Farmer Suicide : कृषिमंत्री बसले समस्या जाणत; शेतकऱ्याने कवटाळले मृत्यूला

राज्यातील शेतकऱ्यांचे प्रश्न जाणून घेण्यासाठी कृषिमंत्री दुर्गम मेळघाटातील आदिवासी भागात दौऱ्यावर असतानाच एका शेतकऱ्याने आत्महत्या केल्याचा धक्कादायक प्रकार समोर आला आहे.
Farmer Suicide
Farmer Suicide Agrowon
Farmer Suicide
Farmer Suicide : मराठवाड्यात सहा महिन्यांत ४६६ शेतकरी आत्महत्या

‘माझा एक दिवस बळीराजासाठी’ अभियानाची सुरुवात कृषिमंत्री अब्दुल सत्तार (Abdul Sattar) यांनी मेळघाटातील साद्राबाडीतून केली. बुधवारी (ता. ३१) रात्री कृषिमंत्री (Agriculture Minister Maharashtra) साद्राबाडी गावात मुक्कामी होते. गुरुवारीही (ता. १) त्यांनी या गावात शेतकऱ्यांशी संवाद साधला. मात्र याच कालावधीत साद्राबाडीपासून पाच किलोमीटर अंतरावरील लाकटू गावात एका युवा शेतकऱ्याने आत्महत्या (Farmer Suicide) केली. अनिल सुरजलाल ठाकरे (वय २६) असे त्या शेतकऱ्याचे नाव आहे.

Farmer Suicide
Farmer Suicide: सर्वाधिक शेतमजुरांच्या आत्महत्या महाराष्ट्रात

सहा एकर शेती असलेल्या ठाकरे यांचे पीक संततधार पावसाने उद्ध्वस्त झाले. परंतु त्यानंतरही पंचनामे करण्यात आले नाहीत. त्यामुळे भरपाई मिळणार नसल्याने डोक्यावरील कर्ज आणि कुटुंबाच्या दैनंदिन गरजांसाठी पैसा कुठून उभारावा? अशा संकटात ते सापडले होते. याच नैराश्यातून त्यांनी आत्महत्या केल्याचे सांगितले जाते. बुधवारी (ता. ३१) त्यांनी विष प्राशन करून आत्महत्या केली.

कर्ज फेडता आले नाही अनिल ठाकरे यांनी खासगी कंपनीकडून फायनान्सवर ट्रॅक्टर खरेदी केला होता. परंतु त्याच्या हप्त्याची परतफेड त्यांना करता आली नाही. त्यामुळे कंपनीकडून ट्रॕक्टर उचलून नेण्यात आला होता. त्यासोबतच यंदा पावसामुळे पीकही उद्ध्वस्त झाले होते. त्यामुळे त्यांनी आत्महत्या केल्याचे सांगितले जाते.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com