Agriculture Technology : क्यूआर कोडद्वारे कृषिविषयक माहिती मिळणार एका क्लिकवर

कृषिविषयक कुठलीही माहिती हवी असेल, तर क्यूआर कोड स्कॅन करा आणि एका क्लिकवर माहिती मिळवा, अशी सुविधा येथील कृषी विज्ञान केंद्राने तयार केली आहे.
Agriculture Technology
Agriculture TechnologyAgrowon

अकोला ः कृषिविषयक (Agriculture Information) कुठलीही माहिती हवी असेल, तर क्यूआर कोड स्कॅन करा आणि एका क्लिकवर माहिती मिळवा, अशी सुविधा येथील कृषी विज्ञान केंद्राने (KVK) तयार केली आहे. येथे झालेल्‍या कृषी महोत्सवात केव्हीकेने ही सुविधा उपलब्ध करून देत हजारो शेतकऱ्यांमध्ये जनजागृती केली.

Agriculture Technology
SRT Technology : भाताशिवाय अन्य पिकांतही वापरले ‘एसआरटी’ तंत्र

कृषी विज्ञान केंद्राने कृषीविद्या, उद्यानविद्या, पशुविज्ञान, गृहविज्ञान, माती परीक्षण, कृषिविस्तार, पीकसंरक्षण अशा कृषिविषयक विविध विषयांची माहिती एकत्र केली आहे. ही माहिती क्यूआर कोडच्या माध्यमातून मोबाईलद्वारे थेट उपलब्ध होईल, अशी सुविधा निर्माण केली आहे. शेतकऱ्यांना जेव्हा शेतीमध्ये कृषिविषयक माहितीची गरज असते तेव्हा त्यांच्याकडे बऱ्याच वेळा माहितीपत्रक उपलब्ध नसते.

Agriculture Technology
Agriculture Technology : शेतकऱ्यांच्या प्रगतीचा वेध घेणारी बारामती पाहिल्याचे समाधान

परंतु मोबाईल असल्याने ज्या विषयाची त्याला माहिती हवी असते तेव्हा स्कॅनरद्वारे त्याचा कोड स्कॅन करून ती उपलब्ध होऊ शकते. कृषी विज्ञान केंद्राद्वारे सुमारे ६० विषयांचे क्यूआर कोड तयार करण्यात आले आहेत. शिवाय सर्व विषयांचा एकच क्यूआर कोड दिल्याने त्याद्वारे माहितीची देवाणघेवाण करणेसुद्धा सोयीचे झाले आहे.

हा क्यूआर कोड तयार करण्यासाठी केव्हीकेचे वरिष्ठ शास्त्रज्ञ तथा प्रमुख डॉ. उमेश ठाकरे, गजानन तुपकर, डॉ. गोपाल मंजुळकर, कुलदीप देशमुख, डॉ. चारुदत्त ठिपसे, कीर्ती देशमुख, सचिन महल्ले यांनी पुढाकार घेतला.

डॉ. पंजाबराव देशमुख कृषी महोत्सवादरम्यान या सुविधेची माहिती घेत राज्याचे प्रधान सचिव (कृषी) एकनाथ डवले, कुलगुरू डॉ. शरद गडाख या प्रमुख मान्यवरांसह इतरांनी केव्हीकेच्या दालनाला भेट दिली. या वेळी त्यांनी क्यूआर कोड स्कॅन करून माहिती मिळते किंवा नाही हे तपासले. शेतकऱ्यांनी उत्स्फूर्त प्रतिसाद देत कोड स्कॅन करीत माहिती घेतली.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com