Lumpy Skin : उपचारानंतर २१ जनावरे ‘लम्पी’मुक्त

उपचारानंतर दोन गावांतील २१ जनावरे या आजारातून मुक्त झाली आहेत. तीन तालुक्यांतील सहा जनावरांच्या नमुन्यांचे अहवाल प्रलंबित आहेत.
Lumpy Skin
Lumpy SkinAgrowon

परभणी ः जिल्ह्यातील तीन गावांतील २३ जनावरांना लम्पी स्कीन (Lumpy Skin) प्रादुर्भाव झाला होता. उपचारानंतर दोन गावांतील २१ जनावरे या आजारातून मुक्त झाली आहेत. तीन तालुक्यांतील सहा जनावरांच्या नमुन्यांचे अहवाल प्रलंबित आहेत. गुरुवार (ता. १५) पर्यंत २८ गावांतील १५ हजार ७६८ जनावरांचे लसीकरण (Lumpy Vaccination) पूर्ण झाले आहे. जिल्ह्यांसाठी ८९ हजार लसीचा पुरवठा करण्यात आला आहे, अशी माहिती जिल्हा पशुसंवर्धन (Animal Husbandry) उपायुक्त डॉ. पी. पी. नेमाडे (Dr. P.P. Nemade) यांनी दिली.

मागील आठवड्यात परभणी जिल्ह्यात आजवर परभणी तालुक्यातील बोबडे टाकळी, बलसा, मांगणगाव या तीन गावांतील २३ जनावरांना लम्पी स्कीन आजाराचा प्रादुर्भाव झाल्याचे आढळून आले. या आजाराचा संसर्ग झालेल्या जनावरांवर उपचार करण्यात आल्यानंतर बोबडे टाकळी येथील ११ आणि बलसा येथील १० संसर्गस्त जनावरे या आजारातूनमुक्त झाली आहेत.

Lumpy Skin
Lumpy Skin : ‘लम्पी स्कीन’ चा आता मांडवे, नंदूरमध्ये प्रादुर्भाव

पिंपळा (ता. मानवत), पूर्णा, कुपटा (ता. सेलू) येथील प्रत्येकी एक आणि कान्हड (ता. सेलू) येथील ३ असे एकूण ६ नमुने या आजाराच्या निदानासाठी पुणे येथील प्रयोगशाळेत तपासणीसाठी पाठविले आहेत. त्यांचे अहवाल अजून प्रलबिंत आहेत. संपूर्ण जिल्हा नियंत्रण क्षेत्र जाहीर करण्यात आला आहे. जनावरांचे बाजार तसेच वाहतूक बंद ठेवण्याचे आदेश जिल्हा प्रशासनाने काढले आहेत. जिल्ह्यातील १५ हजार जनावरांचे लसीकरण पूर्ण... जिल्ह्यात गो वंशीय जनावरांची संख्या २ लाख ९८ हजार आणि म्हशीची संख्या सुमारे १ लाख आहे. लम्पी स्कीनचा प्रादुर्भाव आढळून आलेल्या तसेच निदानासाठी रक्त नमुने घेतलेल्या गावांच्या ५ किलोमीटर परिसरातील गावांतील जनावरांना प्रतिबंधक लसीकरण करण्यात येत आहे.

Lumpy Skin
Lumpy Skin : अन्य राज्यांच्या तुलनेत महाराष्ट्रात ‘लम्पी स्कीन’चा मृत्युदर कमी

गुरुवार (ता.१५) पर्यंत २८ गावांतील १५ हजार ७६८ जनावरांचे लसीकरण पूर्ण झाले. शुक्रवारी (ता. १६) १० गावांतील जनावरांना लसीकरण सुरु करण्यात आले. जिल्ह्यातील ३७ गो शाळांमधील साडेतीन हजारांपैकी २ हजार ६३५ जनावरांचे लसीकरण पूर्ण झाले. आजवर जिल्ह्यात ८९ हजार लस उपलब्ध झाल्या आहेत. या आजारामुळे जिल्ह्यातील जनावरांचा मृत्यू झाला नाही, असे डॉ. नेमाडे यांनी सांगितले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com