Crop Damage : विजेची तार तुटल्याने १५ एकर उसाला आग

महावितरणच्या गलथान कारभाराचा फटका; शेतकऱ्यांचा आरोप
Crop Damage
Crop Damage Agrowon

ॲग्रोवन वृत्तसेवा
चिंचखेड, ता. दिंडोरी : नाशिक जिल्ह्यातील चिंचखेड येथे गुरुवारी (ता. २७) दुपारी अडीचच्या सुमारास शिवारातील गट नं. ११० येथे शेतावरून महावितरणची मुख्य विद्युतवाहिनी गेली आहे. येथील तारा तुटल्याने झालेल्या घर्षणामुळे आग लागून सुमारे १५ एकर आडसाली ऊस (Sugarcane Crop) जळून खाक झाल्याची माहिती शेतकऱ्यांनी दिली.

Crop Damage
Cotton Market : खानदेशात जिनिंग प्रेसिंग कारखान्यांची धडधड सुरू

घटनास्थळी पिंपळगाव येथील अग्निशामक दल पोहोचल्यानंतर आग विझविण्याचे शर्थीचे प्रयत्न करण्यात आले. महावितरण कर्मचाऱ्यांच्या हलगर्जीपणामुळे हा प्रकार झाला असल्याचे संबंधित शेतकऱ्यांचे म्हणणे आहे. या मध्ये दौलत मुरलीधर संधान, भाऊसाहेब रघुनाथ पाटील, प्रभाकर रघुनाथ पाटील, चंद्रभागा रंगनाथ मोरे, सुमनबाई राजाराम पाटील, सदाशिव राजाराम पाटील, सोमनाथ राजाराम पाटील, पंढरीनाथ राजाराम संधान यांचे ऊस क्षेत्राचे मोठे नुकसान झाले आहे.
महसूल विभागाच्या वतीने तलाठी श्री. शेख यांनी निवृत्ती नामदेव मातेरे, सुनील शिवाजी मातेरे, संदीप परसराम जगताप, शाम दिनकर जाधव, गुणवंत मोतीराम पाटील, कैलास पंढरीनाथ संधान, काशिनाथ मुरलीधर संधान, आदेश दत्तात्रय मातेरे या पंचांसमोर शुक्रवारी (ता. २८) पंचनामा केला. तत्काळ भरपाई देण्याची मागणी नुकसानग्रस्त शेतकऱ्यांनी केली आहे.

Crop Damage
Sugarcane FRP : ऊस वाहतुकीचे ट्रॅक्टर रोखले

उसाशेजरी शेतीसाहित्यासह द्राक्ष बागेचे नुकसान
उसाच्या क्षेत्राशेजारी खंडेराव फुकट यांच्या गट नं. १०८ मधील द्राक्ष बागेचे ही मोठ्या प्रमाणात नुकसान झाले. आगीची दाहकता अधिक असल्याने ठिबक सिंचन नळ्या व द्राक्ष वेलींचे मोठ्या प्रमाणात नुकसान झालेले आहे.

Crop Damage
Cotton Picking : कापसाची वेचणी कशी कराल? | ॲग्रोवन

प्रतिक्रिया
१९६० दरम्यान उभारलेले खांब व विद्युततारा आजपर्यंत बदललेल्या नाहीत. त्यामुळे हा प्रकार घडला. महावितरणच्या गलथान कारभारामुळे तार तुटून पडल्याने जळीत झाल्याने शेतकऱ्यांचे मोठे नुकसान झाले आहे.
- प्रभाकर पाटील, माजी अध्यक्ष-कादवा सहकारी साखर कारखाना

महावितरणच्या अधिकाऱ्यांना या नुकसानीबाबत कळविले आहे. ऐन हंगामात शेतकऱ्यांचे मोठे नुकसान आहे. कामकाजाच्या दुर्लक्षामुळे वारंवार असे प्रकार घडत आहेत. ही बाब गांभीर्याने घेत नुकसान भरपाई द्यावी व सदोष काम दुरुस्त करावे.
- संदीप जगताप, प्रदेशाध्यक्ष, स्वाभिमानी शेतकरी संघटना

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com