संत श्री ज्ञानेश्‍वर महाराज यांच्या पादुका पंढरपूरकडे मार्गस्थ

आळंदी, जि. पुणे ः आकर्षक फुलांनी सजविलेली लाल परी...माउली नामाचा गजर..अन् पुंडलिका वरदे हरि विठ्ठलाचा नामघोष करत संत ज्ञानेश्‍वर माउलींचा पालखी सोहळा तब्बल सतरा दिवसांचा आजोळघरातील मुक्काम उरकून मंगळवारी (ता. ३०) आषाढ शुद्ध दशमीला चल पादुकांसह मोजक्या वारकऱ्यांसमवेत दुपारी एक वाजता पंढरपूरकडे मार्गस्थ झाला.
 संत श्री ज्ञानेश्‍वर महाराज यांच्या पादुका मंगळवारी मोजक्‍याच वारकऱ्यांसह आषाढी एकादशीनिमित्ताने एस.टी बसने पंढरपूरकडे रवाना झाल्या.
संत श्री ज्ञानेश्‍वर महाराज यांच्या पादुका मंगळवारी मोजक्‍याच वारकऱ्यांसह आषाढी एकादशीनिमित्ताने एस.टी बसने पंढरपूरकडे रवाना झाल्या.

आळंदी, जि. पुणे  ः आकर्षक फुलांनी सजविलेली लाल परी...माउली नामाचा गजर..अन् पुंडलिका वरदे हरि विठ्ठलाचा नामघोष करत संत ज्ञानेश्‍वर माउलींचा पालखी सोहळा तब्बल सतरा दिवसांचा आजोळघरातील मुक्काम उरकून मंगळवारी (ता. ३०) आषाढ शुद्ध दशमीला चल पादुकांसह मोजक्या वारकऱ्यांसमवेत दुपारी एक वाजता पंढरपूरकडे मार्गस्थ झाला. 

गेली सतरा दिवस संत श्री ज्ञानेश्‍वर महाराज यांच्या पादुका आजोळघरात होत्या. मात्र ‘कोरोना’च्या पार्श्वभूमीवर दर्शनाला बंदी होती. आज (ता. १) आषाढी एकादशी असल्याने पंढरपुरात जाण्यासाठी लगबग होती. अवघ्या वीस लोकांना वारीसाठी परवानगी होती. पहाटे माउलींच्या पादुकांवर पवमान पूजा आणि दुधारती केली. त्यानंतर दुपारी बाराच्या दरम्यान नैवद्य दाखविण्यात आला. दुपारी एक वाजता कर्णा वाजल्यानंतर पालखी सोहळा मालक राजाभाऊ आरफळकर हातात माउलींच्या पादुका घेत बसचे दिशेने निघाले. 

या वेळी पालखी सोहळा प्रमुख योगेश देसाई, आळंदी देवस्थानचे प्रमुख विश्वस्त अॅड विकास ढगे, उर्जितसिंह शितोळे सरकार, प्रांताधिकारी संजय तेली, बाळासाहेब चोपदार उपस्थित होते. या वेळी ग्रामस्थ आणि वारकऱ्यांनी ‘पुंडलिका वरदे हरि विठ्ठल’चा गजर करत माउलींच्या पादुका बसमधे नेल्या आणि बस पंढरीच्या दिशेने मार्गस्थ झाली. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com