Jalgaon Dairy Election : महाजन, पाटलांच्या नेतृत्वाखाली सर्वपक्षीय पॅनल

जिल्हा दूध उत्पादक संघाच्या संचालकपदाच्या निवडणुकीसाठी राज्याचे ग्रामविकास मंत्री गिरीश महाजन व जिल्ह्याचे पालकमंत्री गुलाबराव पाटील यांच्या नेतृत्वाखाली सर्वपक्षीय पॅनल करण्यात येणार आहे.
Milk Union Elections
Milk Union Elections Agrowon

जळगाव : जिल्हा दूध उत्पादक संघाच्या संचालकपदाच्या निवडणुकीसाठी (Jalgaon Dairy Election) राज्याचे ग्रामविकास मंत्री गिरीश महाजन (Girish Mahajan) व जिल्ह्याचे पालकमंत्री गुलाबराव पाटील यांच्या नेतृत्वाखाली सर्वपक्षीय पॅनल करण्यात येणार आहे. सर्व उमेदवार विजयी करून संघावर वर्चस्व मिळविण्याचा निर्धार करण्यात आला असल्याची माहिती आमदार सुरेश भोळे यांनी दिली.

जिल्हा दूध उत्पादक संघाच्या निवडणुकीत भारतीय जनता पक्ष, शिवसेना शिंदे गट, कॉंग्रेस व राष्ट्रवादी कॉंग्रेसच्या सदस्यांचे सर्वपक्षीय पॅनल करण्याबाबत भाजप नेते, ग्रामविकास मंत्री महाजन व पालकमंत्री पाटील यांच्या नेतृत्वाखाली जळगावात नुकतीच बैठक झाली.

Milk Union Elections
Crop Damage Compensation : नुकसानीच्या मदतीसाठी हवेत ८७७ कोटी रुपये

जिल्ह्यातील भाजपचे आमदार मंगेश चव्हाण, सुरेश भोळे, संजय सावकारे, शिंदे गटाचे आमदार चिमणराव पाटील, किशोर पाटील, चंद्रकांत पाटील, कॉंग्रेसच्या चाळीसगाव येथील सुनीता पाटील, राष्ट्रवादी कॉंग्रेसचे संजय पवार उपस्थित होते. याबाबत आमदार सुरेश भोळे यांनी सांगितले, की यंदा सर्वपक्षीय पॅनल करणाऱ्यावर चर्चा करण्यात आली. पॅनलद्वारे ताकदीने निवडणूक लढवून सर्व उमेदवार विजयी करून पॅनलचाच चेअरमन करण्याचा निर्धार करण्यात आला.

Milk Union Elections
Jalgaon Milk Association : दूध संघ निवडणुकीत नियमांची पायमल्ली

खडसेंच्या भूमिकेकडे लक्ष...

सर्वपक्षीय पॅनलबाबतच्या बैठकीत एकनाथ खडसे व त्यांचे समर्थक उपस्थित नव्हते. खडसेंना दूध संघाच्या निवडणुकीत रोखण्याचा प्रयत्न भाजप व शिंदे गट करीत आहे. यामुळे खडसेंना सर्वपक्षीय पॅनलच्या बैठकीपासूनही दूर ठेवण्यात आल्याची चर्चा राजकीय वर्तुळात सुरू आहे. पुढे खडसे काय भूमिका घेतात, याकडे लक्ष लागून आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com