Wheat Rate : गव्हाचे दर वाढूनही बाजारात आवक नगण्य

देशातील बाजारात यंदा गव्हाचे दर तेजीत आहेत. सरकारने निर्यातबंदी करूनही दरात जवळपास ११ टक्क्यांनी सुधारणा झाली.
Wheat Rate
Wheat RateAgrowon

पुणे ः देशातील बाजारात यंदा गव्हाचे दर (Wheat Rate) तेजीत आहेत. सरकारने निर्यातबंदी (Export Ban) करूनही दरात जवळपास ११ टक्क्यांनी सुधारणा झाली. तर गहू पीठाचे दरही वाढले. असे असूनही बाजारात गव्हाची आवक नगण्य होत आहे.

Wheat Rate
आवक वाढूनही हरभरा दर टिकून 

साधारणपणे गव्हाचे दर वाढल्यानंतर सरकार खुल्या बाजारात विक्री करून दर नियंत्रणात ठेवते; मात्र यंदा गव्हाचे दर जवळपास ११ टक्क्यांनी सुधारले. तरीही सरकारकडून खुल्या बाजारात गहू विक्रीसंदर्भात कोणत्याही हालचाली सुरू झाल्या नाहीत. याचा परिणाम बाजारातील दरावर जाणवतोय. गव्हाचा साठा असणारे स्टाॅकिस्ट आणि प्रक्रियादार हळूहळू साठा बाहेर काढत आहेत. तर दुसरीकडे गव्हाला पीठ गिरण्यांची मागणी वाढलेली दिसतेय. त्यामुळे गहू आणि गहू पीठाच्या दरात तेजी आली आहे.

यंदा देशात गव्हाचे उत्पादन घटले. तसेच निर्यातही वाढली. गहू निर्यातीचा विचार करता २०२१ मध्ये एप्रिल ते सप्टेंबर या काळात जवळपास २४ लाख टन निर्यात झाली होती; मात्र चालू वर्षात याच काळात जवाळपास ४६ लाख टन गहू निर्यात झाली. त्यामुळे देशातील बाजारात गहू दरात सतत वाढ होत आहे. यंदा जानेवारी ते नोव्हेंबर या काळात गव्हाचे दर जवळपास ११ टक्क्यांनी वाढले. तर गहू पीठाच्या दराने १६ टक्क्यांची झेप घेतली.

Wheat Rate
कापूस आवक वाढूनही दर स्थिरावले 

सरकारने गहू आणि गहू पदार्थांच्या निर्यातीवर बंदी आणली; मात्र तरीही दरातील तेजी कायम आहे. सध्या मागणीच्या तुलनेत गव्हाचा पुरवठा कमी आहे. त्यामुळे पीठ गिरण्यांनी सरकारकडे साठ्यातील ३० ते ४० लाख टन गहू खुल्या बाजारात विकण्याची मागणी केली. पण सरकारने आतापर्यंत कोणताही निर्णय जाहीर केला नाही. यामुळे बाजारभावात आणखी सुधारणा होताना दिसतेय.

गव्हाचे दर वाढण्याची आशा
गव्हाचे दर सध्या रोजच वाढत आहेत. मागील आठवड्यात घाऊक व्यापारी आणि प्रक्रियादारांना २ हजार ९०० रुपये प्रति क्विंटलने गहू मिळत होता; मात्र चालू आठवड्यात ३ हजार रुपये देऊनही गहू मिळत नसल्याचे, गहू प्रक्रियादारांनी सांगितले. मोठे स्टाॅकिस्ट आणि व्यापाऱ्यांना पुढील काळात गव्हाचे दर वाढण्याची आशा आहे. त्यामुळे ते गरजेप्रमाणे बाजारात गव्हाची विक्री करत आहेत.

Wheat Rate
अमूलचे सेंद्रिय गव्हाचे पीठ बाजारात दाखल

किरकोळ विक्री दरात सुधारणा
प्रक्रियादारांनी दिलेल्या माहितीनुसार दक्षिणेतील पीठ गिरण्यांकडे जानेवारीपर्यंत पुरेल एवढा गव्हाचा साठा शिल्लक आहे. मात्र पुर्वेतील गिरण्यांकडील साठा जवळपास संपत आलाय. केंद्रीय ग्राहक कल्याण मंत्रालयाच्या माहितीनुसार, जोनवारी २०२२ मध्ये गव्हाचा किरकोळ विक्री दर २८ रुपये प्रति क्विंटल होता. तो चालू आठवड्यात ३१ रुपये ३० पैशांवर पोचला. तर गहू पिठाचा किरकोळ विक्री दर ३१ रुपयांवरून ३६ रुपयांपर्यंत वाढला.


नवा माल मार्च, एप्रिलपासून बाजारात
देशातील नवा माल मार्च किंवा एप्रिल महिन्यापासून बाजारात येईल. तोपर्यंत सध्या उपलब्ध असलेल्या मालावरच गरज भागवावी लागणार आहे. तसेच बाजाराचे लक्ष सरकारच्या विक्रीवरही असेल. पण बाजारात नवा माल येईपर्यंत गव्हाचे दर तेजीतच राहू शकतात, असा अंदाज जाणकारांनी व्यक्त केला आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com