चाकण, जि. पुणे : येथील (ता. खेड) महात्मा फुले बाजारात (ChakanAPMC) बुधवारी (ता.२१) हंगामातील नव्या कांद्याची आवक (Onion Arrival) सुरू झाली. शिंदे येथील रमेश केंदळे यांनी नवा कांदा बाजारात (Onion Market) विक्रीसाठी आणलेला होता. बाजारात साडेतीन हजार पिशव्यांची आवक झाली.
कांद्याला बाजारात प्रति किलोला चौदा ते अठरा रुपये भाव मिळाला. नवीन कांद्याची आवक सुरू झाली आहे. त्याचबरोबर जुना ही कांदा अल्प प्रमाणात विक्रीसाठी येत आहे, अशी माहिती व्यापारी विक्रम शिंदे, जमीरभाई काझी, खेड कृषी उत्पन्न बाजार समितीचे सचिव बाळासाहेब धंद्रे यांनी दिली.
खेड तालुक्यातील शिंदेगाव येथील रमेश केंदळे यांनी आज नवीन कांदा बाजारात विक्रीसाठी आणला होता. सध्या बाजारात वखारीत साठवलेला कांदा ही विक्रीसाठी येत आहे. हा कांदा स्थानिक परिसरातीलच आहे.
चाकण येथून देशांतर्गत बाजारात मोठ्या प्रमाणात कांदा विक्रीसाठी पाठविला जातो. दिल्ली, बंगळूरू, चेन्नई, केरळ तसेच उत्तर प्रदेश, मध्यप्रदेश, राजस्थान, गुजरात, मुंबई, कोकण या भागात कांदा विक्रीसाठी मोठ्या प्रमाणात पाठविला जातो.
परराज्यातील व्यापारी कांदा खरेदीसाठी बाजारात येतात तसेच संपर्क साधून खरेदी करतात. नवीन कांद्याची आवक जानेवारी, फेब्रुवारी महिन्यात मोठ्या प्रमाणात वाढेल त्यावेळी भाव काय राहतील हे सध्या तरी सांगता येत नाही परंतु भाव सध्या १४ ते १८ रुपये एका किलोला आहेत, असे व्यापारी विक्रम शिंदे, राम गोरे, जमीरभाई काझी, माणिक गोरे, संपत पानसरे, बाळासाहेब सातपुते यांनी सांगितले.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
