Grampanchyat Election : महाडमध्ये २० ग्रामपंचायती बिनविरोध

सरपंच व सदस्य पदाकरिता एकमेव अर्ज दाखल
 Grampanchyat Election
Grampanchyat ElectionAgrowon

महाड : तालुक्यात ७३ ग्रामपंचायतीच्या निवडणुकांसाठी (Grampanchyat Election ) सरपंच पदासाठी २१६ तर सदस्यपदांसाठी ९५६ उमेदवारी अर्ज दाखल झाले आहेत. या पैकी २० ग्रामपंचायतींमध्ये सरपंच व सदस्यांकरिता एकमेव अर्ज दाखल झाल्याने त्‍या बिनविरोध होण्याची शक्यता आहे. बुधवारनंतर (ता. ७) उर्वरित चित्र स्पष्ट होणार आहे.

 Grampanchyat Election
महाडमध्ये कृषी सप्ताह साजरा

तालुक्यातील ७३ ग्रामपंचायतींच्या निवडणुकांसाठी दोन डिसेंबरपर्यंत उमेदवारी अर्ज भरण्याचा शेवटचा दिवस होता. दासगाव, नांदगाव बुद्रूक, नडगाव तर्फे बिरवाडी, लोअर तुडील, अप्पर तुडील, कांबळे तर्फे बिरवाडी, मोहप्रे, वहूर, रानवडी खुर्द, बीजघर, तळीये, बारसगाव, करंजाडी, शिरगाव, गांधारपाले, चिंभावे, ताम्हाणे, लाडवली, अंबवडे, शिरवली, वरंध, करंजखोल या ग्रामपंचायतीमध्ये सरपंच पदासाठी अटीतटीची लढत होण्याची शक्यता वर्तवली जात असल्‍याने राजकीय पक्षांनी ताकद लावली आहे. बिनविरोध २० ग्रामपंचायतींमध्ये कोंझर, पुनाडेतर्फे नाते, वाळण खुर्द, दादली, किंजलघर, नागाव, पिंपळवाडी रुपवली, आचलोली, मोहोत, निगडे, कुंबळे, दापोली, राजीवली, पाचाड, शिरसवणे, वडवली, केंबुर्ली, फाळकेवाडी, चांभारखिंड यांचा समावेश आहे.

 Grampanchyat Election
Co-operative Credit Society : थोरात कारखान्याच्या सेवक पतसंस्थेची निवडणूक बिनविरोध

दोन ठिकाणी सरपंचपदे राहणार रिक्त

महाड तालुक्यातील कुंबळे व फाळकेवाडी या दोन ग्रामपंचायतीमध्ये सरपंच पदासाठी कोणीही उमेदवारी अर्ज दाखल केला नाही. फाळकेवाडी येथील सरपंच पदाचे आरक्षण ओबीसीसाठी राखीव आहे. परंतु फाळकेवाडी गावामध्ये मराठा समाजाचे पूर्णपणे बहुमत असून व संपूर्ण वस्ती मराठा समाजाची असल्याने या ठिकाणी ओबीसी उमेदवार नसल्याने सरपंच पद हे रिक्त राहिले आहे. तर कुंबळे येथेही सरपंचपद ओबीसी महिलेसाठी राखीव आहे. परंतु येथेही उमेदवार नाही.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com