Kolhapur News : कृषी विभागाच्या वतीने येथील जिल्हाधिकारी कार्यालय परिसरात आंतरराष्ट्रीय पौष्टिक तृणधान्य (Millet Diet) वर्षानिमित्त महिलांनी स्टॉलद्वारे विविध धान्याची विक्री केली.
जिल्ह्यातील काही महिलांनी जिल्हाधिकारी कार्यालयासमोर सहा स्टॉल लावले आले होते. या स्टॉलमधून दुपारपर्यंत सुमारे ३० हजार रुपयांची विक्री झाली.
आंतरराष्ट्रीय पौष्टिक तृणधान्य वर्षाच्या निमित्ताने कृषी विभागाअंतर्गत जिल्ह्यात विविध कार्यक्रम राबविण्यात येत आहेत. या कार्यक्रमाचा एक भाग म्हणून मंगळवारी महिलांनी स्टॉल लावले होते. या स्टॉलमधून ज्वारी, बाजरी, नाचणीच्या विविध पदार्थांची विक्री करण्यात आली.
या स्टॉलना आमदार राजू आवळे, आमदार जयश्री जाधव, आमदार ऋतुराज पाटील, जिल्हाधिकारी राहुल रेखावार यांनी भेट देऊन स्टॉलधारकांशी संवाद साधला.
जिल्हाधिकारी कार्यालय व कृषी विभागाच्या संयुक्त विद्यमाने हा कार्यक्रम झाला. प्रभारी जिल्हा अधीक्षक कृषी अधिकारी जालिंदर पांगरे यांच्यासह कृषी विभागाच्या कर्मचाऱ्यांनी या उपक्रमाचे आयोजन केले.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
