राज्य तलाठी संघांकडून एक दिवसाचे वेतन कपातीचे निवदेन

परभणी ः कोरोना बाधितांच्या मदतीसाठी तलाठी, मंडल अधिकारी, अवल कारकून, नायब तहसीलदार या संवर्गातील कर्मचा-यांचे एक दिवसाचे वेतन कपात करुन मुख्यमंत्री निधीत समाविष्ट करण्यात यावे, अशी मागणी महाराष्ट्र राज्य तलाठी संघातर्फे मुख्यमंत्री उध्दव ठाकरे यांच्याकडे करण्यात आली.  

परभणीचे जिल्हाधिकारी दीपक मुगळीकर यांच्यामार्फत मुख्यमंत्री ठाकरे यांना याबाबत निवेदन पाठविण्यात आले आहे. यावेळी राज्य तलाठी संघाचे सरचिटणीस लक्ष्मीकांत काजे, परभणी तालुका अध्यक्ष शामसुंदर सूर्यवंशी, कार्याध्यक्ष अभय मस्के, मंडल अधिकारी संजय काकडे, गजानन कन्व आदी उपस्थित होते.