Nagpur News : पेंच व्याघ्र प्रकल्पात लॅंटाना रोपे साफ केलेल्या २०० हेक्टर वनक्षेत्रात प्रथमच राइझोमची (मूळ रूपी कंद) दुप्पट लागवड केलेली आहे. नावीन्यपूर्ण उपक्रमांतर्गत ग्रामविकास समित्यांच्या पाठिंब्याने अतिक्रमणमुक्त झालेल्या वनपट्ट्यांत फळझाडे लावण्याचे काम हाती घेण्यात आले असून, २० हजार फळझाडांची रोपे लावली जाणार आहेत.
बफर गावांचे जीवनमान आणि सर्वांगीण विकासासाठी २० हजार फलोत्पादन रोपे, ३०० किचन गार्डन, १३ ठिकाणी रेन वॉटर हार्वेस्टिंग, शाळांमध्ये २२ सौरविद्युत निर्मिती यंत्रणा, चार तेल आणि डाळ गिरण्या ‘आयसीआयसीआय’ने पुरविल्या आहेत. पेंच व्याघ्र प्रकल्पातील अनेक भागांत अखाद्य वनस्पती लँटाना आणि रानतुळस वाढली होती.
त्या परिसंस्थेची रचना, कार्यप्रणाली आणि रचनांमध्ये बदल घडवतात, परिणामी, स्थानिक प्रजातींच्या विविधतेत लक्षणीय घट होते. या अखाद्य वनस्पती सुधारित परिसंस्था तयार करतात. परिसंस्थेच्या स्तरावर, त्यांच्या प्रभावामध्ये मातीचे गुणधर्म, जलविज्ञान आणि अग्निशामक पद्धतींमध्ये बदल समाविष्ट आहेत.
त्यामुळे तृणभक्षी वन्यप्राण्यांसाठी खाद्य वनस्पतींची टंचाई निर्माण झाली होती. तसेच या वनस्पतींची पाने खाल्ल्यास, प्राण्यांना ॲलर्जी निर्माण करू शकतात. यामुळे व्याघ्र प्रकल्प प्रशासनाने तण निर्मूलनाचे काम हाती घेतले होते.
रूट स्टॉक, अव्यवस्थित बियाण्यांमधून त्यांच्या प्रजननामुळे, जर क्षेत्र नैसर्गिक वनस्पतींनी वाढवले नसेल तर या अखाद्य वनस्पती त्या भागत पुन्हा येतात.
आयसीआयसीआय फाउंडेशनच्या पाठिंब्याने, व्याघ्र प्रकल्पाने २०० हेक्टर वनक्षेत्रात राइझोमची दुप्पट लागवड केलेली आहे. आयसीआयसीआय फाउंडेशनकडून अर्थसाह्य दिले जात आहे.
फाउंडेशनने ३५ फायर ब्लोअर आणि ५५ सोलर वॉटर पंप्समुळे वन्यजीवांना मार्गक्रमण करण्यात मदत झाली आहे. एक बचाव वाहनसुद्धा उपलब्ध करून दिले आहे, असे उपसंचालक डॉ. प्रभुनाथ शुक्ल यांनी कळविले आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
