Shegaon Rain Records : शेगाव बाजार समितीत ५० वर्षांच्या पाऊस नोंदी

समाजमाध्यमातून शेतकऱ्यांपर्यंत पोहोचते माहिती
50 years of rainfall records in Shegaon Market Committee
50 years of rainfall records in Shegaon Market CommitteeAgrowon

अॅग्रोवन वृत्तसेवा
बुलडाणा ः जिल्ह्यातील शेगाव कृषी उत्पन्न बाजार समितीने (Shegaon Market Committee) पडणाऱ्या पावसाच्या सुमारे ५० वर्षांच्या नोंदी (Rain Records) जपल्या आहेत. कृषी उत्पन्न बाजार समितीतर्फे पर्जन्यमापक यंत्राद्वारे शेगाव शहरात पडणाऱ्या पावसाचे मोजमाप केले जाते. पडलेल्या पावसाचा दैनंदिन अहवाल तालुक्यातील शेतकऱ्यांना समाजमाध्यमांतून पाठवितात. शेतकऱ्यांपर्यंत पावसाची माहिती रोज पोहोचवून या बाजार समितीने शेतकऱ्यांमध्ये एक वेगळे स्थान तयार केले आहे.

50 years of rainfall records in Shegaon Market Committee
Weather Update : पूर्व विदर्भात पाऊस वाढणार

बाजार समितीचे ज्येष्ठ संचालक पांडुरंगदादा पाटील व कर्मचारी पावसाची माहिती शेतकऱ्यांपर्यंत पोहोचवितात. बाजार समितीने घेतलेल्या नोंदीनुसार यंदा पावसाळ्यात १६ सप्टेंबरपर्यंत ९३८.०४ मिलिमीटर म्हणजेच ३७.१९ इंच पाऊस झाल्याची माहिती देण्यात आली आहे. पावसाच्या नोंदीची गेल्या ५० वर्षांतील तारीखवार माहिती उपलब्ध आहे. ही माहिती पूर्वी नियमितपणे बाजार समितीच्या सूचना फलकावर प्रसिद्ध केली जात होती. आताही ही माहिती लिहिली जाते. १९७० च्या दशकात शेगाव बाजार समितीचे कार्यालय हे शासनाचे ‘रेनगेस्ट स्टेशन’ होते. यासाठी बाजार समितीने एका कर्मचाऱ्याकडे जबाबदारी सोपवली आहे, अशी माहिती बाजार समितीचे सचिव विलास पुंडकर यांनी दिली. बाजार समितीच्या या उपक्रमाचे सर्वत्र कौतुक होत आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com