानाच कोरोनाने देशभरात पाय पसरले आणि आंबा बागायतदारांच्या तोंडचे पाणी पळाले. बाजारपेठ आणि ग्राहकांकडे तयार झालेला हापूस पोहोचवायचा कसा? हा प्रश्न तयार झाला. मात्र लॉकडाऊनच्या परिस्थितीवर मात करत भू गावातील (ता. राजापूर, जि. रत्नागिरी) आंबा बागायतदार विशाल सरफरे यांनी थेट ग्राहकांपर्यंत आंबा पोचवण्याचा यशस्वी प्रयत्न केला. 

कृषी विभाग, आत्मा आणि परजिल्ह्यातील ओळखीच्या लोकांच्या सहकार्यामुळे विशाल सरफरे यांनी आत्तापर्यंत सुमारे नऊ हजार आंबा बॉक्सची विक्री केली. राज्य, परराज्यातील बाजारपेठ थांबली असताना बागायतदार ते थेट ग्राहक अशी साखळी निर्माण करण्यात विशाल यांना यश मिळाले. 

कोरोना प्रादुर्भाव रोखण्यासाठी शासनाने लॉकडाऊनचा निर्णय घेतला. याचा सर्वात मोठा फटका कोकणातील आंबा बागायतदारांना बसला. या परिस्थितीची माहिती देताना विशाल सरफरे म्हणाले की, यंदा हंगामाला थोडा उशीर झाला असला तरीही मार्च अखेरीस आंबा तयार झाला होता. लॉकडाऊनच्या सुरुवातीला शेतमाल वाहतुकीवर निर्बंध होते. बाजारपेठा बंद होत्या आणि ग्राहकांच्या समोर खरेदीच्या अडचणी होत्या.

तयार होणारा आंबा कसा विकायचा ? या प्रश्न समोर होता. आत्तापर्यंत मी पुणे, मुंबई,अहमदाबाद,राजकोट येथील व्यापाऱ्यांकडे आंबा विक्रीस पाठवत होतो. परंतु वाहतूक थांबल्याने विक्रीची अडचण तयार झाली. परंतु परिस्थितीत डगमगून न जाता मी कृषी विभाग आणि आत्मा यांच्या सहकार्याने आंबा विक्रीची साखळी तयार केली. फळ वाहतुकीचा परवाना मिळविला. मागणी लक्षात घेऊन चार आणि पाच डझनाचे हापूस आणि पायरी आंबा बॉक्स भरून थेट ग्राहकांपर्यंत पोचवण्याचे मी नियोजन केले. थेट विक्री हा माझा पहिलाच अनुभव होता आणि मी यशस्वी झालो. 

बागायतदार ते ग्राहक तयार केली साखळी 
 आत्माकडून मिळालेले ग्राहक आणि वैयक्तिक संपर्क यांचा मेळ साधत विशाल यांनी सुरुवातीला सातारा, फलटण येथे शंभर आंबा बॉक्स पाठवले. थेट बागायतदारांकडून घरपोच सेवा मिळत असल्याचे लक्षात आल्यानंतर ग्राहकांकडून मागणी येऊ लागली. त्यानंतर मुंबई, पुणे, सातारा,कराडसह विविध भागांमध्ये हापूस आंबा बॉक्स पाठविण्यास सुरवात केली. चार डझनाच्या बॉक्सला १८०० ते २००० रुपये तर पाच डझन बॉक्सला अडीच हजार रुपयांपर्यंत दर मिळाला. आत्तापर्यंत विशाल यांनी नऊ हजार बॉक्स ग्राहकांच्यापर्यंत पोहोचविले आहेत. या उपक्रमाला शहरी ग्राहकांचा चांगला प्रतिसाद मिळाला आणि नवी बाजारपेठ तयार झाली. विविध शहरातील सर्व ग्राहकांचा डाटा तयार केला असून पुढील वर्षीपासून किमान पन्नास टक्के आंबा हा थेट ग्राहकांपर्यंत पोहोचविण्याचे नियोजन विशाल यांनी केले आहे. 

-  विशाल सरफरे , ८९७६५१७३५२ 


फोटो गॅलरी

इतर यशोगाथा
रेशीम शेतीतून टाकळीने बांधले प्रगतीचे...यवतमाळ जिल्हयात रेशीम शेतीच्या माध्यमातून आर्थिक...
कमी पावसाच्या प्रदेशात रुजल्या...औरंगाबाद जिल्ह्यातील इतिहास प्रसिद्ध दौलताबाद...
शास्त्रीय तंत्राद्वारे वाढवली कांद्याची...अवर्षणग्रस्त येवला तालुक्यातील (जि. नाशिक)...
पडीक जमिनीत फुलवली साडेतीन हजार झाडांची...माहुळंगे (ता. देवगड, जि. सिंधुदुर्ग) येथील अनिल...
निर्यातक्षम उत्पादन, बाजारपेठांचा शोध...नाशिक जिल्ह्यातील नैताळे (ता.निफाड) येथील...
राईसमिल, पोहे निर्मितीतून व्यवसायवृद्धीवेहेळे (ता. चिपळूण, जि. रत्नागिरी) येथे शंकर जाधव...
भाजीपाला लागवडीतून उघडला प्रगतीचा मार्गसोयाबीन, भात अशा पारंपरिक कोरडवाहू पिकांवर भिस्त...
थेट पपई विक्रीतून मिळविला तिप्पट दर !परभणी ः कोरोनाच्या स्थितीमध्ये लॉकडाऊन व...
दुग्धव्यवसायातून शेतीला दिला सक्षम...आत्महत्याग्रस्त अशी ओळख असलेल्या यवतमाळ...
तंत्रज्ञान आत्मसात करीत प्रयोगशील शेतीत...अकोला जिल्ह्यातील आस्टुल येथील संतोष घुगे यांनी...
केळी ‘रायपनिंग चेंबर’ व्यवसाय झाला पूरक...सातारा जिल्ह्यातील अनवडी (ता. वाई) येथील प्रवीण...
सव्वा एकरांत सेंद्रिय भाज्यांचा `जगदाळे...कोल्हापूर जिल्ह्यातील नृसिंहवाडी (ता.शिरोळ) येथील...
व्यवसाय सांभाळून शेतीमध्ये वाढविली...खासगी नोकरी सोडून आपला पेपर प्रॉडक्‍ट, प्लॅस्टीक...
दर्जेदार पेरू, सीताफळाच्या उत्पादनावर भरमाझ्याकडे पेरू आणि सीताफळाची लागवड आहे. पेरूच्या...
गावोगावी फिरून विकली पंधरा टन द्राक्ष कोरोनामुळे बाजार समित्या बंद झाल्या, व्यापारीही...
मका उत्पादन वाढीसाठी सुधारित तंत्रावर भर  यंदा पंधरा एकर क्षेत्रावर मका लागवडीचे...
`कोरडवाहू` प्रकल्पातून मिळाली शेती,...सिंधुदुर्ग जिल्हयातील खांबाळे गावाचे चित्र...
शेती. शिक्षण, विकासकामांतून पुढारलेले...भाटपुरा (जि.धुळे) गावाने सिंचनाचे शाश्‍वत स्त्रोत...
केळी पीलबागेचे व्यवस्थापन, खर्च कमी... माझी काळी कसदार दहा एकर शेती आहे. दोन...
बियाणे बदल, संतुलित खत व्यवस्थापनातून...खरीप हंगामाची तयारी पूर्ण झाली आहे. सध्या...