Crop Loan : रब्बीत ९९६ कोटी रुपये पीककर्ज वाटपाचे उद्दिष्ट

परभणी ः यावर्षीच्या (२०२२-२३) रब्बी हंगामात (Rabi Season) परभणी, (Parbhani) हिंगोली (Hingoli) जिल्ह्यातील बँकांना एकूण ९९६ कोटी ८० लाख रुपये पीककर्ज (Crop Loan) वाटपाचे उद्दिष्ट देण्यात आले आहे. दोन जिल्ह्यात गतवर्षीच्या तुलनेत यंदा पीककर्ज (Crop Loan Supply) वाटपाच्या उद्दिष्टात १३७ कोटी ६४ लाख रुपये वाढ करण्यात आली आहे.

परभणी जिल्ह्यात यंदाच्या (२०२२-२३) रब्बी हंगामात विविध बँकांना ६२४ कोटी ८० लाख रुपये पीककर्ज वाटपाचे उद्दिष्ट देण्यात आले आहे.गतवर्षीच्या तुलनेत यंदा पीककर्ज वाटपाच्या उद्दिष्टात १७ कोटी ८२ लाख रुपयांनी वाढ करण्यात आली आहे.

गतवर्षी ६०६ कोटी ९८ लाख रुपये उद्दिष्ट असताना मार्च अखेर ५५ हजार ९१८ शेतकऱ्यांना ४४३ कोटी ११ लाख रुपये (७३ टक्के) पीककर्ज वाटप करण्यात आले होते. त्यात ३२ हजार २०७ शेतकऱ्यांना २१४ कोटी रुपयाचे नवीन पीककर्ज तसेच २३ हजार ७११ शेतकऱ्यांनी २२८ कोट ७३ लाख रुपयाच्या पीककर्जाचे नूतनीकरण करून घेतले होते.

हिंगोली जिल्ह्यात यंदाच्या (२०२२-२३) रब्बी हंगामात ३७२ कोटी रुपये पीककर्ज वाटपाचे उद्दिष्ट आहे. गतवर्षी (२०२१-२२) तुलनेत यंदा पीककर्जाच्या उद्दिष्टात ११९ कोटी ८२ लाख रुपये वाढ करण्यात आली आहे. गतवर्षी २५२ कोटी १७ लाख रुपये उद्दिष्ट होते. परंतु प्रत्यक्षात ३२ हजार १०८ शेतकऱ्यांना २३३ कोटी रुपये (९२. ४६ टक्के) पीककर्ज वाटप करण्यात आले.

रब्बी हंगाम २०२२-२३

पीककर्ज वाटप उद्दिष्ट

(कोटी रुपये)

बँक परभणी जिल्हा हिंगोली जिल्हा

व्यापारी बँका ३६१.७३ २११.०८

महाराष्ट्र ग्रामीण बँक ८६.९५ ४९.५७

जिल्हा सहकारी बँक १२९.१८ १११.३५

खासगी बँका ४६ ९४