Radhanagari Dam: कोल्हापुरात ६४ बंधारे पाण्याखाली

अद्याप धरणातून (Dam)मोठ्या प्रमाणात पाणी सोडण्यात येत नसल्याने महापुराचा (Flood) धोका सध्या तरी नसल्याचे पाटबंधारे विभागाच्या सूत्रांनी सांगितले.
Radhanagari Dam
Radhanagari DamAgrowon

कोल्हापूर : जिल्ह्यात सतत पडणाऱ्या पावसामुळे शुक्रवारी (ता. १५) दुपारपर्यंत ६४ बंधारे पाण्याखाली गेले. जिल्ह्यात सर्वदूर पाऊस सुरू असला, तरी त्याचे प्रमाण कमी जास्त असल्याने नद्यांचे पाणी फार गतीने वाढत नसल्याची स्थिती आहे. अद्याप धरणातून मोठ्या प्रमाणात पाणी सोडण्यात येत नसल्याने महापुराचा (Flood) धोका सध्या तरी नसल्याचे पाटबंधारे विभागाच्या सूत्रांनी सांगितले.

जिल्ह्यात गेल्या आठ दिवसांपासून सुरू असलेल्या संततधार पावसाने (Heavy Rain) शुक्रवारी सकाळपासून उघडीप घेतली आहे; मात्र ढग दाटून येताच अधून-मधून मोठ्या सरी कोसळत आहेत. शुक्रवारी दुपारी १२ वाजता ‘पंचगंगे’ची पाणीपातळी ३७ फूट ९ इंचांवर पोहोचली होती. इशारा पातळीवर जाण्यासाठी केवळ दीड फूट शिल्लक असल्याने प्रशासन दक्ष राहून बाधित ठिकाणच्या रहिवाशांना सुरक्षित ठिकाणी स्थलांतर होण्याच्या सूचना देत आहे.

Radhanagari Dam
Rain Updates: गडचिरोली जिल्ह्यातील २० मार्ग वाहतुकीसाठी बंद

बंधारे, पूल पाण्याखाली गेलेल्या मार्गावरील वाहतूक पर्यायी मार्गाने वळविण्यात आली आहे. पंचगंगा नदीची पाणीपातळी इंचाइंचाने वाढत असल्याने काठावरील गावांना दक्षतेचा इशारा दिला आहे. पावसाचा जोर असाच राहिल्यास मध्यरात्री पाणीपातळी इशारा पातळीवर पोहोचण्याची शक्यता आहे. जिल्ह्यात शुक्रवारी (ता. १५) सकाळी आठच्या सुमारास संपलेल्या २४ तासांत गगनबावडा (Gaganbavada) तालुक्यात सर्वाधिक ७७.१ मिमी पावसाची नोंद झाली.

Radhanagari Dam
Rain Updates: मराठवाड्यात ५२ मंडलांत अतिवृष्टी

जिल्ह्यात २४ तासांत पडलेला एकूण पाऊस मिमीमध्ये पुढीलप्रमाणे ः हातकणंगले ९.६, शिरोळ ६.२, पन्हाळा ४०.२, शाहूवाडी २६.५, राधानगरी ४४.४, गगनबावडा ७७.१, करवीर २९.४, कागल २३, गडहिंग्लज २२.५, भुदरगड ४४.५, आजरा ५४.१, चंदगड ६१.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com